|
كيا سيراتو Cerato من انجح سيارات كيا عامة وسميت باكثر من اسم منها فورت و سبكترا وشوما قديماً |
|
أدوات الموضوع |
#1
|
|||
|
|||
سيراتو وصيانة الـ 5000 – وجولة داخل التوكيل
ptmnlo123per132
سيراتو وصيانة الـ 5000 – وجولة داخل التوكيل من كام يوم العربية عدت الـ5000 كيلو وحان موعد الصيانة الاولى كلمت الرقم المختصر 19KIA وحجزت موعد للصيانة يوم الخميس الساعة 9 صباحا هانى اخويا كلمنى بيقولى انه عدى الـ 5000 كم بعربيته وعاوز يعمل الصيانة فقلتله انا رايح يوم الخميس – راح كلمهم وحجز الخميس هو كمان علشان نروح مع بعض ونزلنا الخميس حوالى الساعة 8 ونص وصلنا التوكيل على 9 ونص لان الطريق كان مزدحم جدا وماشى ببطىء كان فيه امامنا 4 عربيات وجاء مهندس الاستقبال وسئلنى على المطلوب قولت له صيانة الـ 5000 وان العربية بقيت اسمع فيها صوت " تزيق " خفيف ومش مستمر, خد الرخصة وملى البيانات وقالى اتفضل جه عامل لبس كرسى السائق كيس والدركسيون كفر بلاستيك شفاف وخدو العربية نفس الكلام مع عربية اخويا بعد عربيتى وهو كان عنده مشكلة فى الراديو ان الايريال بيطلع طول الوقت مع الـ CD و الـ AUX وان السماعات الامامية لاتعمل وحاول مهندس الاستقبال ان يقنعه انه يمكن يكون الستينج بتاع السماعات مش مضبوط فقلناله لاء وجرب بنفسك – بالاضافة لمفتاح زجاج السائق لا يعمل اتوماتيك الا فى اتجاه النزول فقط وبرضه قال هو كده طبيعى لم يقتنع الا لما شاف عربيتى ان المفتاح يعمل اتوماتيكيا فى اتجاهى النزول والصعود وبعدين كتبها ملحوظة. سيبنا العربيات الى حال سبيلها ورحنا نعمل جولة فى الـ Show Room وشوفت موديل 2009 الهاى لاين نزلة بفرامل ABS و Airbag و جنوط سبور مقاس 16 بوصة انا عجبتنى جدا الجنوط الاسبور علشان الاطارات عريضة مقاس 205 وكمان اجمل حاجة ان الفرامل الخلفية Disc مش Drum مش عارف التعديل ده علشان الجنوط ولا علشان الـ ABS ؟!!! والتعديل ده فى موديل الـ EX فقط والسعر 111000 بدون فتحة سقف و116000 بفتحة سقف الجنوط الامامية الخلفية وباين الفرامل Disc الاطارات 205 مم جميلة مش كده؟!! ptmnlo123per1104 Airbag العربية عاملة 3كم بس ptmnlo123per1126 اللون الجديد اللى نازل وبيقولو عليه Gray بس هو الحقيقة يغلب عليه اللون الموف وهو الحقيقة من وجهة نظرى لون تقدر تقول عليه (فحلوقى) وحش جدا – والسيراتو بجد بتتميز باألون محدودة جدا . ptmnlo123per123 حاجة كمان البكتات الجانبية فى موديل 2008 كانت تتحلى بشريط نيكل , فى موديلات 2009 شالو الشريط ده وبقت بلاستيك فقط (قرعة يعنى) !!!!!!! ptmnlo123per144 حاجة كمان اكتشفتها مؤخرا ضمن الفروق بين موديل LX و EX الحلية النيكل اللى على الشنطة مش موجودة فى موديل LX كمان كان فيه هناك كميات كبيرة من السيراتو 2009 بمالقارنة بباقى الموديلات (الريو والبيكانتو) طبعا زهقنا من الفرجة وقلنا نريح شوية فى قاعة الانتظار الوقت كان لسه بدرى ومشغلين قنا ة الفجر وبتذيع قرأن وولقينا هناك مشروبات سخنة فرى (شاى بنكهات مختلفة – ينسون نعناع – نسكافيه - .....الخ) بنظام Help Your Self بس المياه بفلوس .... الزجاجة الصغيرة بـ2.5 عملنا 2ينسون واشترينا زجاجة مياه وقعدنا نتصفح المجلات القديمة (بقلها 6 شهور) حسيت انى عند الحلاق ptmnlo123per1103 الوقت كان بيمر ببطئ وكان ممل جدا لدرجة ان الناس كانت بتنام ptmnlo123per172 ptmnlo123per168 ptmnlo123per1101 قطع الملل ده انهم جم ينادو على هانى و انهم عاوزينه فرحت طالع معاه كانو عاوزين منه ضمان الكاسيت علشان هيتغير علشان فيه مشكلة بس للاسف ماكنش معاه بس قالولو ممكن حضرتك تجيبوه فى اى وقت وهيتغير فى 5 دقائق. ( هو بالفعل راحلهم يوم السبت ومعاه الضمان وغيرو الكاسيت واتحلت مشكلة السماعات بس ظل الاريال بيطلع مع الـ CD و الـ AUX وقالو له ان الموديل ده هو كده – هو مصدقش الا لما شافوه على عربية فى الـ Show room – حركة سخفية جدا) طبعا عربيته خلصت قبلى مش عارف ليه مع ان عربيتى دخلت قبله ptmnlo123per139 المهم شيكنا على عربيته وانا عربيتى لسه مخرجتش علشان لسه فى الغسيل والبريك ابتدى يعنى فاضل كمان نص ساعة فقلت لهانى اتكل انت على الله وان هنتظر لما نشوف وأخذت جولة فى الانحاء على ما البريك والعربية تخلص لقيت سيراتو نبيتى واقفة ومتلم حوليها مجموعة كبيرة وفتحين الكبوت اتخضيت ptmnlo123per127 وقلت ايه ده عربيتى ؟؟!!!! بس الحمد لله مطلعتش عربيتى طلعت ملاكى جيزة ptmnlo123per1127 كان فيه خبير من لكنته باين انه لبنانى وكان بيشرح للجروب ده بعض الاعطال وكان بيعملهم اعطال وعليهم يحللو العطل صح وكانو بيستخدمو اسكنر متقدم والراجل كان هايل بصراحة بس انا كنت واقف بعيد علشان مايخدوش بالهم منى ptmnlo123per12 كملت الجولة وشوفت بعض صناديق قطع الغيار الورشة وعربيتى خرجت من الغسيل خدتها وشيكت عليها وعلى غطاء الزيت ..... ومشيت أه نسيت اقلوكم على الحساب زيت شيل 5000= 98 جنيه فلتر زيت = 40 جنيه ( مش عارف ليه) ضريبة =4 جنيه مصنعية تغير الزيت = 60 جنيه ( مش عارف على ايه؟) خصم مصنعية تغير الزيت = -60 الاجمالى = 142 جنيه وده كان يوم فى التوكيل اجمالا حسيت ان العربية اتربطت والتزيق الخفيف ده اختفى بالنسبة لهانى الفاتورة زادت عنى 35 جنيه علشان طلب يغسلوله الموتور بالفوم . اى خودعة ptmnlo123per133
__________________
----------------------------- لا اله الا أنت سبحانك انى كنت من الظالمين م/أحمد اسماعيل التعديل الأخير تم بواسطة ahmed_su ; 21-12-2008 الساعة 05:27 PM |
#2
|
||||
|
||||
رد: سيراتو وصيانة الـ 5000 – وجولة داخل التوكيل
يا باشا متحرمناش من تقاريرك الجامدة و ان شاء الله تكون كلها تقارير خير و فرحة احلي حاجة بتعجبني في مواضيعك انها مجهود ذاتي مدعم بالصور و التفاصيل الدقيقة الف مبروك و عقبال صيانة المليون كم |
#3
|
|||
|
|||
رد: سيراتو وصيانة الـ 5000 – وجولة داخل التوكيل
ربنا يخليك يا أحمد بيه دايما رافع من روحى المعدنية ptmnlo123per154
شاكر مرورك ياباشا
__________________
----------------------------- لا اله الا أنت سبحانك انى كنت من الظالمين م/أحمد اسماعيل |
#4
|
||||
|
||||
رد: سيراتو وصيانة الـ 5000 – وجولة داخل التوكيل
يااااااااااااااااراجل كل ده وواقف بعيد امال لو كنت واقف فى وسطيهم كنت عملت ايه ptmnlo123per155 احنا لو باعتين جمعة الشوال ولا رافت الهجان علشان يصور التوكيل بالشكل ده ويعمل عنة تقرير شامل مكنش ممكن يطلع بالتفاصيل ديه ولاالدقة والجمال ده وعلشان كده انا رشحك لمنصب مدير المخابارات المصرموتورزاوية لانك فعلا بتجتهد بشكل يفوق التوقعات لتقديم المعلومة للناس من مصادرها ptmnlo123per122 بدعيلك من كل قلبى ربنا يرزقك وتشترى عربيات من كل الماركات اللى فى مصر علشان تعمل لنا تقارير عن كل التوكيلات بالروعة ديه ptmnlo123per171 وفى انتظار المزيد ptmnlo123per1126 |
#5
|
|||
|
|||
رد: سيراتو وصيانة الـ 5000 – وجولة داخل التوكيل
حبيبى ابو نورا ...ياباشا شاكر على الكلام الجميل ده
وبخصوص ترشيحى لمنصب مدير المخابرات المصرموتورزاوية يبقى ليا الشرف يالا بقى اعملى مراسم استلام العمل ptmnlo123per1127
__________________
----------------------------- لا اله الا أنت سبحانك انى كنت من الظالمين م/أحمد اسماعيل |
الكلمات الدليلية |
eit, توكيل كيا فى مصر, kia, kia cerato, كيا |
|
|