#1
|
||||
|
||||
ممكن شرح لمبتدئ لفكرة عمل مواتير السولار عشان الواحد اتلخبط بصراحه
الاخوه الاعزاء انا مبتدئ في عالم السيارات وليا فترة بتصفح الموقع وبصراحه استفدت منه كتير لكن للاسف لاحظت ان الكلام فيه علي العربيات الملاكي بصفه عامة هو الاكتر وعن المواتير البنزين وانا راجل عندي دبابة 2006 يعني ماتور جاز زي ما الناس بتقول ولاحظت ان طبيعه عمله مختلفه عن ماتور البنزين وانه في حاجات في بتبقي موجوده في البنزين متكونش موجوده في الجاز وبصراحة انا حاليا متلخبط وكل حاجة تاهت من دماغي او دخلت في بعض لو ممكن شرح مبسط لفكرة عمل ماتور السولار واجزائه الريئسيه طلب وحلم واتمني يكون في اهتمام بقسم السيارات التجاريه النقل والنص نقل والدبابات بالمنتدي ((ذي الفروق والمقارانات بين انواعها اسعارها جديده ومستعمله وكيفيه الحفاظ عليها لكونها ذات احمال عاليه وطبيعه عمل معينه وافكار لتعديلات ميكانيكيه فيها لرفع الاداء و تعديلات في شكلها الخارجي ملحوظه ما احنا شباب برضو بنحب التميز والظهور ذي اصحاب العربيات الملاكي (يراجع توقيعي بالاسفل)) انا طبعا مبتكلمش بشكل طبقي او عنصري ومقصدش ده كلنا مصريين طبعا لكن قصدت الجدوي الاقتصاديه لنوعيه دي من السيارات وطبيعه الشباب من مالكيها بالرغبه في التميز في الاقتناء ودي طبيعه بشريه احنا قطاع برضو من الشباب المصري بيستغل العربيات دي في عمل شريف يتكسب منه وفي النفس الوقت لينا حق علي المنتدي العظيم ده انه يعتبرنا قطاع بيخدم نفسه وبلده محتاج الرعايه والمتابعه والفهم للاسف كل المنتديات المهتمه بالسيارات تتجاهل الفئه دي من نوعيات السيارات البيك اب وتتجاهل مالكيها ومتطالباتهم من رغبه في الفهم والاستزاده من المعلومات كمان في فرصه لطرح مشاريع تجاريه تستغل فيها النوعيه دي من العربيات البيك اب ذي التوزيع التجاري او التسويق اوالشحن والنقل او البيع بالتجزئه ممكن تكون سبب لفتح ابواب رزق لشباب عاطل وده ممكن يكون قسم خاص لوحده لتبادل الاراء والخبرات التجاريه وافكار المشاريع واسباب نجاحها وفشلها وخبرات الناجحين وتجارب الفاشلين وبالطريقه دي ممكن الشاب يجمع بين عشقه وحبه للسيارات وبين ايجاد مصدر دخل شريف لمشروع ممكن يكون في يوم من الايام شركه كبيره مبنيه علي شغفه وحبه للسيارات وقيادتها ومنتج ممكن يوزعه او يسوقه بالسيارات او خدمه ممكن يقدمها بيها وعندي تجارب لاصحابي عندهم عربيات ملاكي لكن اضطرو يشتروا البيك اب لظروف استصلاحهم لاراضي زراعيه بالصحراء وللاسف تاهوا في الاختيار والنوعيات ومسائل فنيه كتيره نتيجه لجهلهم بالفروق بين انواع العربيات وامثله كتيره ممكن نتكلم فيها وده مثال بسيط من الحياه قابلني عن قيمة البيك اب الاقتصاديه وجداوه وتجربتي الشخصيه في مشروعي الناشئ وادينا لسة بنتعلم والبركه في ربنا وفيكم معلش لو طولت عليكو بس ده عشمي في المنتدي المصري الراقي الي اتعلمت منه كتير ونفسي اكون احترافي ذي القدامي فيه عشان افيد الجدد ذي ما انا استفدت منه
__________________
عاشق البيك أب انها ليست فقط سيارة انها اسلوب حياه its not just acar its style of life سبحان الله وبحمده سبحان الله العظيم
التعديل الأخير تم بواسطة سلامة البدري ; 30-05-2012 الساعة 03:41 AM |
#2
|
||||
|
||||
رد: ممكن شرح لمبتدئ لفكرة عمل مواتير السولار عشان الواحد اتلخبط بصراحه
"سلامة البدري" اعدك بمناقشة الموضوع والكتابة باستفاضة فية لكن اعزرنى مش دلوقتى
واحب اطمنك انى من عشاق المواتير الجاز
__________________
يااااااااااااا رب إرحمنا بقدرتك علينا |
#3
|
||||
|
||||
رد: ممكن شرح لمبتدئ لفكرة عمل مواتير السولار عشان الواحد اتلخبط بصراحه
|
#4
|
||||
|
||||
رد: ممكن شرح لمبتدئ لفكرة عمل مواتير السولار عشان الواحد اتلخبط بصراحه
السلام عليكم ورحمة الله وبركاته
الاخ الاستاذmr_astra ردك عليا ده فرحني جدا انا منتظر علي احر من الجمر ردك وبراحتك انا مش مستعجل اوي او بصراحه مستعجل بس مش عاوز اتقل عليك لما تفضي يبقي اكتب اللي ربنا يقدرك عليه او اديني لنك لموضوع فيه شرح مناسب وبسيط وانا اقراه ولو حاجه مفهمتاهش يبقي اسئل عليها بكرر شكري وشكر لمرور الاخ هشام الجزار وتواجدي بموضوعي وبقوله برضو
__________________
عاشق البيك أب انها ليست فقط سيارة انها اسلوب حياه its not just acar its style of life سبحان الله وبحمده سبحان الله العظيم
|
#5
|
||||
|
||||
رد: ممكن شرح لمبتدئ لفكرة عمل مواتير السولار عشان الواحد اتلخبط بصراحه
السلام عليكم
وااله كلامك جميل ويارب الجميع يفكر زيك وعلي فكره ماتور الجاز زي البنزين ماعدا طريقة التغذيه والأشعال والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
|