أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

[yaseryousri]

بعد اذنك عندي مشكلة في فتيس اوتوماتيك النترا 2010 خليجي وهي عبارة عن نتشة بين النقلة الاولي والثانية وبحس بيها علي السرعات المنخفضة --- برجاء الافادة

[mohammed alomda]

السلام عليكم
معايا النترا 2008 موتور 2000cc
عند تشغيل المكيف او الانوار او الزجاج الكهربائي او التوقف فجأة لمطب او خلافه
تحدث رجع بالموتور وانخفاض للار بي ام لغاية 500 لفه او اقل ثم صعود الار بي ام مره اخرى واختفاء الرجه بعدها بحوالي ثانيتين مع ضعف في العزم عند الانطلاق بصورة كبيره
المشكله دي بتظهر بعد لما ادور العربيه وامشي بيها مشوار مثلا 15 دقيقه
قبل كده اول لما ادور العربيه بتكون طلقه ولا يوجد بها اي رجه او رعشه بالموتور
تم تغيير بوجيهات وتنظيف البوابه ومنظف انجكشن على البنزين وضبط سير الكاتينه والتقسيمه وقواعد الموتور مظبوطه
شاكك في الايديل او ان الدينمو بعد فتره من التشغيل مبيطلعشي الكهربا الكافيه
ارجو الافادة ولكم جزيل الشكر

[أيمن حماد]

عندى رعشة فى العربية ع السلانسيه
وغيرت قواعد الموتور
الرعشه كمان بحس بيها وانا ماشى

[AbOnOrA]

انت عملت اى حاجة فى الموتور قريب ؟ ونوع العربيه وحالتها ايه ؟
عامة الرعشه البسيطه بتظهر مع تلف القواعد وقله كفائتها فى السيطره على الاهتزاز الطبيعى للمحرك
لكن لو الاهتزاز (مش طبيعى ) مفيش قواعد تقدر تمسكه وهنا نسال ايه سبب عدم انتظام المحرك
ممكن ظبط تاكيهات ممكن عربيه متلته وبوجيه فاصل وممكن حاجات اسواء لا قدر الله بس الخلاصة لو القواعد سليمة يبقى شكل فى الات الجر بدايه من الموتور

[amro mohamed23]

السلام عليكم ورحمة الله وبركاته ، عندي سيارة هيونداي ماتريكس معاقين بها انذار وسنتر اصلي منذ شرائي السيارة من بورسعيد اول يد من اربع سنوات فجاءة فصل الإنذار والسنتر وقمت بتغيير حجر الريموت ولكن دون فائدة اريد مركز او صنايعي موثوق فيه لحل هذه المشكلة يرجى المساعدة لحل هذه المشكلة .