اول مشكلة فى النترا 2012

[ahmedatif]

المشاركة الأصلية كتبت بواسطة ميدو ابراهيم انا عندي موضوع حلو طبعا العوائل كتير في مصر الناس بدور علي عربيات 5 راكب و7 راكب بس نظيفة فاي حد عارف عربيات سبعة راكب 2011 بسعر مناسب يقول عليها لحد ما نكون افضل عشر سيارات ماتزيدش عن 120000 السلامة ياحبيبي

انا متهيألى ان كيا كارينز بالسعر ده وتاخد عدد الأفراد اللى انت طالبه

[fineart607]

الحمد لله مطلعتشى مشكله انا استغربت
ربنا يحفظها لكم ويبارك لكم فيها ان شاء الله

[esam_ayad]

أرجو من حضرتك انك تكتب لنا تجربتك من السياره من ناحية القوة والمتانه والتسارع والبنزين وهل بتحس بالمطبات والأسفلت زي ماناس بتقول ولا لأ. وربنا يجزاك كل خير.

[خالداعزالناس]

سياره تستحق الاحترام من هيونداى

تصميم رائع

[ahmedatif]

المشاركة الأصلية كتبت بواسطة esam_ayad أرجو من حضرتك انك تكتب لنا تجربتك من السياره من ناحية القوة والمتانه والتسارع والبنزين وهل بتحس بالمطبات والأسفلت زي ماناس بتقول ولا لأ. وربنا يجزاك كل خير.

استاذ عصام انا اسف اتأخرت عليك فى الرد بخصوص انطباعى عن العربية وكده
بس يا سيدى العربية ما شاء الله جميلة فى كل حاجه ثبات وفرامل وشكل وراحة داخلية وتكييف وعزل
المشاكل بقى اللى كنت اتمنى انها متبقاش موجوده فيها كالتالى:
1- صوت الطريق بيكون فعلا عالى بس الناس كلها بتقول ان ده كاوتش ولو غيرته الصوت هيروح
2- البويه بتاعتها خفيفه اوى اوى اى خدش ولو بسيط بتحس ان البوية طارت واللون الأسود اللى تحتها ظهر
3- مش بتحك معايا خالص الا لما اكون مركب ورا اوزان تقييلة ومطب عالمى من بتوع مصر
4- فيه صوت كده لسه طالع فى الفتيس هبقى اروح التوكيل اشوف ايه ده
لكن بأمانه العربية ممتازة ويمكن ناقصها شوية اوبشنز بس بالنسبالى وكانت تبقى مفيش بعدها