#1
|
|||
|
|||
استفسار عن الاكصدام الامامى للسيارة A113
السلام عليكم,
عربيتى A113 موديل 2011 الاكصدام الامامى اتكسر منه جزء بتاع 30سم * 30سم جنب العجلة الشمال من حوالى 6 شهور يعنى اول ماجبتها تقريبا,المهم قررت اغيره دلوقتى فرحت التأمين وخدت موافقة انى اغيره واودلهم الفواتير. فسألت فى التوكيل قالولى الاكصدام تمنه 420 لوحده بالمصنعيات والدهان هيخش فى حوالى 1000 جنيه غير ان العربية مش هتخلص فى نفس اليوم,ولما سألت عند المحلات خارج التوكيل لقيته بــ 170 جنيه فمش عارف فرق السعر الكبير ده ليه,هل فى فرق جودة عالى للدرجة دى ولا عشان التوكيل. وهل لو اشتريته من بره ووديته يدهن ويركب برة هيبقى كويس ولا دهانه هيقشر ومش هيكمل اسبوعين تلاتة. انا مشكلتى مع التوكيل الوقت والافتراء الزيادة. ياريت لو حد يقدر يفيدنى؟ والف شكرا على سعة الصدر. |
#2
|
|||
|
|||
رد: استفسار عن الاكصدام الامامى للسيارة A113
الي جوا زي الي برا
بس هتلاقي درجه الدهان مختلفه عن اللون الاصلي و التوكيل هيظبتو اوي بس 1000 ج كتير اوي علي تمن 420 بدون دهان عموما جرب تشتريه من برا و تركبه و تدهالهم يرشوه بس هيبقي اوفرلك طبعا وبالتوفيق يارب |
#3
|
|||
|
|||
رد: استفسار عن الاكصدام الامامى للسيارة A113
بس هو التوكيل يرضى يرش الاكصدام بعد تركيبه برة؟ |
#4
|
|||
|
|||
رد: استفسار عن الاكصدام الامامى للسيارة A113
انت هتروحلهم علي انك هترش دوكو بس مش هتغير اقصدام
يعني الاول كنت هتشتري قطه غيار و تركبها دلوقتي لا هتدهن بس وطبعا هيبقي اوفر ولو مرضوش شوف عند اي واحد بتاع دوكو لو لقيت نفس الدرجه بالظبط يبقي اعملها برا و ريح دماغك وهتبقي اوفر طبعا |
#5
|
|||
|
|||
رد: استفسار عن الاكصدام الامامى للسيارة A113
الحمد لله اشتريت الاكصدام بــ 170 جنيه وركبته ورشيته بــ 200 جنيه وطلع تمام والحمد لله.شكرا على المساعدة.
|
الكلمات الدليلية |
a113, اكصدام |
|
|