مبادره من توكيل غبور ( هل كنت تنوي شراء سياره هيونداي ثم غيرت رايك ؟ )

[Mr.Mamo]

تم شكر جميع الاعضاء
وفي انتظار باقي الردود و المشاركات
وسوف نوافيكم اولا باول


وبالنسبه لرقم تليفوني
ممكن اكون مبردش اثناء ( الصلاه - او اجتماع - أو لو معايا تليفون تاني ) فعذرا لان الرقم ده رقمي الشخصي و الحقيقه الواحد بيخدم بقدر الامكان
معلش اسف لو مكنتش برد احيانا
بس بجد غصب عني
معلش حاول تكلمني تاني و انا ان شاء الله ارد

والف الف شكر علي المشاركه الفعاله
وان شاء الله اعد بالمزيد

[أبوسالم]

المشاركة الأصلية كتبت بواسطة Egy News معلش في حاجه عايز اقولها انا عارف ان غلو العربيه مش بايد التوكيل بنسبه 100 % و لكن بايد الحكومه اللي عملت اختراع الجمارك فلازم التوكيل برضه يقف جنب الشعب و يطالب بتخفيض الجمارك او علي الاقل توصيل صوتنا للمسئولين و يا ريت لو معنتوش تقفلوا عربيات في مصانعكوا هنا عشان تقفيلكوا تحت المستوي معلش انا بتكلم بصراحه و غير كده ال Marketing Plans بتاعتكوا مش احترافيه بتاتا و لازم تفكروا في خطط جديده

بصراح انا معك فى نفس الكلم وبلئخص موضع الجمارك

[darkshaft]

سلام عليكم،صراحه انا كان نفسى فالaccent rb بس والدى رفض فكره hyundai تماما و حجزلى cerato manual الجديده عشان hyundai مغليه اوى و عشان car body ضعيف نسبيا و ثبات رايح فداهيه زى معظم عربيات hyundai و عشان hyundai دايما مشاكلها كتير،تقبلوا مرورى

[MmFFoR]

/
1- متي كنت تنوي شراء سيارة من توكيل غبور ؟ شهر 4 / 2010
2- ما نوع السياره ؟ هيونداي فيرنا هاف اوبشن
3- كم كان سعرها وقت ذاك ؟ 62 الف جنيه
4- هل وجدت البديل المناسب ؟ مع ذكر البديل ؟ بروتون ساجا
5- ما هو سبب تغييرك لرايك بكل وضوح وموضوعيه ؟ السعر كان كتير على ان الموديل قديم و التكنولوجيا قديمة - الكماليات كانت قليله جدا على السعر - تقفيل محلي كان متوقع السعر اقل - سمعة غبور في الضمان و انه متعب لو ظهرت عيوب صناعة - عيوب التعويم و فقد التوازن - ضيق الكنبة الخلفية مقارنة بكل مثيلاتها

الرجاء ذكر الاسم الثلاثي و العنوان ان امكن
م / محمود فوزي المعادي الجديدة

شاكرين لكم حسن تعاونكم معنا

و برضه كنت نازي اجيب هيونداي اي 10 في نفس الفترة تقريبا للمدام بس السعر كان حوالي 59 الف جنيه على زيرو كماليات و فئه صغيرة و محرك صغير و برضه سمعة التوكيل في الضمان و الصيانة كانت مؤثرة
لكن مع الاي 10 كنت رايح احجزها فعلا بس قلت اعدي على موزع قطع غيار معتمد اسأل على قطع الغيار - اكتشفت ان نص قطع الغيار المستهلكة كان سعرها اغلى من الالنترا و النص التاني كان غير متوفر اصلا و الاسم موزع معتمد - فشلت الفكرة نهائي و جبتلها سيارة مستعملة بامكانيات حلوة و سعر مناسب

[egvodafone]

شكرا لهتمامك ياستاذ محمود وعموما انا هسالك السؤال اللي كنت هسالهولك في التليفون علشان الفيده تعم علي الجميع وفي ناس كتير مستنيه تعرف الموضوع ده
بالنسبه للالنترا 2012 اسعارها ايه وامكانياتها ايه وهتنزل امتي لاني سمعت ان الحجز هيبتدي الشهر ده فايريت تقولنا علي اي معلومات عنها
وشكرا