|
جسم و هيكل السيارة الموضوعات الخاصة بصيانة جسم و هيكل و زجاج و حليات السيارة |
|
أدوات الموضوع |
#1
|
||||
|
||||
الصنايعيه وايامها معايا
السلام عليكم اولاً
ثانياً احب اخد رأيكو ف موضوع وزتى ال504 وانا راجع من دمياط ف شربين كده كبست على ربع نقل جابلى الشنب بالفانوس اليمين قلنا مااااشى رحت عملتها عند السمكرى وغيرت الفانوسين لأنهم كنت ناويلهم اصلاً صرفو 300 جندى قلنا ماااااااشى جبتلها حاجات بحسبه 300 جنيه فوانيس اشارات ورا وقدام وشبوره وشبكه كده وشويه ترويقات قلنا ماااااشى رحت لبتاع البوهيه وسعلى العمليه قدام الوالد وقالى لو عملنا الحاجات المتسمكره دى وداويناها كده الدهان بيبقع ع المدى المتوسط يعنى ابويا سمع الكلمه دى رفض يداوى الحاجات وقلنالو ايه العمل قالنا هنرش العربيه كلها داير ما عدا السقف لأنو مكنش فيه حاجه يدوب هيتلمع بس كده هتاخد كام يا عمنا قالنا هاخد 500 جنيه بعد الواجب لأن ابوك صاحبى من زمان ( نظام التثبيت يعنى ) ابويا قاله ودا العشم يا عم ابراهيم اتفزلك يا حج منتا مش بتدفع حاجه وانا اللى غرمان كلو مصاريف ولسه داخل عليا عيد ومجبتش شبشب المهم شغال ف العربيه رحتلو بعدها بيوم لقيت البطاريه ضعفت ومكنتش راضيه تقوم العربيه عرفت ان الكاسيت اشتغل فتره طويله فصلت السلك بتاعه من ورا خالص وقلت السلك بيعلق لقيت الفرده فاركه على اسفلت ومعلمه اوى ف الكاوتش عرفت ان العربيه اتعمل عليها حفله لكن بعد ده كلو مدينى معاد اخدها من الخميس وهيه بقالها اكتر من اسبوع وكان قالى ف الاول اربع ايام مش اكتر وكل ما اروحله يقولى هدخلها الفرن بكره ( بكره دا مش راضى يجى ) كده مش مااااااااااشى انا كره عينى اللى يدينى معاد وميوفيش فيه العربيه لسه فيها هم ما يتلم لسه فيها يوم ع الاقل عند الميكانيكى يظبطلى العفشه والتكيهات والكرونه ويوم عند الكهربائى يركبلى الحاجات فيها ( اصلها متخلع منها كل جاجه تحس ان العربيه حضنت قطر ) انا عايز رأيكو انا هو قايلى العربيه بايته ف الفرن النهارده وبتاع ومعادى اخدها بكره لو ملقتهاش بكره خلصانه اعمل فيه اييييييييييييييييييييييه ومعلومه كل اللى حصل ف العربيه انا مقلتلوش عليه انا قلت للوالد اللى فاكر انو مودينى لصاحب صاحبه والعربيه محدش هيلمسها وهيه انهرت فرك وقلت قيمه واسف انى طولت عليكو بس انا كنت مخنوق ومش عارف احكى مع مين قلت افضفض مع المنتدى الجميل ده وشكراً جداً
__________________
|
#2
|
||||
|
||||
رد: الصنايعيه وايامها معايا
ربنا يعينك انا ديما اكون رايح الحرفين اصلح حاجة بسيطة وهوووووووب الاقي فواتيح تعمل حاجة تلاقي حاجة تانية وعيش يا معلم
والغريب ان قبل كده العربية بتكون ماشية زي الفل والله انا جت عليا ايام كرهت السواقة والعربيات والعيشة واللي عايشنها بسبب وقفت الصنايعية كت بروح من 9 امشي 9 هههههههههه قلبت عليا المواجع ايام ربنا ما يعدها ،، عموما ربنا يعينك وان شاء الله العربية ترجع احسن من الاول |
#3
|
||||
|
||||
رد: الصنايعيه وايامها معايا
ربنا يعدينا منهم على خير يا ابو الشوق انا كان مالى من الاول انا لما كبست كنت نايم مكنتش ف وعيى والكبسه دى هيه اللى عملت فيه كل ده نورت الموضوع يا غالى
__________________
|
#4
|
||||
|
||||
رد: الصنايعيه وايامها معايا
99 % من صنيعية مصر بنفس المواصفات الى انت شرحتها
انا مش عارف الصنيعية لو راعو ربنا هيخسروا اية --------------------------------------------------------- انت مفيش حل قدامك انك تصبر عليه هى علقه ولازم تاخدها بس لازم تروح تنكشة برضوا علشان مينمش فى العسل ( تاتش خفيف كدا ) وربنا يتممهالك على خير ويعوضك خير عن مبتلاك
__________________
|
#5
|
||||
|
||||
رد: الصنايعيه وايامها معايا
انا مكنش ينفع اكلمو هوه بأسلوب مش كويس لأن التعامل كان مع ابويا ليه مش معايا بس انا طلعته على ابنه والحمد لله بعد طول انتظار خدتها يوم الاتنين واللهى لسه فيها حاجات عايزه تتعمل زى انو الجنط متبهدل مكان الرش وف حتت نيكل اتبهدلت بويه بردو وربنا يصبرنا شكراً ع ردك يا غالى
__________________
|
|
|