ليه الهيونداى ؟؟؟

[sam ram]

المشاركة الأصلية كتبت بواسطة Dr. Bolbolan يا أستاذ بدر ! ازاى مقتنع بكلام سامح و فى نفس الوقت معترض و بتقول ان احنا حطينا الكورى فى درجه أعلى من اللى يستاهلها ؟؟ السوق واعى والناس واعيه ! و أ ب التجاره ان العمله الجيده تطرد العمله الرديئه ! يعنى بالاضافه لكلام سامح ! اذا كان سعر الصينى دلوقت هوه نفس سعر الكورى تفتكر حضرتك فيه سياره صينى واحده ح تتباع ؟؟ ونفس الكلام بالنسبه لسياره كورى مع سياره يابانى من نفس الفئه ! لو همه الاثنين نفس السعر ! اذن السوق يحكمه اعتبارات كثيره ليس أهمها الجوده ولكن أهمها الاحتياج و القدره ! و مثل قالوه زمان " اللى عاجبه الكحل يتكحل " و على فكره فيه ناس وأنا منهم ! لا يهمنى كورى ولا يابانى ! أنا بأشترى اللى يعجبنى وبس ! Dr. Bolbolan ptmnlo123per122

الله ينور يا دكتور .. هو ده الكلام المفيد

المشاركة الأصلية كتبت بواسطة فادى سؤال مهم, هيونداى شركة لازالت تحبو فى عالم السيارات, و محدش يزعل منى, موتور الفيرنا و النيو اكسنت لازال يحمل فى طياته تصميم محرك الميتسوبيشى لانسر, ليس لسيارات هيونداى أى ميزة مهمة أو طابع خاص, هيونداى ليست لها تصميمات ثورية أو تقنيات متقدمة, و سياراتها لا تزال متخلفة تقنيا بالنسبة لمعظم الشركات الأخرى. اعتمادية هيونداى لا تزال محل استفهام, خاصة و ان سياراتها بسيطة و غير معقدة, و عمرها الافتراضى يقل دائما عن اى سيارة أخرى. أداء سيارات هيونداى هو الحد الأدنى فى كل فئاتها, و ليست ممتعة و لا مميزة, جودتها معدومة, تصميمها مثير للضحك فى معظم الأحيان. اذن لماذا يشترى الناس هيونداى؟ مش عارف فيه ناس هتزعل لو شبهت انتشارها بانتشار الأغانى الهابطة؟! أو يمكن السبب التانى أن هيونداى بتلعب على جبهتين, الأولى هى السعر, و الثانية هى الدعاية. سيارة سعرها رخيص و اعلاناتها مالية الدنيا, الاعلان ممكن يعمل من الفسيخ شربات. من الاخر الدعاية...فقط!

وحشتني مناقشاتك يا فادي باشا
بس يا ترى انت بتتكلم عن هيونداي في مصر باعتبار ان كل اللي راكب هيونداي بيسمع شعبان عبد الرحيم و بعرور
ولا هيونداي على مستوى العالم على اساس انهم بره ميعرفوش ام كلثوم و عبد الوهاب و بيسمعو باف دادي و 50 سنت ptmnlo123per140

http://www.youtube.com/watch?v=ucxBrQncf0g

[بدر بسيونى]

يادكتور العربية الالنترا ثمنها نفس ثمن اللنسر والاى 30 بمية وى وده فعلا اغلى من قيمتها لما الكروز ب بمية حاجة وعشرين والسيتى 115000 يبقى احنا بقينا نحط المنتج فى ثمن اغلى مما يستحقه ليه؟ مجرد عرض وطلب برغم ان فرق الكواليتى بينهم سما وارض مجرد ان العربية هيونداى تبقى حلوة لا طبعا اليابانى والالمانى والامريكى وشكرا اى عربية تانية حتبقى درجة ثانية وده مش بحكم الفلوس بحكم التاريخ والخبرة يعنى ممكن اقارن بين دكتور جامعة وتلميذ عنده نفس الفكرة امورى فى اى سوق فى الدنيا يمثل الدرجة الثانية ةليه فئته وطبقته لكن هنا اخد اكبر من حجمه وتوغل لدرجةان الجودة دلواتى بقت كورى وده مستحيل

[Dr. Bolbolan]

المشاركة الأصلية كتبت بواسطة بدر بسيونى يادكتور العربية الالنترا ثمنها نفس ثمن اللنسر والاى 30 بمية وى وده فعلا اغلى من قيمتها لما الكروز ب بمية حاجة وعشرين والسيتى 115000 يبقى احنا بقينا نحط المنتج فى ثمن اغلى مما يستحقه ليه؟ مجرد عرض وطلب برغم ان فرق الكواليتى بينهم سما وارض مجرد ان العربية هيونداى تبقى حلوة لا طبعا اليابانى والالمانى والامريكى وشكرا اى عربية تانية حتبقى درجة ثانية وده مش بحكم الفلوس بحكم التاريخ والخبرة يعنى ممكن اقارن بين دكتور جامعة وتلميذ عنده نفس الفكرة امورى فى اى سوق فى الدنيا يمثل الدرجة الثانية ةليه فئته وطبقته لكن هنا اخد اكبر من حجمه وتوغل لدرجةان الجودة دلواتى بقت كورى وده مستحيل

ماشى يا سيدى الفاضل ماختلفناش ! كل واحد له مخ ورأس وعينين ! واللى حضرتك بتقوله

صح لو الناس كلها ماديآ متساويين و عقليا متساويين و تعليميآ متساويين و ثقافيآ متساويين

واحتياجاتهم واحده ! هى الالنترا كورى مش كده ؟ بس هيونداى ما عملتش غير الالنترآ ؟

فيه حاجات كتير أعلى بس غير موجوده فى مصر ! هى اللانسر يابانى مش كده ؟ أعتقد مش ممكن

تلاقيها ماشيه فى طوكيو دلوقت ولا فى أى عزبه يابانى ! أنا قلت السوق يحكمه الاحتياج والقدره و

نسيت أضيف و المتاح ! الساعه الرولكس أو الكارتييه أغلى من السيكو و الآورينت بس دى بتعطيك

الوقت بدقه والتانيه كذلك ! و مع ذلك مش ح نلعن أبو اللى لابس ساعه من العتبه و نقول له السويسرى

أحسن ! أنا مثلا عندى أغلى الساعات لكن لما بأطلع الشغل بألبس ساعه عاديه نسبيآ !

بلاش كده يا باشا نبسطها أكتر ! وجبة الفول و الطعميه بتشبع الفقير زى وجبة الرومى للغنى !

بس كله بيشبع ! يبقى لو لقيت واحد غنى بياكل فول و طعميه علشان عاجباه الوجبه دى ! ما أقولش

له لآ دا فيه وجبات أغنى فى القيمه الغذائيه وأجمل فى الطعم ! أنا لو ح أختار بين السيتى والسيراتو

ح أختار السيراتو ! لآن السيتى بالنسبه لى شكلها مريع و كذلك التيدا ( مثلا ) مع امكانى شراء

دى و دى ! امتى الواحد يزعل ؟ لما يضطر يشترى حاجه غصب عنه و متهيألى كل الناس عارفه

كل المعلومات دلوقت عن السيارات والجمارك والحكومه !

Dr. Bolbolan ptmnlo123per122

[sam ram]

الانترا 93 الف جنيه .. ميتسوبيشي لانسر 1600 بتبتدي من 107 الف .. فرق 14 الف جنيه ( يعني تقريبا 15% من تمن الالنترا !!)
وعلى فكره الميتسوبيشي دلوقتي هي الشارك .. البومه موديل قديم و اترفع من الموقع الرسمي لميتسوبيشي ويقال انها تجميع صيني
لانسر شارك 1500بتبتدي من 130 الف جنيه يعني اغلا من اي النترا فول اوبشنز واغلى من اعلى فئه في الاي 30 فول اوبشنز و فتحه سقف وبتقول بابا و ماما ب 12 الف جنيه اما الشارك فول اوبشنز ب 150 الف و الاي 30 ب 118 الف .. يعني اغلا ب 32 الف جنيه !!
هوندا سيتي تايلاندي 1500 سي سي مش موجوده على الموقع الرسمي لهوندا لأنها اساسا معموله للدول التعبانه اللي بتسمع اغاني هابطه تمنها 115 الف جنيه و فتيس اوتوماتيك عادي مش ترونيك ...عربيه جميله بس الناس بتسيبها وتجيب السيراتو علشان الاوبشنز والحبشتكنات ( مضحوك عليهم )
الكروز بتحمل علامه شيفروليه و الناس بتتصورها امريكاني ... هي تقنيه جي ام .. لكنها في النهايه كوري والبركه في منصور
فين بقى الالماني او الاوروبي اللي تمنه 100 الف او اقل ؟؟!!
سكودا فابيا و فيات جراند بونتو ... طيب و اللي عايز سيدان يعمل ايه ؟؟
فولكس بولو صيني و لا سيات كوردوبا اللي بقالها سنين بنفس الشكل و المواصفات
اقرب حاجه اللينيا والتوكيل نايم في العسل وبرضو فوق ال 100 الف
و الاوكتافيا A4 من سنه 97 .. يعني بقالها 13 سنه .. كتر خير الدنيا انها لسه بتتباع

لكن لو افترضنا اننا هنا مضحوك علينا وبنشتري الهوا بالكام الف علبه هيونداي في شوارع المحروسه
الكام مليون بني ادم اللي راكبين هيونداي في بقيه العالم مضحوك عليهم برضو ؟؟؟!!!!

لو معايا 100 الف او اقل حفكر في الكوري
150 الف حدور على ياباني او اتشعبط في اوروبي
200 الف اوروبي فورا
انما لو معايا تمن مرسيدس و لا بي ام عمري ما حفكر اشتريهم ..
لأن معنديش استعداد ادفع نص مليون جنيه في عربيه وانزل تاني يوم الصبح الاقي واحد لاعب لي عليها اكس اوووو ptmnlo123per1147

[فادى]

وحشتني مناقشاتك يا فادي باشا بس يا ترى انت بتتكلم عن هيونداي في مصر باعتبار ان كل اللي راكب هيونداي بيسمع شعبان عبد الرحيم و بعرور ولا هيونداي على مستوى العالم على اساس انهم بره ميعرفوش ام كلثوم و عبد الوهاب و بيسمعو باف دادي و 50 سنت

أنا أقصد انتشار هيونداى فى مصر و العالم كله,
و السيارات الأسيوية عموما, التى يتركز انتشارها فى الولايات المتحدة و الشرق الأوسط بالاضافة الى اسواقها المحلية, و دى نتيجة للدعاية و ربما نشاط وكلائهم و طبعا انخفاض الأسعار.
فى النهاية فان انتشار السيارات منخفضة الجودة ظاهرة عالمية و ليست فى مصر فقط, نتيجة للدعاية و المساندة الاعلامية و أشبهها بانتشار الأغانى الهابطة, قصدى انها مثل الأغانى الهابطة, مستواها سىء و لم تبذل مجهودات فى صنعها, و لكنها رغم ذلك تنتشر.