أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

[yaseryousri]

بعد السلام والتحية -- انا معايا هيونداي النترا 2010 خليجي ظهر بها مؤخرا عيب محدش عارف سببة وهو ( ان العربية بتغيب في الدوارة وهي سخنة وذلك بعد مرور حوالي ربع ساعة من اغلاقها بينما بتدور وهي باردة من اول مرة وبدون اي عناء مع العلم تم تغير الاتي : حساس الكرنك - طلمبة البنزين بالفلتر - البطارية - البوجيهات - جميع الفلاتر والزيوت ---- كما انة تم وضعها علي اكثر من جهاز كشف اعطال ولم يظهر شيئ -- وتم فحص المارش ووجد انة سريع الحركة وسليم ------ رجاء الافادة مع خالص التحية

[احمد اوتو]

هل حضرتك واثق من الميكانيكي اللي بتتعامل معاه..لأن المشكله دي بتحصل لما الموبينه بتضعف..فمن رأيي انك تروح لميكانيكي محترم

[المستشار القانونى 1]

السلام عليكم ورحمة الله
من فضلك معايا سيارة فيرنا موديل 2005 اتوماتيك عندى مشكلة محيرانى وهى كالاتى ان العربية لما بتسخن فى مشوار طويل مثلا بلاقى rbm بيعلى من رقم 1 الى 2 وصوت العربية بيعلى ودة لما بكون على وضع d اما لو غيرت الوضع وخليتة على ال N مثلا او P بلاقى المؤشر بيعلى لحد 5 مثلا والصوت بيكون رهيب علما بان العربية وهى باردة بيكون المؤشر طبيعى على رقم 1 كل مشكلتها لما بتسخن شيلت حساس I.D من سيارة صديق ليا وجربت بيها برضو نفس المشكلة مع ان عندة مش بتعمل كدة ارجو الرد من فضلك واسف على الاطالة ربنا يجازيك خير شكرااا

[احمد اوتو]

مشكلة حضرتك مش مع الفتيس مشكلتك مع حساس الاكسجين او حساس البوابه..هتخلع الحساسين بنفسك وتنظفهم بمنظف wd 40 الانجليزي و تنظف البوابه و انشاء الله تتحل المشكلة طبعا الكلام ده في حالة ان حضرتك بتحط بنزين 92 و عامل صيانة حديثة لفلتر الهواء والبنزين..وان ظلت المشكلة يبقي في حساس من الحساسين اللي ذكرتهم سالفا عاوز يتغير وفي الحاله دي لازم تكشف علي العربيه بالكمبيوتر علشان يحدد نوع الحساس التالف,,..والله اعلي واعلم

[احمد اوتو]

معلش برده عاوز اعرف قبل ما تعمل اللي قلتلك عليه ..متي كانت اخر مرة غيرت فيها فلتر زيت الفتيس؟؟؟لأن ده ممكن يكون اساس المشكله علشان في ناس كتير بتهمله بالفترات الكبيرة وبعض الصنايعيه بتكسل تغيرة في حالة تركك السيارة لهم الا من رحم ربي.