|
Hyundai هيونداى Hyundai General Discussion Forum هيونداى من انجح الشركات الكورية وازاد نجاحها وانتشارها بعد ان ضمت اليها شركة كيا الكورية ايضاً من اهم موديلاتها ( اكسيل - فيرنا - اكسنت - ماتريكس - النترا - سوناتا - جينسيس ) |
|
أدوات الموضوع |
#1
|
||||
|
||||
تقرير عن موديلات هيونداى 2011
هيونداى أتوس تنتمى لفئة السيارات السوبر مينى وتعتبر سيارة مدينة اشهر اسمائها : - هيونداى اميكا فى المملكة المتحدة - دودج أتوس فى المكسيك - كيا فيستو فى اندونسيا وكوريا الجانوبية - انوكوم اتوس فى ماليزيا تم انتاجها اول مرة عالميا 1997 نبدأ بالشكل الخارجى : الشكل الخارجى شبيه بالصندوق اتوفير المزيد من المساحة الداخلية السيارة ذات خطوط بسيطة وغير معقدة لتتناسب مع القيمة السعرية للسيارة ومن الداخل تتسم السيارة بالبساطة والعملية والخامات المستخدمة جيدة وتتماشى مع القيمة السعرية للسيارة الابعاد الخارجية للسيارة : الطول 3500 مم العرض 1501 مم الارتفاع 1621 مم قاعدة العجلات 2380 مم الارتفاع عن سطح الارض 160 مم وزن السيارة 785 كجم مقاس الاطارات 13/TR 70 166 مساحة الشنطة 263 لتر المحرك سعته 1086 سى سى مكون من 4 سليندرات يولد 66 حصان عند 5500 لفة فى الدقيقة واقصى عزم له 99.1 نيوتن متر عند 2800 لفة فى الدقيقة اداء السيارة التسارع من 0 الى 100 كم/س فى 15.1 ثانية السرعة القصوى 142 كم/س ناقل الحركة مانويال من 5 سرعات ولا يوجد اتوماتيك الفرامل الامامية ديسكات والخلفية طنابير بتنزل بتكييف مانيوال وبتنزل راديو كاسيت أهم مميزات السيارة : استهلاك بنزين قليل وسهولة الركن خصوصا فى زحمة المدن الكبيرة أهم عيوبها : قلة انتشارها جعلت من توفر انتشار قطع غيارها خارج التوكيل اصعب من باقى اخواتها من موديالت هيونداى وايضا فقر السيارة من حيث الرفاهية . السعر فى شهر مايو 2011 هو 59.900 جم -------------------------------------------------------------- هيونداى I 10 تنتمى لفية السوبر مينى وتعتبر سيارة مدينة البديل الرسمى للاتوس انتجت لاول مرة فى 2007 يتم تصنيع هذا الموديل فى مصانع هيونداى فى الهند فقط ونبدأ بالشكل الخارجى الخطوط العريضة للسيارة انسيابية وتعتبر التطور الشكلى للاتوس لكن بانسيابية اكتر تستمر الخطوط الانيقة للسيارة من الجانب لتضفى مزيدا من الاناقة ومن الخلف يتضح التطر للسيارة الاصلية الاتوس ويظهر الشبه الكببير بينهم التصميم الوسطى للكونسول يعطى مزيدا من المساحة الداخلية للسيارة والتابلوه المحدث للاتوس الابعاد الخارجية : الطول 3565 مم العرض 1595 مم الارتفاع 1550 مم قاعدة العجلات 2380 مم الارتفاع عن سطح الارض 149 مم مساحة الشنطة الخلفية 224 لتر مقاس الاطارات 13-80/155 سعة خزان الوقود 35 لتر المحرك: المحرك سعته 1086 سى سى مكون من 4 سليندرات 12 صمام يولد 66 حصان عند 5500 لفة فى الدقيقة اقصى عزم 9.9 نيوتن متر عند 2800 لفة فى الدقيقة ناقل الحركة مانويال من 5 سرعات واتوماتيك من 4 سرعات الاداء : التسارع من 0 الى 100 كم/س فى 15.6 ثانية السرعة القصوى 151 كم/س متوسط استهلاك البنزين : 5.8 لتر لكل 100 كم أهم التجهيزات : -التجهيزات الاساسية : 2 حامل اكواب غلق الابواب الخلفية للاطفال فتح التانك من الداخل طاسات للاطارات تكييف يدوى اماكن تخزين بالابواب الامامية مخرج كهربى امامى باور ستيرنج سى دى وراديو و2 سماعة عجلة قيادة قابلة للامالة التجهيزات الاضافية : اماكن تخزين فى المقاعد الامامية فوانيس ضباب مخادع الكراسى الامامية والخلفية قابلة للحركة زجاج كهربى امامى وخلفى شماسات امامية مزودجة بمرايات عداد ار بى ام زجاج ملون الاسعار : المانيوال 66.500 جم والكاملة 70.900 جم الاتوماتيك 74.500 جم والكاملة 78.900 جم أهم مميزات السيارة : استهلاك بنزين قليل وسهولة الركن خصوصا فى المدن المزدحمة اهم عيوبها : ارتفاع سعر السيارة وصغر مساحة التخزين الخلفية -------------------------------------------------------------- هيونداى فيرنا السيارة الشعبية فى مصر الاكثر انتشار ونجاح فى السوق المصرية عالميا تم انتاج هذا الموديل من 2003 الى 2006 وفى مصر يتم انتاجه عن طريق التجميع المحلى نبدا بالشكل الغنى عن التعريف الشكل الخارجى مقبول الى حد كبير ومتميز خصوصا لسيارة يتم تجميعها بصورة محلية ومن الداخل بسيطة وعملية الابعاد الخارجية : الطول 4253 مم العرض 1670 من الارتفاع 1395 مم قاعدة العجلات 2441 مم مساحة الشنطة الخلفية 852 لتر سعة تنك الوقود 45 لتر الارتفاع عن سطح الارض 157 مم المحرك يعتبر محرك الفيرنا اهم ميزة فى تلك السيارة ويجعلها الاقوى فى فئتها المحرك 1600 سى سى مكون من 4 سليندرات 16 صمام يولد 106 حصان عند 5800 لفة فى الدقيقة واقصى عزم له 143.2 عند 3000 لفة فى الدقيقة ناقل الحركة مانيوال من 5 سرعات واتوماتيك من 4 سرعات الاداء : التسارع من 0 الى 100 كم/س فى 10.3 ثانية متوسط استهلاك الوقود 6.9 لتر لكل 100 كم الفرامل الامامية ديسكات والخلفية طنابير التجهيزات : التجهيزات الاساسية : تكييف هواء راديو كاسيت باورستيرنج (هيدروليك) اريال مانيوال مخادع كراسى جنط مقاس 13 بوصة حامل اكواب الجهيزات الاضافية: زجاج كهربى قفل مركزى سى دى وراديو جنط مقاس 14 بوصة زجاج ملون اريل كهربى فوانيس ضباب الاسعار: المانيوال 68000 جم والكاملة 71.750 جم الاتوماتيك 78.250 جم ومؤخرا طرح غبور الفيرنا ستار وهى هى الفيرنا السابقة مع تعديل فى الشبكة الامامية وعتب واسبويلر خلفى وغير شكل الطاسات فقط وتنكيل التابلوه وسعرها للمانيوال 69.000 جم والكاملة 72.750 جم والاتوماتيك 79.250 جم ودى صور للفيرنا ستار من احد موضوعات مصرموتورز اهم مميزاتها : قطع غيار رخيصة ومنتشرة وسهولة الصيانة وسعر اعادة البيع جيد جدا ومحرك قوى جدا اهم عيوبها : مشاكل التقفيل المصرى وخف وزن السيارة فى الجرى والمحرك اقوى من السيارة وضعف الفرامل الثبات -------------------------------------------------------------- الفيرنا فيفا تم تصنيعها من 1999 الى 2003 يتم تصنيعها الان فى الهند الشكل الخارجى : الشكل الخارجى شبيه بالفيرنا لكن بفوانيس حادة اكثر واصغر ومن الداخل لاتختلف كثيرا عن الفيرنا الا انها تتميز بالفنش الافضل وعيوب التقفيل اقل من الفيرنا الابعاد الخارجية: الطول 4250 مم العرض 1670 مم الارتفاع 1370 مم قاعدة العجلات 2441 مم الارتفاع عن سطح الارض 172 مم خزان الوقود 45 لتر سعة الشنطة 374 لتر المحرك : المحرك 1500 سى سى مكون من 4 سليندرات 12 صمام يولد 94 حصان عند 5500 لفة فى الدقيقة واقصى عزم 122.5 نيوتن متر عند 3500 لفة فى الدقيقة الاداء : التسارع من 0 الى 100 كم/س 11.5 ثانية السرعة القصوى 173 كم/س متوسط استهلاك الوقود 7 لتر لكل 100 كم ناقل الحركة مانيوال فقط من 5 سرعات التجهيزات : اهم التجهيزات : تكييف مانيوال باور ستيرنج حامل اكواب 2 سماعة راديو كاسيت التجهيزات الاضافية : زجاج كهربى قفل مركزى مرايات جانبية كهربية الاسعار : المانيوال 72500 جم والكاملة 75500 جم اهم المميزات : التقفيل افضل من الفيرنا المصرى وادائها افضل برغم من المحرك اضعف من الفيرناوفراملها افضل اهم العيوب : المحرك اضعف من الفيرنا وانتشارها اقل من الفيرنا وبالتالى قطع الغيار اغلى من الفيرنا قليلا . -------------------------------------------------------------- هيونداى جيتز تعتبر من اقوى السيارت الهاتشباك تحت ال100 الف جم سيارة شبابية الى حد كبير ونبدا بالشكل الخارجى سيارة انيقة ذات طابع رياضى ويستمر الطابع الداخلى من الداخلى الابعاد الخارجية : الطول 3825 مم العرض 1665 مم الارتفاع 1495 مم قاعدة العجلات 2461 مم الارتفاع عن سطح الارض 145 مم خزان الوقود 45 لتر وزن السيارة 1008 كجم المحرك : سعته 1600 سى سى مكون من 4 سليندرات 16 صمام يولد 105 حصان عند 6000 لفة فى الدقيقة اقصى عزم لها 146 نيوتن متر عند 3200 لفة فى الدقيقة ناقل الحركة مانيوال 5 سرعات و4 للاتوماتيك الاداء : السرعة القصوى 180 كم/س التسارع من 0 الى 100 كم/س 9.6 ثانية متوسط استهلاك البنزين 7.1 لتر لكل 100 كم التجهيزات : اهم التجهيزات : باورستيرنج تكييف مانيوال قفل مركزى حامل اكواب سى دى وراديو ريموت وانذار زجاج كهربى 4 سماعات التجهيزات الاضافية : مقاعد ملونة مرايات كهربية فتحة سقف الاسعار : المانيوال 81900 جم والكاملة 83900 جم الاتوماتيك 87900 جم والكاملة 89900 جم اهم المميزات: سيارة صغيرة سهلة الركن مزودة بمحرك قوى وتعطى اداء رياضى من الدرجة الاولى اهم العويب : سيارة مش اسرية وانتشارها مش كبير مثل الاكسنت والفيرنا فقطع غيارها موجودة خارج التوكيل لمن مش بقوة -------------------------------------------------------------- هيونداى I 20 ظهرت I20 لاول مررة فى معرض باريس فى اكتوبر 2008 تنتمى لفية السيارات الصغيرة يوجد منها فئة ب3 ابواب واخرى ب5 ابواب i20 فى الكثير من الاسواق مثل انجلترا والهند واستراليا تاتى كبديل للجيتز تصنع فى تركيا وتم تطويرها بالكامل فى الهند ونبدا بالشكل الخارجى للسيارة تعتبر تطور لشكل وتصميم الجيتز المحرك مكون من 4 سليندرات DOHC عدد الصمامات 16 تعمل بنظام CVVT سعة المحرك 1369 سى سى يولد 99 حصان عند 5500 RBM اقصى عزم له 137/4200 Nm/RPM المحرك يعمل بنظام الحقن متعدد النقاط معدل انضغاط المحرك 10.5 : 1 نظام التعليق الامامى MacPherson strut type with gas shock absorber الخلفى Coupled torsion beam axle with gas shock absorber باور السيارة كهربى الفرامل الامامية والخلفية ديسكات مقاس الاطارات 185/60 R15 الابعاد الخارجية الطول 3,940 مم العرض 1,710 مم الارتفاع 1,490 مم قاعدة العجلات 2,525 مم مساحة الشنطة 259 لتر سعة تنك البنزين 45 لتر وزن السيارى فارغة المانيوال 1,127 كجم وللاتوماتيك 1,155 كجم متوسط استهلاك البنزين 6 لتر لكل 100 كم ناقل الحركة المانيوال من 5 سرعات والاتوماتيك 4 سرعات الاسعار : تبدا من 91000جم وتصل الى 98000 جم ------------------------------------------------------------- تعرف بهيونداى لافيتا من تصميم بينينفرينا المصمم العبقرى نبدا بالشكل الخارجى سيارة اسرية تتميز بالمساحات الداخلية لم يتم تغيير الخلفية ومن الداخل توفر بتصميمها المزيد من الرحابة والوسع الداخلى الابعاد الخارجية : الطول 4060 مم العرض 1740 مم الارتفاع 1685 مم قاعدة العجلات 4026 مم الارتفاع عن سطح الارض 160 مم سعة تنك البنزين 55 لتر المحرك : سعته 1600 سى سى مكون من 4 سليندرات 16 صمام يولد 104 حصان عند 5800 لفة فى الدقيقة اقصى عزم 141 نيوتن متر عند 4500 لفة فى الدقيقة ناقل الحركة مانيوال من 5 سرعات واتوماتيك من 4 سرعات التجهيزات : قفل مركزى فوانيس ضباب تكييف مانيوال مرايات جانبية كهربية ريموت باور ستيرنج 4 سماعات جنط مقاس 14 بوصة الاسعار : المانيوال 96.000 جم الاتوماتيك 103.000 جم اهم المميزات : عربية اسرية من الطراز الاول واسعة جدا من الداخل ومنتشرة جدا فقطع غيار متوفرة وسهلة الصيانة اهم عيوبها : الخامات الداخلية متوسطة والشكل الخارجى الكثير لا يتقبله ---------------------------------------------------------- هيونداى اكسنت السيارة الاقوى فى فئتها من حيث المحرك والامكانيات الشكل الخارجى انسيابى ومقدمة قوية وتعتبر من الداخل تصميم جيد والخامات جيدة الى حد كبير الابعاد الخارجية : الطول 4280 مم العرض 1695 مم الارتفاع 1470 مم قاعدة العجلات 2499 مم الارتفاع عن سطح الارض 130 مم سعة تنك البنزين 45لتر المحرك : سعته 1600 سى سى مكون من 4 سليندرات 16 صمام ناقل الحركة مانيوال من 5 سرعات واتوماتيك من 4 سرعات يولد 112 حصان عند 6000 لفة فى الدقيقة اقصى عزم 145.1 نيوتن متر عند 4500 لفة فى الدقيقة الاداء : التسارع من 0 الى 100 كم/س 10.2 ثانية السرعة القصوى 176 كم/س متوسط استهلاك الوقود 6.5 لتر لكل 100 كم التجهيزات : مسند ذراع للكرسى الامامى مرايات كهربية انذار سى دى وراديو 4 سماعات باور ستيرنج تكييف مانيوال جراب نظارة عجلة قيادة قابلة للماالة الاسعار : المانيوال 85500 جم والاتوماتيك 91500 جم ونزل غبور الاكسنت سبورت بتعديلات شكلية فقط وسعرها المانيوال 90500 جم والاتوماتيك 96500 جم اهم مميزاتها: محرك قوى وامكانيات كثيرة فتعتبر الاعلى فى فئتها ومنتشرة فقطع الغيار متوفرة بقوة اهم العيوب : ضيقة قليل من الداخل وخصوصا الكنبة الخلفية وخصوصا للاطوال ------------------------------------------------------------- هيونداى I 30 من اشيك سيارات هيونداى شكلا واقلها انتشارا الابعاد الخارجية : الطول 4239 مم العرض 1778 مم الارتفاع 1480 مم قاعدة العجلات 2649 مم الارتفاع عن سطح الارض 150 مم سعة التنك 53 لتر المحرك سعته 1600 سى سى مكون من 4 سليندرات 16 صمام يولد 121 حصان عند 6200 لفة فى الدقيقة اقصى عزم 152.8 عند 4200 لفة فى الدقيقة ناقل الحركة مانيوال من 5 سرعات واتوماتيك من 4 سرعات الاداء السرعة القصوى 192 كم/س التسارع من 0 الى 100 كم/س 11 ثانية متوسط استهلاك الوقود 6.2 لتر لكل 100 كم/س التجهيزات راديو سى دى 4 سماعات قفل مركزى انذار مرايات كهربية باور ستيرنج 4 زجاج كهربى تكييف مانيوال التجهيزات الاضافية : ABS تكييف تاتش ايرباج فتحة سقف الاسعار : المانيوال 108000جم والكاملة 111000 جم الاتوماتيك 118000 جم والكاملة 124000جم والهاى لاين 127000جم اهم المميزات : عربية ادائها ممتاز انيقة اهم العيوب : انتشار محدود فصعوبة فى توفر قطع الغيار خارج التوكيل ------------------------------------------------------------- هيونداى النترا سيارة من اشهر سيارات فئتها بدأ انتاجها من 2007 البطاقة الفنية للسيارة سعة المحرك : 1591 سى سى بتكنولوجى CVVT قدرم المحرك : 121 حصان عند 6200 RBM تعتبر ثانى قوى حصانية فى السيارات الكورية بعد السيراتو اقصى عزم : 152.8 نيوتن .متر عند 4200 RBM عدد الصمامات : 16 Valve -DOHC مجمل انطباعى عن المحرك قوى للغاية وعزم شديد جدا برغم ان المحرك صوته مش عالى للدرجة الزعجة وتشعر بعزم الاول عند السحب عليه اكيد اقوى من طلعت الاوكتافيا الثقيلة نسبيا لكن طبعا قو السيفيك ال140 حصان لايضاهيها شئ وخصوصا انى بقارنها بعربيتين اغلى واخدهم تنتمى لمجموعة فولكس فاجن العريقة والاخرى لقمة عالم المحركات هوندا ناقل الحركة مانيول من5 سرعات الناقل مريح فى النقل ومن المميز ان فيه صوت للفتيس فى النقلة صوت زى تيك مكتومة بس صوت لطيف مش وحش الباور الخاص بالسيارة يعتبر باولر الالنترا من اخف انواع الباور فى سوق السيارات فى مصر ومبدئيا الباور كهربى مش هيدروليك(زيت) اول ماتركب العربية حتحس ان مافيش دركسيون اساسا ملحوظة بامكانك لف طارة الدركسيون باصبع واحد وانت واقف وحتحس ان العربية فى الاول مش مظبوطة وان زوايها بايظة بسبب خفى الباور والعربية تسير وده خلانى فخصت زواريا اكتر من مرة للتاكد لكن حساسية الدركسيون عالية ولكن ماحدش يقلق لان بعض فترة سواقتها بتبقى عادى جدا جدا والانطباع الاول ده بتنساه وبتحس ان العربية دة الطبيعى فنزلت سوقت السيفيك (اللى الباور بتاعها كهربيى ايضا) حسيت ان العربية متش باور اصلا وانهعا مش مريحة لان الدركسيون بقى تقيل على ايدى وباور الالنترا لايفصل على السرعات العالية لكنه بيقل سعة خزان الوقود 53 لتر استهلاك البنزين استهلاك الالنترا للبنزين قليل جدا بمعنى انا نزلت القاهرة بفول تنك ورجعت وكنت رايح الدقى شارع التحرير ونزلت تانى يوم وصلت القاهرة وبقت عاوز تتفول تانى بس طبعا الاستهلاك بيزيد بالذات فى الزحمة وتشغيل التكييف مابيزودش استهلاك البنزين للدرجة الابعاد الخارجية الطول 4505 مم العرض 1775 مم الارتفاع 1490 مم الارتفاع عن سطح الارض 160مم الشنطة مساحة جيدة افضل من السيفيك لكتن اقل بكثير من الاوكتافيا اللى بحر الشنطة فيها بمعنى الكلمة برغم ان ارتفاع العالى نسبيا الا ان العربية بتوطى جدا مع مع وجود راكبين من الوزن الثقيل ولو 3 بتوطى جدا بس برضه اكيد مش زى السيفيك بالنسبة لثبات العربية معقول جدا لفئتها السعرية وطبعا مش بتكلم عن ثبات بى ام او مرسيدس يعنى رحم الله امرء عرف قدر نفسه الفامل الامامية ديسكات والخلفية طنابير (بس كان المفروض تبقى ديسكات) الفرامل جيدة جدا جدا وخصوصا ان العربية لسه جديدة بس عاوز ABS+EBD عشان حتقدر تجرى وتلم نفسك فى كل الاجواء من امطار ورملة ناعمة وطبعا اخويا علاء اقترح عليا الجنوط العريضة بتدى ثبات زيادة بصراحة انا لسه ماجرتش الموضوع ده بس باجمال الاراء الكل مؤيد للموضوع ده الريفيرس زى الاول لفوق وقدام (زى معظم الكورى ودى كانت حاجة جديدة عليا بس حتاخد عليها بعد فترة ) العربية فيها سنتر لوك وانذار والابواب بتغلق اتوماتيك بعد المشى او بمجرد ضغط الفرامل بس انا شبه متاكد ان الانذار راكب فى مصر وعند فتح الابواب والمفتاح فى الكونتاكت الفلاشر بيشتغل وده ميزة حلوة لتنبيه الاخرين بالوقوف الكنبية الخلفية تكفى 3 اشخاص متوسطى الطول وبرغم انى 191 سم بس ممكن حد من متوسط لصغير يقعد ورايا مستريح العزل جيد جدا حتحس بفرق لما الشباك وتفتحه بس مش زى الاوكتافيا لكن افضل من السيفيك الاحساس بالمطبات جيد جدا بس ماش اوكتافيا وبالنسبة للسرعات العالية انا جربت لحد 180 بس اكيد العربية خفت جدا جدا بس السرعة المعقولة 140 ل 130 تحس انك ماشى 100 فى اى عربية ثانية والذيذ الصفارة بتاعة 120 كم/س بتنتن كامرة وتفصل بس بتنور لمبة 120 فى التابلوه لونها برتقالى وكمان لو قلعت الحزام تنتن كام مرة وتسكت على عكس السيفيك والالنترا ماشية بمبدا عاوز تموت اولع مش ناقصة وجع دماغ وانت حر واللى بيشيل قربة مخرومة بتخر على راسه الاسعار : تبدأ 100500 جم وتصل الى 12850 جم ------------------------------------------------------------ وانتظروا تقرير الاكسنت RB قريبا التعديل الأخير تم بواسطة بدر بسيونى ; 16-05-2011 الساعة 09:30 PM |
#2
|
|||
|
|||
رد: تقرير عن موديلات هيونداى 2011
الله عليك يا بدور يا جامد الكبير كبير سيبك انتا برنس قديم من يومك
|
#3
|
||||
|
||||
رد: تقرير عن موديلات هيونداى 2011
تقرير يشتمل على السعر و الصور
متكامل ما شاء الله شكرا جزيلا على هذا المرجع لاي راغب في شراء سيارة هيونداي |
#4
|
||||
|
||||
رد: تقرير عن موديلات هيونداى 2011
تقرير رائع و فوق الممتاز تسلم ايديك
|
#5
|
||||
|
||||
رد: تقرير عن موديلات هيونداى 2011
والله موضوع محترم جدا وانا معايا فيرنا والحمد لله على اى حاجة نعمة وفضل من عند الله وراضى بيها وعربية جميلة
|
الكلمات الدليلية |
هيونداى مصر 2011 |
|
|