مفيش دبرياج خالص

[ahmedraafat00]

المشاركة الأصلية كتبت بواسطة amr elsisi 1 الحقيقة انا مش قادر احدد من الصور بس اوعي تفك الفتيس ياتستني اخوة يا اما تشوف واحد زو ثقة وعلي فكرة انا مرة كنت بتعامل مع واحد ومكنتش عاوز اخيرة وكل الكلام الحلو دة ولما جربت واحد تاني حسيت بفرق المعاملة ونظافة المكان ماطرطبتش بواحد واتعامل مع واحد تاني

شكرا يا استاذ عمرو على الرد والاهتمام
هوه الولد ده هوه اللى عامل اغلب الشغل اللى فى العربيه و فك الفتيس بنفسه قبل كده وركبه مرتين بس طبعا كان بيبقى تحت اشراف اخوه اللى بيقول سافر ليبيا والله اعلم !
المشكله فى تغير الميكانيكى ان العربيه دى مينفعش حد يشتغل فيها غير متخصص جيب ميكانيكتها وكهربتها معقده اوى وانا شفت الذل معاها عشان كده مش عايز اغامر
غير كده حاطط فى دماغى انى لو روحت لميكانيكى تانى هيفتح فتوحه ومش بعيد يبوظلى حاجه عشان يطلع بمصلحه كبيره مع احترامنا طبعا للميكانيكيه والصنايعيه المحترمين بس دول بقى عمله نادره دلوقتى
انا هستنى معاه لحد ما نخلص الشغلانه دى وبناءا على الشغل اللى هيعمله ومدى نضافة الشغل هقرر اذا كنت هكمل معاه ولا هشوف حد تانى وربنا يستر

[ahmedraafat00]

المشاركة الأصلية كتبت بواسطة Bakry Mohammed يا باشا دا فى الغالب زيت الباكم هرب و العربية عبت هوا مكانه فالازم الميكانيكى يملا العلبة بتاعت الزيت و ياخدلك الهوا اللى فى الدايرة فاماينفعشى تعمله لوحدك,,,,,, انا حصلت عندى من شهرين

شكرا يا استاذ بكرى على الرد والاهتمام واسف جدا على التأخير فى الرد لسه واحد بالى دلوقتى
الميكانيكى جه فعلا بس بناءا على كلامه شكل الموضوع كبير اولا ركب ماستر فوق ولسه متظبتش وشاكك فى الماستر اللى تحت وبيقول فى تسريب زيت مش عارف مصدره وهيحتاج يفك الفتيس

[eng/walaaeldeen]

السلام عليكم
مادام الزيت بيهرب يبقي المشكله في المساتر و مسارات الزيت سواء انابيب او خراطيم
وعلشان تعرف الماستر القديم بايظ ولا سليم كنت لازم تلاحظ لون الزيت لو كان اسود ده دليل على انه كان تالف او في طريقه للتلف
اما لو كان لون الزيت فاتح فيدل علي انه كان سليم اما الآن لا بد من فك الماستر وقياس دورانه من الداخل لو فيه بيضاوي ولا لأ
لو لم يكن فيه بيضاوي ممكن تجيب طقم اصلاح عباره عن مكبس صغير وطقم جلد للمكبس
من رأي خليه يجرب بالمستر العلوي ويجيب ماستر سفلي ويشوف ايه الأخبار لكن لا اعتقد ان العيب في الفتيس
والله اعلى واعلم
والله المستعان

[ahmedraafat00]

المشاركة الأصلية كتبت بواسطة eng/walaaeldeen السلام عليكم مادام الزيت بيهرب يبقي المشكله في المساتر و مسارات الزيت سواء انابيب او خراطيم وعلشان تعرف الماستر القديم بايظ ولا سليم كنت لازم تلاحظ لون الزيت لو كان اسود ده دليل على انه كان تالف او في طريقه للتلف اما لو كان لون الزيت فاتح فيدل علي انه كان سليم اما الآن لا بد من فك الماستر وقياس دورانه من الداخل لو فيه بيضاوي ولا لأ لو لم يكن فيه بيضاوي ممكن تجيب طقم اصلاح عباره عن مكبس صغير وطقم جلد للمكبس من رأي خليه يجرب بالمستر العلوي ويجيب ماستر سفلي ويشوف ايه الأخبار لكن لا اعتقد ان العيب في الفتيس والله اعلى واعلم والله المستعان

شكرا يا استاذ ولاء على الرد والاهتمام والموضوع الحمدلله اتحل
وانا شغلت الماستر الجديد وخلاص بقى لو كان الماستر القديم بايظ زى ما بيقول يبقى خير وبركه
اما لو كان الماستر القديم سليم يبقى ربنا يسامحه بقى وفى جميع الاحوال ادينا معانا ماستر جديد يستحمل ومعانا القديم لو احتجناه

[ahmedraafat00]

متشكر جدا يا جماعه على الردود والاهتمام
المشكله اتحلت يا جماعه بعد تغير ماستر علوى و ديسك والليله دى اتكلفت 750 جنيه
350 ماستر علوى
و250 ديسك
و150 مصنعيه
الاول لما ركبنا الماستر العلوى المشكله كانت لسه موجوده فالولد فك الفتيس خالص لقى الديسك واطى جاب ديسك تانى كويس وركبه وجربنا لقينا الدبرياج بقى حلو ورجع مسك نفسه بس كان فى عضه فى الفتيس ظبط الهوا والزيت والصراحه الفتيس بقى احسن من الاول زى السكينه فى الحلاوه
وطلعنا جربناها لقينا السحب تمام والتفيس تمام مفهوش اى عضه
بس سؤال بقى دلوقتى الديسك اللى ركب المفروض انه استعمال نضيف استيراد قولتله مفيش جديد قالى الجديد بيبقى متجدد وميفرقش عن ده كتير واتكلف 250 الديسك ده هل الكلام ده معقول ولا ضحك عليا ؟ مع العلم ان قطع غيار الجيب والعربيه دى بالذات اصلا غاليه