|
فولكس فولكس فاجن Volkswagen من اكثر السيارات مبيعاً فى العالم وتضم حاليا شركات سكودا وابيزا واودى وتستحوز عليها بورش الالمانية من اشهر سياراتها بيتلز جولف بولو جيتا باسات توران وطوارق وسوران كروس فوكس |
|
أدوات الموضوع |
#1
|
|||
|
|||
معاناتى مع الفتيس الdsg ولحظات احتراقه
السلام عليكم ورحمة الله وبركاته
انا معايا جيتا 2009 ماكنه 1400 tsi , الفتيس dsg تصدق ان الفتيس ال dsg باظ معايا والعربية راكنه تحت البيت سمعت الناس بينادوا عليا الحق العربيه بدخن قولتلهم عربية مين انا مبطل العربيه والمفتاح معايا شوفوا يمكن حد مولع حاجه تحتها وقمت نازل وفاتح الكبوت لقيت ريحه ذى ريحة كاوتش من اسفل البطاريه ومافيش نار والناس اتجمعت والى يقولك اطلب المطافى والى يقولك ميكانيكى والى يقولك الضفيره عملت قافله واتحرقت والى يقولك انت كنت سايب حاجه شغاله فى الطابلوه قولتلهم الطابلوه انتم شايفينه بعنيكم مافيش فيه اى حاجه شغاله والمفتاح فى ايدى اهوه وكونتاك العربيه مقفول وخلال فترة من 5-7 دقائق بدأ الدخان يقل حتى لم يعد باقى منه سوى الرائحه فدخلت السيارة وقلبى يتقطع واحداث هذا الفتيس ال dsg الملعون فى خلال عام من ركوبى السيارة زيرو من بداية سماعى صوت شخلله وكنت كل شويه اخرج دماغى من الشباك عند سماعى الصوت لاتاكد منه وذهابى للتوكيل لاصلاحه ورفض التوكيل دخول العربيه الا بعد دفع مبلغ 7000 جنيه والتوكيل يقول الجهاز بيقول ان الفتيس عاطى ايرور ولكن رقم الايرور مالهوش عندنا كود يبين سبب العطل طيب ايه العمل قالوا احنا هنبعت تقرير الفتيس للشركه الام فى المانيا ونشوف ايه ردها لاننا مانعرفش نعمل حاجه فى حالتك دى والرد يجى بعد 15-20 يوم وبعد فترة جاء الرد من الشركة الام تغيير الفتيس وهنا حدثت المفاجئه المهندس المسؤول عن العربيه يطلب ضمان العربيه قبل تغيير الفتيس قولتله العربيه خليجى وانا دافع 7000 جنيه قال انت دافع المبلغ ده علشان تدخل تعمل صيانه عندنا مع عربيات الوكيل انما احنا لازم يكون فيه ضمان نبعت صورته للشركة فى المانيا مقابل الفتيس الى هنركبه قولتله انا هدخل للمدير قالى ذى عدمه قمت سايبه وداخل للمدير قولت للمدير انا معايا عربيه خليجى الفتيس عاوز يتغير ورافضين يغيروه تتوقعوا اول رد لمدير فرع صيانة فولكس ايه ؟ انت دخلت العربية هنا اذاى ؟ قولتله وانا هدخلها اذاى انا دفعت ال 7000 جنيه ودخلتها قالى ايه المطلوب قولتله القصه قالى ده نظام شغل عندنا ومافيش حل الا انك تجيب ضمان للعربيه من بلد المنشأ لاما تركب فتيس على حسابك قولتله هو سعر الفتيس كام قالى 71000 بالتركيب ورجعت للمهندس المسؤل عن العربيه تانى قولتله مافيش حل قالى ابعت شكوى للشركة فى المانيا ومااعتقدش انها هتحل المشكله لانها هتبعت الرد للوكيل والوكيل هيقولها دى قوانين عندنا فى العمل فى بلدنا ولم اجد حل فقمت ماشى وراسلت الشركة الام واتصل بى الوكيل فى مصر وقالى لو معاك ضمان من بلد المنشأ هنغيرك الفتيس وبحثت عن بلد تصدير العربيه لاجد انها تركيا و لو عاوز جواب من منشأها لازم يشوفوا العربيه لانها ممكن تكون عامله حادثه وبتطلب ورق للتأمين يعنى مافيش فايده المهم نرجع للعربيه فتحت الكونتاك اضاءت جميع العلامات فى التابلوه ثم انطفأت ماعدااااااااااا لمبة الفتييييييييييييييييييييي يس وهو دة الى كنت خايف منه ادور الكونتاك لايعمل , العربية اصبحت جثه هامدة طلبت ونش وحملتها للحرفيين قالى بوردة عقل الفتيس اتحرقت والحمد لله ان الفيوز بتاع الفتيس ضرب والعربيه ما اتحرقتش كلها قولتله اذى والعربيه كانت راكنه ومبطله قالى ممكن يكون بدأ يتحرق قبل ماتبطل العربيه قولتله ايه المطلوب قال تغيير عقل الفتيس ب 19,000 جنيه قولتله ماينفعش يتصلح قالى انت لو روحت التوكيل هيقولك تغيير الفتيس كامل قولتله طيب صوت الشخلله الى فى الفتيس هيروح قال هيخف شويه بس لو ذاد اعرف ان عقل الفتيس هيبوظ تانى قولتله ماشى ما أنا ماعنديش حل تانى المهم العربيه بعد 3 شهور بدأ يعلى صوت شخللة الفتيس تانى فقررت ان ابيعها لاننى شعرت ان اعصابى بدأت تنهار وتفكيرى بدأ يتشتت المهم بعت العربيه بخسارة كبيرة تصل ل 90,000 جنيه فى خلال عام غير خسارة وقتى وانهيار اعصابى ويشاء القدر ان يشتريها صاحب معرض سيارات واثناء تجربته للعربيه لزبون يبوظ الفتيس للمرة الثانية ويذهب لنفس الميكانيكى لتغيير عقل الفتيس حيث وجدت الميانيكى يتصل بى ويقوللى عربيتك عندى فتيسها بايظ تانى ولاحول ولاقوة الا بالله اللهم اجرنى فى مصيبتى واخلفنى خيرا منها التعديل الأخير تم بواسطة tareksh ; 09-10-2011 الساعة 03:39 PM |
#2
|
|||
|
|||
رد: معاناتى مع الفتيس الdsg ولحظات احتراقه
الحمد لله على كل شىء (معقول عربيه زي ديه والفتيس يبوظ مرتين خلال سنه) ربنا يعوض عليك فيها
|
#3
|
||||
|
||||
رد: معاناتى مع الفتيس الdsg ولحظات احتراقه
الحمد لله على كل حال
تقريبا مريت بنفس تجربتك مع عربية جولف 2008 وباظت عند 40000كم وكانت خليجى وصلحتها مرة وباظت ورجعت تانى للميكانيكى وصلحها وباظت ورجعتلوا تانى ودبيت خناقة معاه وقالى اصلحهالك تانى قولتلو مش هتمد ايدك فيها تانى والحمد لله خدت فلوسى وروحت لواحد تانى نصاب نصاب نصاب وقله ضمير وقله زوق بس الحمد لله صلحها وبعتها على طول بجد شركه فولكس للاسف شركه غير محترمة تماما بغض النظر ان لو العربية ميهاش عيب الفتيس هتكون عربية حلوه جدا
__________________
كن لله كما يريد ........... يكن لك فوق ما تريد قد تفقد كل شئ ........... ويبقى الله معك فكن مع الله ................ يكن كل شئ معك أذا جعلت رضا الله همك ... تكفل الله با أهمك ومن فقد الله فماذا وجد؟ ومن وجد الله فماذا فقد ؟ |
#4
|
|||
|
|||
رد: معاناتى مع الفتيس الdsg ولحظات احتراقه
الى الاصدقاء اصحاب السيارات الجيتا والباسات المزودة بالفيتيس ال dsg اليكم صور اعطال الكنترولات والفالفات التى بتعطل مفاجاءة حتى ولو بعد 26 كيلو متر فقط والان الحمداللة بعد توصلنا لاصلاح الفيتيس ال 6 غيار الان نجحنا فى تلافى عيوب الفيتيس ال7 غيار وهذا بشهادة الجميع ادخل على الرابط وشاهد الفيديو مع تحيات مركز الخواجة اى استفسار عماد الخواجة 0123625519 ونشات الخواجة 0124637951
|
#5
|
|||
|
|||
رد: معاناتى مع الفتيس الdsg ولحظات احتراقه
الله يعوض على الجميع
|
|
|