#16
|
|||
|
|||
رد: ساعدوني قبل ماروح للميكانيكي
بص يا باشا هو وظيفه الشنابر دى ايه اصلا دى بتبق راكبه على البستم نفسه بتعمل عمليه كسح للزيت علشان الزيت ما يدخلش الى غرفه الاحتراق و طبعا لو الشنابر دى بقى حصل فيها حاجه مش هتقوم بوظيفتها بالتالى الزيت هيتسرب الى غرفه الاحتراق و يتحرق جوه الغرفه و يطلعلك من الشكمان على هيئه دخان ابيض ...... هو ده بقى اللى بيأدى الى نقص الزيت ده احتمال من الاحتمالات اللى قولتهالك قبل كده وان شاء الله خير و انا من الناس اللى مش بتفضل زيت الشمبر ده
|
#17
|
||||
|
||||
رد: ساعدوني قبل ماروح للميكانيكي
ولا يهمك يا استاذ صقر
وعلى فكره انا كنت حاسس انك بتحط الكالتكس الكالتكس زيت كويس بس للاسف مش حلو اوى مع ال128 السليمة فما بالك مع اللى ماتورها خفيف وصدقنى لما تجرب الزيت اللى بقولك عليه هتلاقى صوت الماتور قل جدا ونعم عن الاول وعلى فكره اسئل براحتك متنساش من كتم علما الجمة الله بلجام من نار وطول ما الواحد يعرف اشياء المفروض يقولها للجميع وحضرتك اسئل براحتك وزى ما انت عاوز بص حضرتك السخونيه لها عدة اسباب 1:الرداتير قديم ومتهالك او مسدود من استخدام مياه الحنفية 2:المروحه مش بتشتغل كويس او باظت 3:ثرموثتات المروحه بداء يعلق ويبوظ ومبقاش يشغل المروحه فى معادها 4:مسالك مياه التبريد جوه الماتور مسدوده و عاوزه تتسلك كويس 5:طرمبة المياه عندك بايظه وهتلاقيها بتنقط مايه 6:اى وصله من وصلات توصيل المياه عندك قديمة ومتهالكه وبتسرب مايه 7:حضرتك مثالا بتنسى تذود مياه الصبح 8:العربيه محتاجه ظبط تكيهات لو بقالك فترة مظبطهاش لانها مهمه جداااا وحضرتك روح لواحد بتاع ردايتير وخليه يشوفلك الدنيا عامله ايه معاك وان شاء الله تبقى حاجه بسيطه وابقى قولى الراجل عمل ايه معاك وطلع السبب من ايه اخوك فى الله سيد |
#18
|
|||
|
|||
رد: ساعدوني قبل ماروح للميكانيكي
جزاك الله كل خير اخي سيد الله يكرمك جاري العمل بالا حضرتك قولتو بالنسبه للزيت اما السخونه هبدا بتسليك الرداتير وبعدها وصلات المياه وبعدها التكيهات دول الاحتمالات القريبه قووووي زي محضرتك قولت اما التكيهات ممكن تتعرف محمله ولا لا من غير فك الوش مع تحياتي
|
#19
|
||||
|
||||
رد: ساعدوني قبل ماروح للميكانيكي
التكيهات تعرف انها بدأت تتلخبط لو حضرتك فضلت مده كبيرة مش بتظبوطها غير كدا صدقنى مش خسارة
30 جنية كل 6 شهور مره يعنى حضرتك مثالا على دخلة الصيف اللى احنا فيها دلوقت هتروح للراجل بتاع التكيهات تقوله يظبطهالك ظبطة الصيف وظبطة الصيف ديه بيفتح التكيهات علشان العربيه متسخانش بسرعه و متكتمش الحرارة جوه الماتور وعلى دخلة الشتا بيقفل التكيهات علشان العربيه تسخن معاك بسرعه لان كدا كدا انت فى شتا ولو انت ظابط العربيه على ظبطة الصيف هتقعد وقت كبير عقبال ما العربيه تسخن منك فهتاكل بنزين كتير غير كدا وانت ماشى على طريق سريع فى الشتا لما بتكون الحرارة مثالا 7 او 10 بتلاقى حرارة الماتور قلت جداااااااا فبتلاقى العربيه كانك لسه عاوز تسخنها تانى ولو حضرتك فى القاهرة فأفضل واحد يظبطلك تاكيهات واحد فى فم الخليج وانت داخل على مدخل السيده زينب واسمه محمد حماصه والراجل ده مش بيعمل حاجه غير انه بيظبط تاكيهات بس ومشهور جدااااااا وانت نفسك لو سألت حتى عسكرى المرور اللى فى فم الخليج او اى حد قلتله فين الراجل بتاع ظبط التكيهات هيقولك اهه غير كده هتلاقى واقف قدامه صف عربيات وكله فاتح كبوت العربيه علشان يظبط وبصراحه شغله احترافى بمعنى الكلمه وربنا يوفقك باذن الله وتظبط العربيه اخوك فى الله سيد |
#20
|
|||
|
|||
رد: ساعدوني قبل ماروح للميكانيكي
كل الشكر والتقدير لك اخي سيد استفدت كثير من حضرتك وللاسف انا من بني سويف والصنايعيه هنا ملهمش حل مش بيفهمو خالص بس امرنا لله المهم انا سوف اوافيك بكل حاجه هعملها زي محضرتك قولت ويارب نعدي الصيف من غير عمره جاري العمل بكلامك انشاء الله وسوف اخبرك كل التقدير لك اخي سيد G IFT4U
|
|
|