#1
|
||||
|
||||
انا صح ولا غلط؟؟؟؟؟؟؟؟؟؟؟
السلام عليكم
امبارح زى ماكلنا عارفين كانت الدنيا بتمطر بغباء والمياه كانت مغرقه الشوارع وخصوصا الدائرى ولجل حظى الهباب كنت راجع من شغلى فى القاهره الجديده حوالى الساعه 6.00 مساء ووصلت لبيتى فى ميدان لبنان الساعه 11.30 المهم الدائرى زى ماقلت كان واقف وكلنا كنا ماشين على الاول وانا ماشى ماسك تانى حاره شمال وملتزم بيها (انا لسه جديدفى السواقه ومليش فى الغرز وكده) وكنت شايف عربيه نقل بمقطوره فى مرايتى الشمال عايزه تخش الحاره بس هدت فقلت الراجل ده بيفهم بس فجأه لقيت دخل وخدلى الجنب الشمال كله من اول الرفرف لحد المرايه المهم الراجل نزل وحاول يعتزر بس انا شفت منظر الخبطه وركبنى ميت عفريت وكنت عايز امسك فيه بس هو شكله غلبان المهم ... قالى تعالى معايا وانا اصلحهالك بس انا اروح فين يامعلم الدنيا واقفه والمطر على اخره فقلتله لا انا عايز تمنها(كل ده وانا متحول اخر 20 حاجه)قام صاحبى كان معايا نط فى العربيه واخد المفاتيح بتاعتها ومفتاح الكونتكت والموبايل بتاعه وادهوملى فقلت للراجل ادفعلى تمن تصليحها فقالى معيش فلوس فمسكت فيه وطلعت من جيبه 400 جنيه بالعافيه فلقيت صاحبى بيقولى خد الموبايل واديلوه الشريحه بصيت للراجل بينى وبينكم صعب عليا فأديته الموبايل والمفتاح ومشيت شويه لقيت الراجل وانا ماشى بيخبطلى على الزجاج وبيقولى ان مفتاخ الكونتكت معايا وطلب منى 20 جنيه من الفلوس اللى اخدتها علشان يحمل بيهم المهم اديته بس طول مانا مروح عمال احرق فى سجاير ومضايق مش علشان ان العربيه اتخبطت (مفيش عربيه فى مصر مابتخبطش) بس حاسس انى عملت حاجه غلط وانى افتريت على الراجل ده فأتصلت بواحد صاحبى هو مش متدين قوى بس ملتزم فقالى انى صح ومن اتلف شيئا فعليه اصلاحه وناس كتير قوى قالتلى كده فياترى ياأخوانى انا كده صح ولا غلط؟؟؟؟؟؟؟؟؟؟؟؟؟؟؟؟؟؟ |
#2
|
رد: انا صح ولا غلط؟؟؟؟؟؟؟؟؟؟؟
اولا قدر الله و ما شاء فعل
كون ان الخبطه جايه من ورا يبقي هو اللي غلطان و فعلا زي ما صاحبك قالك من اتلف شئ فعليه اصلاحه علشان يمشي محترم بعد كده ناس حتقولك افرض كان تعبان و مش قادر حتبقي انت و الزمن عليه تقولهم لو تعبان يقعد في بيته ما ينزلش يكسر في عربيات الناس و بعدين هو قالك مش معايا فلوس و لقيت معاه 400 جنيه تفسر دا بأيه؟؟؟!!!! غير ان سواق النقل راتبه عالي جدا ما تقولش عليه غلبان ابدا ال 400 جنيه اللي انت اخدتهم حتحط عليهم كمان الف جنيه علشان تصلح عربيتك دا اقل واجب و ربنا يسترها معاك
__________________
حـازم خـضـر
|
#3
|
||||
|
||||
رد: انا صح ولا غلط؟؟؟؟؟؟؟؟؟؟؟
متحملش نفسك عقده ذنب .....وكويس ان صاحبك اتصرف كده .....بتوع النقل ياما اتسببوا فى حوادث باستهتارهم بارواح الناس ....وكويس انها جت على أد كده ..............تقبل تحياتى
__________________
بلدنا فى القلوب متشاله ومهما تضيق عليها الحاله ولادها قدها ورجاله |
#4
|
|||
|
|||
رد: انا صح ولا غلط؟؟؟؟؟؟؟؟؟؟؟
لا اللى عملته صح وعين العقل كنت هتبقى إفتريت عليه لو كنت خدت الموبايل أما كده أنت صح ورضيته ورضيت نفسك ورضيت ربنا لان فعلا القاعدة الشرعية بتقول من أتلف شىء فعليه إصلاحه وهذا ما علمه لنا الحبيب المصطفى صلى الله عليه وسلم وغير كده هو بعد كده هيسوق بإحترام وهيفكر ألف مرة قبل ما يعمل غرزة هو مش قدها ويا ريس الموضوع بسيط مش مستهله تأنيب ضمير وجلد الذات والحمد لله إنها جت على قد كده والحمد لله على كل حال
__________________
✓ مـثل صيـنـي يقول : " إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول " تحياتي @ واحد من الناس @ |
#5
|
|||
|
|||
رد: انا صح ولا غلط؟؟؟؟؟؟؟؟؟؟؟
طيب .. انت الحمد لله عرفت تاخد جزء بسيط من مبلغ التصليح
.... واحد قريبى معاه نوبيرا و موقفها ف الشارع ... نزل الصبح بيشيل الغطا ... ملقاش غير حديد مفروم ... معرف بعدها من الجيران ان دبابة شالتله الجنب .... ( دبابة جيش مش نص نقل ) ... و القشر بتاعت الابواب راحت ... اخدله الجنب من اوى الفانوس لحد مرايه السواق برضه .... يروح لمين و يقول يا مين ... ربنا يعوض عليه ... بس انت لما شوفته هيدخل من وراك .. و بليل شوية ... يعنى كنت فتحت انتار عشان تبين له عربيتك او كنت زودت بنزين و وسعت له ... انا حاسس انك كان المفروض تتصرف غير انك تقف تتفرج على العربية كده و هى بتتخبط ... بس ربنا سترها و انت سليم .. اما بخصوص الفلوس و كده فده متفكرش فيه ... بس برضه كان المفروض لما كنت لاقيته بيقولك عايز 20 ... كنت اديتله 100 ... ده التصرف الصح .. لان المفروض دى بقت فلوسك و لما تشوف واحد محتاج فلوس كنت اديتله اكتر خصوصا انك عارف انه طلع 400 جنيه من جيبه و ممكن ده يكون ايراد يومه او شهره .. بس خلاص انت حاول اليومين الجايين تبقى تساعد فقرا و حاول متسيبش حد يأثر عليك ... لا يقولك انت صح او غلط .. محدش هيتحاسب على تصرفاتك غيرك ... خليك حذر ف تعاملك و فكر 6000 مرة قبل ما تاخد حاجة من حد .. فكر ف اهل بيته ... هو غلطان بس عياله ذنبهم ايه ؟؟ مش بقطمك بس خلى بالك و انسى اللى فات .. بس متنساش العبرة منه ...
__________________
My E-mail: Kemo_konoalex@hotmail.com حملة لكل مصرى ... خليها تصدى و موديلها يعدى Please,Press Here For More Details ... |
|
|