ليه الهيونداى ؟؟؟

[sam ram]

انا مقولتش ان كل شركه بتعمل خطوط انتاج مخصوصه لكل بلد داخل مصانعها
لكن شركات كتيره جدا بتصنع عربيات مخصوصه لبلاد معينه
زي الهوندا سيتي
فيات سيينا
فولكس بوينتر و باراتي
تويوتا افانزا
موديلات رينو التي تحمل شعارات اخرى بجانب الرينو زي سامسونج و داتشيا
نيسان صني الكوري ( مفيش حاجه اسمها صني حاليا في اليابان )


وغالبا الموديلات دي يتم تصنيعها في مصانع غير البلد الام و بالتالي حيبقى في اختلاف في المواصفات و الخامات و الموردين

وغالبا بل اكيد بيكون الاختلاف مقصود
(ابسط مثال طاره الماتريكس المصري مختلفه عن طاره الماتريكس الاوروبي مع إن الاتنين كوري !!! ونفس الكلام في الاي 30)

جاوبني طيب على السؤال ده
ليه الهوندا سيفيك على الموقع الرسمي موتورها 1800 سي سي فقط ومفيش اي ذكر لأي مواتير تانيه
و شكلها مختلف عن الهوندا سيفيك اللي في مصر و موتورها 1600 سي سي
1 - غلطه من موقع هوندا ..
2 - نسيو يقولو ان عندهم موتور 1600
3 - عدلو شكل الفوانيس و نسيو يغيرو الصوره ( مع انها في كل الدنيا بنفس الشكل الا في مصر و دول الاغاني الهابطه )
4 - طلب التوكيل المصري

وسبحان الله .. هوندا بتقول ان الموتور ال 1800 140 حصان .. و الفطيم بيقول ان الموتور ال 1600 140 حصان .. بركاتك يا شعبولا


وبعدين انت ليه مسكت في الموتور و سبت الفوانيس ؟؟!!
http://automobiles.honda.com/civic-sedan/
الصور من الموقع الرسمي




طيب ده معناه ايه .. ان هوندا بتميز عربيتها اللي بتنزلها للعالم عن عربيتها الموجهه لدول حوض بعرور عبد الرحيم



والامثله كتيره :-
تويوتا افانزا لا تحمل من تويوتا الا الشعار !!!
اي عربيه خليجي بتلاقي مواصفاتها و خاماتها بتختلف عن عربيات التوكيل في مصر
واتفرج على كورولا الخليج و الجنوب افريقي ذات الفتيس الخلوزعي

المكونات الاساسيه اكيد واحده من حيث التصميم والتصنيع ..
خصوصا الكراتين اللي بتيجي مقفوله من المصنع الام

لكن حتلاقي الموردين بيخنلفو من بلد للتانيه و بالتالي الخامات و الجوده حتختلف
والا تبقى بي ام المصري زي الالماني و البولو الصيني زي البولو الالماني

دي حتى الميجان بقت هاتشباك بس و حينزلو السيدان منها بأسم فلونس زي ما رينو عملت في الكليو و السيمبول
مع انهم المفروض انهم العربيات السيدان لنفس الموديل الهاتشباك !!!


انها العولمه يا صديقي
يعني هو سندوتش الفول من جاد اسكندريه زي سندوتش الفول من جاد وسط البلد ... مع انها نفس المكونات...

فول و عيش وحبشتكنات!!!!


تفتكر لييييييه ؟؟!!!!!!!ptmnlo123per1147

[sam ram]

المشاركة الأصلية كتبت بواسطة فادى لاحظ برضو انو مقياس الاعتمادية يتركز على السنوات الأولى من عمر السيارة, و أى سيارة فى الزمن الحالى لا تتسبب بالعديد من المشاكل فى سنوات عمرها الأولى, سواء كانت كورية أو يابانية أو أوروبية, لكن على المدى الطويل لا تصمد الأسيويات أمام الأعطال و بيتبهدلو بسرعة, العربيات الأسيوية عموما بتقدم بشكل أسرع من الأوروبى و بتفقد رونقها سريعا.

الرد في الاقتباس ... متهيألي مختلفناش في الجزئيه دي

المشاركة الأصلية كتبت بواسطة sam ram انا مبقولش ان الكوري احسن من الياباني او معمر عنه لكن انا ممكن اشتري جذمه بالف جنيه تعيش معايا 4 سنين .. و ممكن اشتري جذمه ب 150 جنيه تعيش معايا سنه واحده .. تفتكر انهي الاحسن قطعه الغيار اللي ب 100 وتعيش سنتين و لا القطعه اللي ب 500 و تعيش 4 سنين

العربيات بره مش بتفقد رونقها .. دي بتفقد نفسها .. مفيش عربيه بتقعد اكتر من 10 سنين حتى لو كانت اعتماديتها 20 سنه
مش حنسى منظر الطوارق و هي بتتحول لكومه خرده !!!
وده لأن صيانه عربيه عمرها 10 سنين حيبقى اغلا من شرا عربيه جديده
لكن احنا عندنا المستعمل له تمن و بنعيش بالعربيات و نورثها للاولاد ptmnlo123per1147

[بدر بسيونى]

والله معاك حقك الموتورين 1600 و1800 بيطلعوا نفس الهورس باور وكله ممكن فى مصر ام الدنيا

[super3_11]

يا جماعة فى حاجة انتو مش وخديد بالكو منها الى بيكلم فى كرولا والنترا والى يقول مينفعش يتقرنو ببعض احب اقول انا رحت لى معرض عربيا وكنت عايز اشترى I30 طلب خاص مواصفات كورى كاملة قلى من 190 الى 210 الف تبقى ازاى رخيصة وبعدين صح مثلا ان اليارس بتقارن مع الاكسنت الجديدة بس اليارس 2 ارباج وabs ضفهم على الاكسنت وبعدين قارن السعر او خش yahoo وشوف سعر السيارتين كام اليارس 15 الف والنيو اكسنت 14وتقريبا 900 يبقى فين فرق السعر الفرق مش فى الجودة الفرق فى الابشن..... البسات 28 الف دولار الى 33 الف السوناتا من 25 الف الى 29 الف وعلى فكرة الهيونداى وخصوصا السوناتا ضمان مدى الحياة وعدد غير محدود من الكيلو مترات
ضبعا حتقولو متحيز للهيونداى بس لا انا ببساطة شيفها ذى باقى السيارات يعى مش جربة بنهم ....... مجرد فروق ابشن
وشوفو العربيات الى غبور ميعرفش يلعب فيها وبتنزل طلب خاص سعرها كام الجينسس افضل سيارة فى امريكا لعام 2009 تعدى المليون لانها اصلا كوريا منزلها تنافس bmw مبالك الاكوس سعرها يبقى كام...........