|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#11
|
|||
|
|||
رد: رينو لوجان ليه بتتباع كسر زيروووووو ؟!!!!!!
انا شارية بتاعتي يوزد وسألت صاحبها ليه عاوز تبيعها قالي جاتلي فلوس و عاوز اجيب الفلونس و فعلا جابها و بيديني العربية كأنه بيديني حد من عياله و عمال يوصيني عليها من كتر مامتعلق بيها
|
#12
|
||||
|
||||
رد: رينو لوجان ليه بتتباع كسر زيروووووو ؟!!!!!!
عادى العربية لسه جديدة
ودى زى الفل مفيهاش عيوب ولا حاجة فى ناس كتير بتعمل بيها حوادث وتصلحها وتبيعها بتمن كويس احسن ماتتركن شوية وتتباع بسعر أرخص والأفضل تاخدها زيرو من المعرض |
#13
|
||||
|
||||
رد: رينو لوجان ليه بتتباع كسر زيروووووو ؟!!!!!!
بايعها على عينه ماشى لأنه خسران فيها وانا متأكد انه باعهالك بسعر غالى علشان يعوض خسارته وماتنكرش انها فيها العبر وعاوزة تغيير لمجموعه الثروتل ده غير المشاكل التانية الله أعلم هاتظهر أمتى يبقى الأفضل طبعا تشتريها من الزيرو |
#14
|
|||
|
|||
رد: رينو لوجان ليه بتتباع كسر زيروووووو ؟!!!!!!
اولا يا اخ هشام انا بهزر مش هابدل مع ابو هيما و لا حاجة لو كنت فاكر انا بتكلم جد او حتى بسوق لعربيتي عشان عاوزة ابيعها .. و الله لسة جوزي امبارح احتمال ييجي مبلغ و يجيب الاوكتافيا ان شاء الله .. قولتله سيبلي انا اللوجان .. انا بعشق عربيتي مش بس اللوجان لا عربيتي انا بالذات.. ده اولا
ثانيا .. عربيتي مافيهاش العبر زي ماحضرتك قولت فيها نقرة صغيرة جدا جدا في السقف و من غير اي خربوش و لا رشة و لا دهنة و لا اي حاجة بتلمع تحفة و من لمعانها غلبت السمكرية من كتر ماهما شكين انا عربية يوزد و نظيفة كده عاوزين يطلعوا فيها القطط الفاطسة و في الاخر التقرير طلع بوية المصنع .. ده طبعا غير الاوبشنز اللي عاملها الراجل اللي شارية منه زينون سينسور جنوط سبور تحفة فرش جلد كراسي وارضية وشنطة ودواسات طبعا و غطاء للطارة جلد محترم و وحدة رفع للاربع شبابيك .. و في الضمان و عليها وثيقة تأمين هدية .. راجل محترم بيعامل عربيته كانها بنته ... وكل ده ب55 الف .. انا شايفة ان انا كسبانة و لو على مشكلة الثروتل اتحلت و غيروه و مادفعتش ولا مليم والعربية ماشية زي الفل ثالثا .. انا مش بشجع على شراء اليوزد .. كل واحد و امكانياته .. انا امكانياتي كانت يا اما اشتري اللوجان يوزد يا اما اشتري الجيلي باندا و الحاجات دي زيرو طبعا لوجي تكسب |
#15
|
||||
|
||||
رد: رينو لوجان ليه بتتباع كسر زيروووووو ؟!!!!!!
العربية فعلا اتباع منها كتير جدا في 2012 وممكن يكون دا السبب اللي بتلاقي منها كتير بيتباع كسر زيرو
دا غسير ان فيه ناس كتير جدا بتبيع المانيول عشان تجيب الاتوماتيك ودا انا قابلتة كتير جدا بس احب اطمنك ان العربية معايا من 2010 والسانديرو من 2011 والاتنين بسم الله ماشاء الله من احلي العربيات اللي جبتها انا ممكن اكلمك كتير عن اللوجان لان دي اللي انا راكبها وهاريها كل حاجة سفر ومشاوير وبهدلة ولله الحمد العربية مبتقولش لا لاي حاجة ولا في اي حتة والله انا مرة مشيت فيها في طريق لو روحت فيه ب 4×4 العربية حتتعب ودي ماشاء الله مقالتش لا والحمد لله انا قلت بعد ما حخرج من الطريق دا حلاقي العربية حتت بس والله ولا الهوا الحمد لله
__________________
فى كل شارع فى بلادى صوت الحريه بينادى Ashraf Kerima
|
|
|