|
فولكس فولكس فاجن Volkswagen من اكثر السيارات مبيعاً فى العالم وتضم حاليا شركات سكودا وابيزا واودى وتستحوز عليها بورش الالمانية من اشهر سياراتها بيتلز جولف بولو جيتا باسات توران وطوارق وسوران كروس فوكس |
|
أدوات الموضوع |
#1
|
|||
|
|||
اعلان انضمامى لمنتدى الفولكس
السلام عليكم يا رجال المنتدى,
الحمد لله ربنا وفقنى و بقيت عضو فى منتدى ال VW بشرائى سيارة بورا م 2000, 1600 سى سى اتوماتيك, و السيارة الحمد لله بحالة جيدة جدا, و أدينى بحاول أتفاهم معاها [IMG]http://www.**********.net/Nile/images/smilies/10_1_102v%5B2%5D.gif[/IMG], ان شاء الله مع الاستخدام هحاول أعمل تقييم, بس مبدئيا السيارة ما شاء الله ذات عفشة محترمة جدا و ثبات غريب انا مش متعود عليه (نظرا لتعودى على الكورى و اليابانى) و موتور ذات وقار خاص كامن و هادى لكن وقت لما تكبس تحس انه اتعفرت عليك و بيزمجر و عاوز يطير خصوصا بعد ال 100 (لازم تأمن على الفرامل عشان مايتحكمش فيك). المطلوب: 1- الدعاء ان ربنا يحفظلى السيارة من كل شر خصوصا انها فابريقة, و لانى ليا سابق حوادث فأر (أخر عربية اتخبطت 3 مرات فى أول يوم شراء لها منهم مرتين كنت راكن على جنب اساسا يعنى مش عيب قيادة) و ده الخلانى ايامها أعتقد بقوة فى الحسد. 2- التواصل مع أعضاء المنتدى, و انا ان شاء الله أى حاجة اعملها فى السيارة او مشكلة أحلها هكتب عنها. الاستفسارات: 1- اول حاجة ال stop شغال كويس, بس الاشارات لاما تيجى تدى اشارة يمين او شمال تسمع صوت الاشارة بترن بسرعة جدا و مبتديش الاشارة لا برة العربية ولا جوه التابلوه. 2- ذراع المساحات ال على اليمين فوقه زرار بيتحرك بتاع 3 حركات أنا مش عارف ده بتاع ايه. 3- كيفية تظبيط عداد الكيلومتر المتغير (البيحسب البنزين و ما خلافه) مع العلم ان ضغط على الازرار ال في نص شاشة التابلوه بس مصفرش العداد بردو. 4- الزرار البيشغل الريجلاش بتاع النور الامامى مش شغال ف ايه ممكن تكون مشاكله (خصوصا ان الفوانيس الامامية متغيرة), و لو عايز أعلى النور شوية عشان بيرمى فى الارض هل ممكن أى كهربائى يضبط الرجلاش يدويا ولا لازم حد متخصص فولكس. مع الشكر مقدما لكل من شارك __________________ أحمد عبد الرحمن |
#2
|
||||
|
||||
رد: اعلان انضمامى لمنتدى الفولكس
مبروك عليك العربية وربنا يبعد عنك الحسد ويكفيك شرها ويهبك خيرها بإذن الله
اما عن استفساراتك فانت كده محتاج زياره لكهربائى كويس ومش شرط يكون متخصص فى فولكس |
#3
|
||||
|
||||
رد: اعلان انضمامى لمنتدى الفولكس
ألف مبروك ... أحسنت الإختيار بإذن الله
وربنا يديك خيرها ويكفيك شرها وأهلا بيك عضو محترم وعزيز بنادي فولكس فاجن أما بالنسبه للإستفسارات : (إليك الإستفسار والإجابه) 1- اول حاجة ال stop شغال كويس, بس الاشارات لاما تيجى تدى اشارة يمين او شمال تسمع صوت الاشارة بترن بسرعة جدا و مبتديش الاشارة لا برة العربية ولا جوه التابلوه.؟؟؟ سبب أنك بتسمع الرنات سريعه هو أن الكهرباء لاتستغلها المصابيح الخاصه بالإشارات وذلك لعدة أسباب أهمها وأكثرها شيوعا إحتراق اللمبات وفي هذه الحاله يتم تغيير اللمبات وتنتهي المشكله فورا وتعود لسرعه الرن (كما نعتها) طبيعيه وكل شيء حيبقى تمام إن شاء الله 2- ذراع المساحات ال على اليمين فوقه زرار بيتحرك بتاع 3 حركات أنا مش عارف ده بتاع ايه. إنه لتغيير السرعات للمساحه في حالة الوضعيه الأولى الخاصه بالمسح المتزامن فمثلا عند السرعه الأولى لهذا الزرار مع المسحات المتقطعه تعمل المساحه كل 15 ثانيه لمره واحده ...أما على التكه الثانيه فيجعلها تعمل كل 10 ثواني .. والثالثه كل 5 ثواني (أرجو أن تكون المعلومه قد نجحت في إيصالها) 3- كيفية تظبيط عداد الكيلومتر المتغير (البيحسب البنزين و ما خلافه) مع العلم ان ضغط على الازرار ال في نص شاشة التابلوه بس مصفرش العداد بردو. لو طارة الدركسيون متعددة الوظائف فما عليك غير أنك تقلب بالكمبيوتر بتاع الرحلات بالأسهم وتأتي عند الشاشه بتاعة البنزين وتضغط على ok لفتره 3 ثواني وسيتم التصفير أو تأتي عند الشاشه الخاصه بالمسافه المقطوعه للرحله وتقوم بنفس السابق وسيتم التصفير وهكذا أما لو لم تكن تمتلك طاره متعددة المهام فستجد ذراع آخر أو أزرار تقوم بنفس المهمه 4- الزرار البيشغل الريجلاش بتاع النور الامامى مش شغال ف ايه ممكن تكون مشاكله (خصوصا ان الفوانيس الامامية متغيرة), و لو عايز أعلى النور شوية عشان بيرمى فى الارض هل ممكن أى كهربائى يضبط الرجلاش يدويا ولا لازم حد متخصص فولكس بالتأكيد المصابيح الأماميه ليست بالأصليه لأن الأصليه تحتوي على موتور كهربائي يقوم بإستقبال الوضعيه المرغوبه لزاوية الإضاءه على حسب رغبة السائق من خلال الزرار المسئول عن ذلك في التابلوه بجانب مفتاح الإضاءه الرئيسي ... (وأغلب الناس بتركب التايواني depo) نظرا لغلاء الأصلي بشكل غير طبيعي وبتتغاضى عن تغيير الزاويه للإضاءه من داخل المقصوره ويتم تظبيط الريجلاش بتاع الزاويه للإضاءه يدويا من الفانوس وهوه راكب بدون أي مشكله عند أي كهربائي ولو تفهم فيه وعندك ألانكيه حتعمله بنفسك بدون أي مشكله ألف مبروك مرة أخرى وفي إنتظار تقريرك عن السياره وتجربة قيادتها وأي إستفسار نحن في الخدمه دائما
__________________
|
#4
|
|||
|
|||
رد: اعلان انضمامى لمنتدى الفولكس
أبو نورا و أحمد باشا, شكرا جزيلا على الرد السريع, بالنسبة لردود سيادتك:
1- الاشارات الخلفية و الامامية بتشتغل مع الستوب عادى, و لكن لا تشتغل مع ذراع الاشارات كما أشرت سابقا. 2- تمام 3- الطارة ليست متعددة الوظائف و عليه سوف أحاول أن أبحث عن الزرار البديل 4-هوا تقريبا الموتور بتاع المصباح موجود بس مش متأكد, لكن بالنسبة للفوانيس القديمة الفابريقة فهوا اديهالى سليمة تماما, هل يمكن اخذ موتور الرجلاش. عموما أنا هحاول بردو أستفسر قريبا عند أول واحد يفحص السيارة و لكم جزيل الشكر |
#5
|
رد: اعلان انضمامى لمنتدى الفولكس
مبروك وربنا يحفظك من شرها
__________________
اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله |
الكلمات الدليلية |
اعلان |
|
|