حرام دي فلوس ناس ( غبور و تجار السيارات )

[Mr.Mamo]

شكرا يا امير

وتم التاكد من ان السائقين ليسوا سائقي التوكيل

وتم معرفه التاجر الذي للأسف هو من اكبر الموزعين المعتمدين لدينا
وتم التعامل مع الامر
سلام

[Limoway]

نفس الموضوع ده لاحظته

شفت كتير مازدا 3 زيرو من غير نمرطايره من شارع ذاكر حسين وبتاكل المطبات الصناعي زي الحلاوة بعد منتصف الليل

[nasralla7]

المشاركة الأصلية كتبت بواسطة amir hassan اولا زميلنا قال كان راجع الساعه واحده باليل وغبور مش بيبقى فاتح فى الوقت ده ولا موظفينوا موجودين كلهم نايمين عشان بيشتغلوا من الساعه 8 الصبح ثانيا من غير نمر والشركه مخصصة لكل سواق نمرة تجارية يتحرك بيها عشان المرور مايصدرش العربية لان اصحاب الشركه بيخافوا على عربياتهم جدا ثالثا : ان غبور بينقل عربياته على تريلات لكل الفرع واللى مش مصدق يروح اى فرع من فروع غبور بعد لساعه 12 يشوف التريلات فى بعض الرعربيات لبعض الفروع بتتنقل عن طريق السائق بطلب من العميل لاستعجال التسليم بيكون طبعا فى مواعيد العمل الرسمية من 8 صباحا الى 4 مساءا وده بيكون بشروط ولازم النمر التجارية تكون راكبه وعلى فكرة فى غبور العربية اللى بتتخبط بتدخل مركزالخدمه وعلى السيستم تنزل لاتباع زيروووووووووو بس بجد انا صادفت كل الكلام ده عند التجار والله ياجماعه ولو طال لامؤاخذة يلبسك العربية وهى مخبوطه من غير ماتاخد بالك يلبسهالك وخلوا بالكوا اكبر تجار ممكن تتخيلوها على الرغم من ان فى تجار صغير جدا ببتعامل بضمير اكتر من اللى عند التجار الكبار

اخى انا ساكن قريب من المنطقة الصناعية الى فى ابو رواش وبشوف ان السوقين بتوع غبور هما الى بيسوقو بغباء ولو عاوز تتاكد من كلامى استنى امام شركة موبيكا 10 دقائق ونتا تشوف العجب السوقين طلعين من المخزن الى امام جرابيل ولا هاممهم مطبات ولا عربيات وللعلم الطريق ده فيه شويت مطبات تمام وخصوصا الى قدام تيوتا ايجبت

[nasralla7]

المشاركة الأصلية كتبت بواسطة Mr.Mamo شكرا يا امير وتم التاكد من ان السائقين ليسوا سائقي التوكيل وتم معرفه التاجر الذي للأسف هو من اكبر الموزعين المعتمدين لدينا وتم التعامل مع الامر سلام

طيب لو كلامك صح ونا متاكد انو صح بس ياريت تقولى السوقين الى بيجيبو العربيات من المخزن الى جمب شركة النسيج الى امام شركة جرابيل للرخام تبع مين
عشان لو متعرفش روح اتفرج على العاب السرك الى بيعملوها على الطريق وبيكلو المطبات الى امام شركة موبيكا سوريخ وحياتك

[Mr.Mamo]

تم التنبيه علي جميع السائقين من قبل مدرائهم
كما اضيف للساده معلومات توضح لحضراتكم بعض النقاط
1- قد يتحمل السائق فرق بيع السيارة من زيرو لمستعمل ما يتراوح بين 6000 الي 80000 في حاله ارتكابه لما يضر السيارة
2- يفصل السائق تماما وبشكل نهائي اذا تم اثبات انه تعمد الحاق اي ضرر بالمركبه التي يتسلمها وتكون بعهدته حتي ايصالها للمكان المحدد


واخيرا
يوجد مخازن كثيره بالمنطقه الصناعيه و المناطق المذكورة تخص بعض التجار و لا يصح ذكر اسماء حتي لا يظلم احد

فمن الصعب علي اي شخص ان يحدد من السائق و من المستحيل ان يجزم احد ان سائق السيارة من التوكيل او من احد الموزعين .

كما ان هذه النوعيه من السائقين لن يسمح لهم بالعمل في توكيل غبور اطلاقا اذا لوحظ فيهم ما سبق
لان اكثر المديرين و المنسقين يهمهم زياده مبيعات فرعهم عن طريق حسن السمعة وليس كثره البيع

وانا عملت اللي عليا في النقطه دي
وكمان بعتنا تحذيرات للساده سائقي التجار و الموزعين عشان خاطركوا واي خدمه


اختم كلامي بان كل مكان في الحلو وفي الوحش
وفيه المحترم وفي اللي مش محترم
لكن احنا بنعمل اللي علينا
وان شاء الله تكون بدايا للتخلص من هذه الظاهرة السلبيه
وشكر خاص جدا للجرئ صاحب هذا الموضوع
ولكل من رد بمنتهي الصراحه خالص التقدير