فيديوهات مصر موتورز

[ابوشروق]

حسبيا الله ونعم الوكيل

[ahmed_harb777]

تيييييييييييييييييييييييي ييييييييييييييييييييييييي يييييييييييييييييت
ومش هاقول اكتر من كده علشان الانزارات والوقف والكلام ده

[طارق ابوذيد]

اذا سمح لى ابونورا ان اعرض عليه ترك الموضوع للاطلاع ولكن غلق باب المشاركات لان التعليقات ستكون بها اسائه لاشقاء عرب وربما يوجد بيننا اعضاء من الكويت . وحتى لا نرتكب وزر الغيبه والنميمه .

[AbOnOrA]

يا شيخ طارق ده لو مفيش واحد كويتى شاف ولا سمع الست ديه ومردش ومستنكرش وعبر عن قرفة واشمئزازة منها ومن امثالها يبقى عليه العوض فى ديه بلد

هى لو واحدة قالت الكلام ده هنا فى مصر هيحصل ايه ؟ هنسكت ؟

ديه مرشحة سابقة لمجلس النواب الكويتى وسيدة مجتمع مرموقة وبتطلع على الفضائيات مش واحدة ماشية فى الشارع بتتكلم ... الفرق كبير

انا طبعا وكلنا ضد التعميم فى اى حاجة بس يا جماعة الكلام اللى بتقولة الست ده مش مستفز لقوامة الرجال وبس

ده كارثة ...

كارثة وعار على الثقافة العربيه وفضيحة اجتماعية كويتية ولغو فى الدين والدين الاسلامى منها براء

الاسلام نفسة اللى بداء فى مجتمعات فيها العبيد والجوارى حارب العبودية بأسمى المبادىء والاخلاق الى ان انتصر عليها تماماً


الاسلام جعل من عتق الرقبة قيمة انسانية عظيمة وكفارة للذنوب والخطايا

تيجى الهانم تطالب بانشاء تجارة رقيق ابيض فى المنطقة العربيه وكمان رجالة !!!

مش بس كده بتقولك ايه بقى " لن نقضى على العنوسة فى الكويت إلا بتطبيق هذا المقترح ولن نواجه ظاهرة تزايد نسبة الطلاق إلا بتنفيذ هذه الفكرة "

طب ايه علاقة الاقتراح ده بنسبة الطلاق انا عايز افهم ؟؟؟
يعنى هى عايزة توفر جوارى رجال علشان ميبقاش فيه طلاق .. يبقى الواحدة زهقت من الراجل تبيعة وتخلص يعنى ولا ايه ؟؟
ارتفاع نسبة الطلاق والعنوسة مشاكل اجتماعية متضخمة فى المجتمع الخليجى ولازم تبحث وتحل بالتربية والاخلاق مش بالاباحية وتجارة الرقيق والشذوذ

بس يا سيدى الغباء المستحكم

"أن الكويتيات مدللات وشخصياتهن قوية، ويفضلن أن يكون القائدات، لذلك يحدث الصدام مع الأزواج الكويتيين، ومن ثم يقع الطلاق، ولهذا فلا خروج من هذا المأزق الاجتماعى إلا بشراء أزواج حلوين وبمواصفات خاصة".

يعنى مش حلوين بس كمان مواصفات خاصة

وبسؤالها عن المقصود بالمواصفات الخاصة قالت سلوى: "إن يكون مهذبا ولبقا ومتواضعا وجميل الشكل طبعا، ينفذ طلبات زوجته ويطيع أوامرها ويدللها، وبذلك تقضى معه أحلى أيام حياتها بعيدا عن الصدامات والشجار والمنازعات".

بالذمة ديه مواصفات زوج ولا كلب لولو !!
وده يبقى زوج طبيعى ولا عبد مسخر لتدليل الهانم ؟؟؟

عبد صح .. خرجنا من مفهوم الزوج خالص

بص المصيبة الاكبر

وأضافت: "يتم استقدام الأزواج من خلال مكاتب فى الدول الإسلامية وروسيا، ويتم نشر إعلانات عن طلب لكويتيات شرط أن يكون الزوج مسلما، أو أن يعلن إسلامه قبل عقد زواجه

يعنى مش مشكلة لو مش مسلم يعمل حسابة بس يشهر اسلامة بسرعة قبل عقد الجواز

اين الحياء يا امة الاسلام ؟؟

ده الكلمة ديه بس محتاجة شيوخ ترد عليها

ثم تختار الكويتية الراغبة فى الزواج شريك حياتها من خلال البوم صور وتتعرف على مواصفاته ليتم استقدامه إلى الكويت لتعقد قرانها عليه

بالذمة ده كلام ياعالم صور ومواصفات تيجى ازاى مع عقد قران
هى جوارى بس بالتحايل على القوانين واستخفاف بالدين
ويا عالم يمكن يتعمل الشغلانة ديه دلوقتى فعلاً بس عايزة تاخد ترخيص علشان تتوسع

بص يا اخى السفاهه وقولى فين غيرتك على الدين

ويعيش معها فى منزلها بعد أن يدفع لها مهرا رمزيا حتى لو كان خاتما من حديد، أسوة بالسلف الصالح".

مالها هى بالسلف الصالح الله يلعنها وايه التخريف ده فى شرع ربنا
واحد مستقدم من الخارج وطبعاً بأجر لاداء مهمة تناسب مواصفاتة على كلامها ايه دخل ده بالمهر والسلف الله يحرقها

وادى تانى وتالت تاكيد لكلامى

وأضافت: "مادامت الكويتية قادرة على شراء زوج جميل ومهذب وحبوب فلماذا لا تشترى زوجا وتقضى على شبح العنوسة"، مشيرة إلى أنها مستعدة للقيام بهذه المهمة إذا حصلت على الترخيص القانونى، وأنها ستزور البلدان الأوروبية والآسيوية التى تعيش فيها جاليات إسلامية كبيرة لاستقدام أزواج بمواصفات ترضى الكويتيات.

ده الكلام ديه يرد علية اساتذة قانون واساتذة اجتماع وعلماء دين ومنظمات حقوق الانسان حتى يا شيخ
فانت يا شيخ مش عايز ننكر كلام منكر وشاذ زى كده علشان

ستكون بها اسائه لاشقاء عرب

!!!

يا شيخ ده كلام يتسكت عليه ازاى بس يا شيخ ؟

ده انا فى رائى ان السكوت عن الكلام ده خطيئة يحاسب عليها الضمير وسكوت عن منكر يحاسب عليه رب العباد

[طارق ابوذيد]

يا استاذ وائل انا لا اقل اسكت على الموضوع بل قلت اترك الموضوع مكتوب للاطلاع ولاكن اغلق الردود حتى لا يخطئ اى عضو فى الرد مثل ما حدث مثل كلمه كلهم خليط هذا ما اقصده فقط