طرمبة البنزين ..للابيزا 94 فقط ..

[mohamed ibiza]

قصدي لو العربية عطلت و السائق شك في الطرمبة يشيل الخرطوم اللي واخد من الطرمبه للكربراتير و يدور لو فيه بنزين طلع منها يبقي العيب مش فيها لو مطلعتش بنزين يبقي الطرمبة قاطعه

[رياح التغيير]

ايه الحلاوة دي يا محمد الله ينور انا طرمبتي ايبيزا 98 99 غطسانة في التنك تحت الكنبة ورا تشيل الكنبة تلا قيها علي طول باظت مني لأني سبت العربية لغاية مالبنزين خلص فتقريبا كده اشتغلت عالفاضي فضعفت بس غيرتها لأن الكهربائي قالي كده لأن العربية عالسلانسية بترتل بس فالآخر طلع العيب من بوابة الإنجكشن وهو بيغيرها بيبقي راكب فيها عوامة البنزين ودي اللي بتبعت الإشارة للمؤشر فالتابلوه باظت منه ازاي معرفش اشتغلت العكس يعني مليان تديك فاضي والعكس عشان اللي هيغيرها ياخد باله لأنو حور علي وقالي العيب من المؤشر وعداداتك مش بتاعت العربية وهو اللي بوظها فالتو واللحظة والعوامة دي ب100 او اكتر!!!!....غيرتها بواحدة VDOالماني زي اللي باظت بس البار(الضغط) بتاعها اعلي 3بار صنع في الصين بس متأكد انها اصلية ب300 جني وفي منها بوش علبة صفرا مضروبة لأن بوش مبتعملش طرمبات بنزين! ب400 جنيه مداخلة صغيرة مني ياكبيرنا

[ABD_CHEMIST]

معلش يا جماعة انا كنت سمعت ان الابيزا عامة طرمبة البنزين فيها بتبوظ
فهل الكلام دا صحيح ولوكان صحيح هل ده يجعلها سيارة مش عملية ف مصر عشان انواع البنزين اللى موجودة
ارجو الافادة

[mohamed ibiza]

العربية معانا من الزيرو

من سنة 94

و طرمبة البنزين باظت لاول مرة من شهر

و بحطلها بنزين 90 و مشيت شوية 80 و رجعت لل 90 تاني

و طوال 16 سنة باظت مرة واحده بس !

عموما الابيزا مفهاش العيب ده و طرمبة البنزين بتاعتها مش بتبوظ بسهولة

[ABD_CHEMIST]

المشاركة الأصلية كتبت بواسطة mohamed ibiza العربية معانا من الزيرو من سنة 94 و طرمبة البنزين باظت لاول مرة من شهر و بحطلها بنزين 90 و مشيت شوية 80 و رجعت لل 90 تاني و طوال 16 سنة باظت مرة واحده بس ! عموما الابيزا مفهاش العيب ده و طرمبة البنزين بتاعتها مش بتبوظ بسهولة

شكرا جدا ياباشا بس كمان سؤال ؟
هل قطع غيارها وصيانتها سهلة ورخيصة ولا زى ما بنسمع عن الاوروبى ومصاريفه وانه لازم الصيانة ف التوكيل خصوصا انها هتكون اول عربية ليا واكيد هحتاج قطع غيار وصيانة كتير
ارجو الرد