|
رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe |
![]() |
|
أدوات الموضوع |
#1
|
|||
|
|||
![]()
السلام عليكم
سمعت كتير عن علبة فيوزات ميجان وإنها صعبة ومش أى حد يعرف يشتغل فيها و... و...و .... حصلت مشكلة عندى فى العربية قلت جايز يكون العيب من علبة الفيوزات وفكيتها وتعرفت عليها بالكامل ... والعيب واضح إنه مش منها أهم حاجة أنا هشرح طريقة فكها بنفسك وهى سهلة إن شاء الله بالنسبة لميجان نزلت بنوعين من علب الفيوزات نوع نزل فى عربيات 2005 و 2006 ونوع ابتدى ينزل من أواخر 2006 وانت طالع بقى العلبة القديمة ظهر فيها بعض المشاكل من سيحان الفيش أو انصهار بعض التراكات فى ظهر ال Mother board بتاع ال upc اللى هى علبة الفيوزات نفسها وأنا شايف دا بسبب رداءة الموصلات بتاعتها مكنتش بتستحمل الحمل فكانت بتسيح وتخلى الفيش تسيح عشان كدا عالجوها ونزلوا العلبة الجديدة فى 2007 ..... ودى مشاكلها قليلة جدا .... زى اللى عندى فى العربية اللى أنا فكيتها طبعا فيه فرق بين العلبتين سواء فى الفيوزات اللى فيهم أو الفيش بتاعتهم أو حتى المظهر بتاعهم العلبة القديمة لونها أسود بالكامل والجديدة ضهرها اللى هو الغطاء بتاعها لونه أسود وهى نفسها لونها أبيض زى ما قلت طريقة الفك واحدة لكن تقسيمة العلب مختلفة وبما إنى اللى عندى العلبة الجديدة فأنا برضه جبت للناس اللى عندهم علب قديمة صورة للعلبة نفسها وصورة للخريطة بتاع الفيوزات بتاعها واستخدام كل فيوز قبل ما نبدأ موضوع الفك لكن تابعوا معايا الفك لأنه نفس الخطوات ......ممدوح قال لى ان العلبة القديمة مكسيكية الصنع دا شكل العلبة القديمة ![]() ودى الخريطة بتاعتها مكتوب عليها أرقام الفيوزات ... والعلبة نفسها بيبقى مكتوب عليها الرقم برضه جنب كل فيوز ![]() ودا شرح وظيفة كل فيوز منهم ورقم أمبيره ![]() تمام قوى نبدأ الفك مبدئيا هنحتاج طقم ألانكيه نجمة نفصل قواطش البطارية السالب أولا ... أنا خلعت الغطاء الأحمر اللى مغطى فيوزات البطارية فى الناحية الموجب وحطيته تحت القاطش السالب بعد ما فكيته عشان أعزله بعدين فكيت القاطش الموجب ![]() فى الصورة السابقة علبة الفيوزات تقع يمين البطارية وليها مسمارين زى ما إحنا شايفين بيتفكوا بألان كى نجمة نفكهم بعدين نخلع الحتة الفبر دى عشان نعرف نخلع الغطاء بتاع العلبة اللى فيكنا مساميره ![]() بعد ما خلعنا الغطاء هنلاقى فيشتين من فوق أهو الفيشتين دول يخصوا الإضاءة بتاع العربية ![]() بعدين نفك البطارية بتبقى متثبتة بمسامر نجمة وحتة حديد زانقاها فى قاعدة البطارية دا المسمار نفكه ونطلع البطارية ونحوش الحتة الحديد ونشيل البطارية من مكانها ![]() بعدين هنفك قاعدة البطارية زى ما أحنا شايفين فى الصورة ليها 3 مسامير ألان كي نجمة هنفكهم ![]() ![]() بعدين هنفك صامولة 10 بمفتاح بيبة اللى ماسكة ضفيرة الكهرباء فى قاعدة البطارية أنا صورتها وانا حاطط فيها المفتاح البيبة عشان تبان لان المسمار صغير دا مكانه وفيه مكان لصامولة 10 تانى مشاور عليها برضه بالأحمر نفكها ونطلع الضفيرة من مكانها فى القاعدة ونربط الصواميل مكانهم عشان مننساش حاجة ولا حاجة تضيع ![]() ![]() هنحتاج نفك كابل من القاطش الموجب وواحد من القاطش السالب عشان نطلع القاعدة بسلاسة والكابلات متزنقناش فى الصورة دى مشاور على الكابلات اللى هنفكها ![]() |
#2
|
|||
|
|||
![]() نروح للقاطش الموجب ونفك الصامولة اللى مشاور عليها بالأحمر عشان نهوى الفردتين اللى راكبين عليها عشان لما نيجى نطلع القاعدة السلوك متغلسش عليك ... ونربط الصامولة تانى مكانها هما بيبقوا كابلين تحت بعض نفس الكلام نخلع الكابل دا من القاطش السالب ونربط الصامولة مكانها عشان متضيعش ![]() ![]() بعدين نفك مسمار 10 فى المكان دا اللى رابط الكنترول فى القاعدة ![]() هنشد الكنترول لفوق ونطلعه فيه 3 فيش نفكهم من على الشمال نشوف الموضوع دا أحسن http://www.**********.net/Nile/329249-a.html بعد ما فكينا فيش الكنترول زى ما الموضوع شارح بالضبط وحفظنا كل فيشة ومكانها نطلع الكنترول برا ![]() نطلع القاعدة من مكانها ودا المنظر ![]() ![]() نطلع الفيشة البيضاء الكبيرة فيه لسان فى الغطاء الاسود شابكة فيه نرفعه حاجة بسيطة بإيدنا ونشدها هتطلع وفكها ظريف جدا ..... بيبقى فيه حتة من على الجنب مربعة بتشدها اثناء الشد بتلاقى الفيشة طلعت من بيتها مشاور عليه بالأحمر ![]() ![]() الفيشة التانية الرمادى بتبقى فيها كلبسة بنضغط عليها ونفكها من بعضها وبتبقى داخلة فى مجرى ليها مثبتها على العلبة من فوق بنشدها بتتخلع معانا عشان نفك العلبة نفسها بيبقى فيه المسمار ال 13 دا هحتاج بيبة أو مفتاح 13 عشان نفكه ![]() غلبنى جدا كان صعب جدا فى فكه ماسك بطريقة غبية المشكلة أن الحتة اللى راكب فيها بقت تنحنى وأنا بفك وهو مش راضى يتفك ! جبت ولاعة سخنته بتاع 5 دقايق لولا رضى يفك طبعا بحذر شديد عشان الأجزاء البلاستيك ........ على العموم المسمار دا بيبقى راكب تحته كابل برضه وهو موصل بين علبة الفيوزات وبين الكام فيوز اللى برا العلبة تحتها هنشوفهم لما نفك دلوقت بعدين هنشد العلبة بطريقة أفقية هتطلع معانا ![]() |
#3
|
|||
|
|||
![]()
عشان نطلع العلبة بيبقى فيها شوية فيش 7 فيش لازم يتفكوا
![]() ![]() كل فيشة من دول ليها مشبك أو ودان ينضغط عليه بأى حاجة ونفك أنا كنت بضغط بمفك واخلع الفيشة ![]() ![]() بس ناخد بالنا من الفيشيتين اللى فى الصورة زى دى لأنهم زى بعض فى المقاس فنحفظ أماكنهم كويس عشان محدش يركب واحدة مكان التانية بالخطأ اللى من برا لونها اسود جنب الحتة الحديد اللى فيها صامولتين راكبين واللى من جوا لونها رمادى ![]() زى ما احنا شايفين فى الصورة دى من قوة ربط المسمار حتة الحديدة متنية مع الفك ! نفك الصامولتين اللى فيها دول ونطلعها برا ![]() ![]() العلبة فيها غطاء أسود من ورا راكب ضغط فى كل جنب من الأجناب فيه منطقتين متعلق فيهم بإيدنا أو بمفك ندخله بين جسم العلبة الأبيض وبين الغطاء عشان نفكه من الأربع جوانب ونطلعه ![]() بعد ما شلنا الغطاء دى البورة بتاع ال upc من ورا فى العلبة القديمة كان بعض التراكات بتشيط وكانت بتتوصل بتراكات و تتلحم عادى بقصدير وتركب تانى وتشتغل أنما عندى مكنش فيها أى حاجة ![]() تعالوا بقى نشوف تقسيمة الفيوزات اللى فيها دى أنا ملقتش صورة وخريطة للعلبة دى فرسمت صورة مبسطة للفيوزات اللى عليها لكن موصلتش لصورة توضح استخدام كل فيوز ياريت اللى عنده صورة لاستخدام الفيوزات فى العلبة دى يرفعها ضرروى لأفادة الجميع دى الصورة اللى رسمتها مرقم فيها الفيوزات من 1 ل 23 يعنى فيها بس فيها 22 فيوز فقط لأن فيه مكان فاضى مفيهوش فيوز اللى هو الصف الثانى الترقيم دا مش من دماغى يا جماعة مكتوب على العلبة نفسها الأرقام دى أول صف فيه 9 فيوزات وكاتب فى المربعات الأمبير بتاع كل فيوز تانى صف فيه 7 بعدين فيه 4 فيوزات على اليمين عموديين تحت الصف الثانى مباشرة وفيه 2 فيوز أفقيين من على الشمال تحت الصف الثانى مباشرة وراسم فى الصورة ال 7 فيش واماكنهم فى العلبة ![]() عشان نطلع البوردة لازم نشيل الفيوزات دى عشان كدا الصورة اللى جبتهالكم دى مهمة جدا اعتبرها مرجع عند تركيب الفيوزات حتى لا تخطئ وتركب فيوز مكان فيوز لأن أحجامهم واحدة لكن شدة التيار اللى بيتحملها كل واحد منهم مختلفة عن التانى فلا مجال للخطأ هنا انا استعنت بالمشبك الأصفر اللى بيبقى فى الغطاء اللى مغطى علبة الفيوزات اللى جوا العربية دا لكن منفعش معايا لأن الفيوزات كانت ماسكة قوى ![]() عشان كدا استخدمت الكماشة وخلعتهم بسهولة بس إوعى حد يضغط عليه جامد لا يتكسر الفيوز فى بق الكماشة ونخلع الغطاء اللى الأسود اللى من تحت زى ما وضحت فوق اللى راكب ضغط ![]() هنطلع البوردة فى إيدنا ودا شكلها من جوا .... المكعبات اللى جوا البوردة دى ايا كانت ريليهات أو آيسيهات فيه منها مكتوب عليها الفلبين وفيه منها مكتوب عليه تايلاند ... وتقريبا العلبة من صناعة شركة اسمها Hella ![]() ![]() ![]() ![]() |
#4
|
|||
|
|||
![]()
طبعا أنا راجعت كل الفيوزات دى فيوز فيوز كلها سليمة البوردة مش باين عليها أى شياط أو أى مناطق سايحة وكلها سليمة دا الظاهر يعنى ليا
ودا الغطاء اللى بتبقى راكبة جواه البوردة واللى شلنا منه الفيوزات عشان نقدر نطلع البوردة منه بسهولة ![]() طبعا أنت ممكن متفكهاش كلها لو عايز تشيك ع الفيوزات بس براحتك نرجع تانى للعربية لأن لسة باقى فيوزات تانى علبة الفيوزات اللى طلعناها بيبقى ليها بيت صغير تانى بلاستيك جوا العلبة الكبيرة اللى شايلة كل حاجة نطلع البيت الصغير دا ![]() دى بقى باقى الفيوزات عددهم 7 فيوزات أول فيوز دا بيبقى فردى بيركب على الهيكل البلاستيك فى أول فتحة ... بعديه تانى وتالت مكان فاضيين بعديه 6 فيوزات ورا بعض ![]() ودى خريطة ليهم مع شرح استخدام كل فيوز بس معرفش الخريطة دى بتاع العلبة الجديدة ولا القديمة بس شكلهم متشابهين ![]() أحنا ممكن نشيل أى فيوز منهم باستخدام المشبك الأصفر اللى وضحته سابقا الموجود فى غطاء علبة فيوزات التابلوه وال 7 فيوزات عندى كانوا تمام بس أنا بقى حبيت أفصص الحتة البلاستيك اللى فيها ال 7 فيوزات دول وأشوف فيها إيه عشان نطلع الخط اللى راكب فيه ال 7 فيوزات لازم نفك علبة فلتر الهواء والماسورة اللى د اخلة عليه وحاجة هم عشان الضفيرة اللى داخلة ليهم مزنوقة تحت العلبة دى وعشان تطلعهم لازم نرفعهم شوية لفوق ومش هنقدر إلا لما نفك علبة فلتر الهواء أو حاجة نجيب مفك وهنلاقى الخط بتاع الفيوزات متثبت فى جسم العلبة بمشابك هنبعدها شوية ونشده لفوق سنة بيبقى فيه مشبكين ![]() ![]() طبعا مش هنقدر نطلع خط الفيوزات دا هنيجى نرفعه هنلاقى الضفيرة مزنوقة عند علبة فلتر الهواء ![]() نفك فلتر الهواء ننضفه بالمرة ليه مسمارين قلاووظ ![]() الماسورة دى اللى راكبة فى علبة الفلتر بتتلف بنلفها ونطلعها وبيبقى راكب فيها من الناحية التانية الجزء الكاوتش بتاع الهواء اللى راكب فى الأكسدام وراكب فيها ماسورة تانى من على جنب ![]() |
#5
|
|||
|
|||
![]()
بعد ما قرأنا الموضوع وفكينا علبة الفلتر كنت عايز أنوه عن شئ مهم
علبة الفلتر من ورا بيبقى فيها دليل أو مسمار بلاستيك بيبقى راكب فى جسم العربية فى الجلدة دى الجلدة دى ممكن تقع وانت بتطلع علبة الفلتر وهى بتبقى راكبة ورا السيرفو ناخد بالنا منها ![]() ![]() دا مكانها ورا السيرفو ![]() بكدا نقدر نطلع خط الفيوزات بسهولة هنرفعه لفوق ![]() هنبتدى بقى نشيل كل الفيوزات من مكانها الفيوز الأول الفردى ال 40 أمبير دا راكب لوحده بمشبك كدا هنشيله بعدين نشيل باقى الفيوزات باستخدام المشبك الأصفر اللى فى غطاء علبة فيوزات التابلوه نشيلهم واحد واحد ![]() بعد ما شلنا كل الفيوزات هنجيب مفك ونبص فى الصورة دى هنلاقى فيها 3 فتحات مستطيلات فيهم مشابك بسن المفك نحاول نبعدها لتحت ![]() من على جنب بيت الفيوزات دا من تحت فيه 3 مشابك تانيين ظاهرين جدا هنبعدهم لتحت عشان نخلع الغطاء اللى ماسك فى بيت الفيوزات من تحت بس لازم نفك ال 3 اللى قلت عليهم سابقا أولاااااااااا ![]() ![]() هنلاقى جواها حتة الحديد دى اللى فيها الألسنة اللى بيركب فيها اطراف الفيوزات بس كدا أنا قلت أفكها أشوف جواها يمكن ألاقى حاجة بايظة ولا حاجة طلعت حتة حديد موصلة ![]() لو عايزين نفك العلبة البلاستيك اللى شايلة الليلة دى كلها جواها بيبقى فيه مسمارين 10 محتاجين بيبة 10 نفكهم ونطلعها بجنب كدا قرفتنى بصراحة بسبب السلوك الكتير ![]() دى المسامير لقطتلها صورة من جوا ![]() بيبقى فيه فيشتين جوا العلبة دى عايزين يتخلعوا الفيشة دى ليها مجرى فى العلبة نشدها ونخلعها بعدين نخلعها هى نفسها من بعضها ![]() ![]() بعدين نطلع العلبة نفسها ![]() ![]() تحتها مباشرة كرتيرة العجل اللى فيها غطاء مدور اللى بنفكه عشان نغير لمبة الفانوس ![]() ![]() طبعا أهم حاجة تركيب كل فيوز فى مكانه الصحيح والخريطة والصور اللى أنا منزلها موضحة كل حاجة وترتيب الفيوزات زى ما فى الصور با لضبط |
![]() |
الكلمات الدليلية |
رينو ميجان |
|
|