#11
|
|||
|
|||
رد: off Road Cars
السلام عليكم ورحمة الله وبركاتة
التعلب مش التعلبة احنا بننطقها كدا العربية دى موديلاتها من ال1990 ودى على ورق سوست قدام وورا من اهم مميزاتها موتور سعة 4200سى سى دا موتور موحد فى كل الموديلات عفشة بتستحمل اكتر من الموديلات الحديثة لكن من عيوبها انها مش ناعمة يعنى عربية كنزة الى حد ما وطويلة خشنة فى المطبات يعنى معمولة للشغل والسفارى بس بتشيل اعداد كبيرة توصل ل12 فرد الموديلات القديمة عيبها واحد بس طرمبة الجاز بتبوظ ومهما تعمرها برضوة مش بتعيش دا بالنسبة للموديلات اللى قبل ال2000 اللى بعد ال2000 حاجة تانية خالص من اول 2000 لحد 2006 نفس الوش القديم مضلع لكن عفشة انعم على يايات قدام بتخليك ما بتحسش بالمطبات وورق سوست ورا علشان تحمل براحتك من اول 2007 لحد 2014 مفيش تغيير فى المضمون يعنى من اول موديل 1990 لحد موديل 2014 فروقات بسيطة جدا فى الموتور تكاد تكون لا تذكر فرقات بسيطة فى الطبلوم برضوة مش كبيرة لكن بتفرق فى الشكل يعنى من اول 2007 لحد 2014 وشها مساوى شبة اى عربية رفراف وكبوت عادى لكن عموما عربيات جبارة (هذى تيوتة افعالها مثبوتة تعوم على الرمال والحجر والطين) |
#12
|
|||
|
|||
رد: off Road Cars
الشاص (الجنطشة)
اى حد يركب العربية دى مش ممكن ينساها بأى موديل بأى موتور بس عيبها الوحيد انها نقل يعنى مش بتنفع فى اى حاجة غير النقل بتشيل لحد 2طن غالبا بتنزل بموتور بنزين عادة كربراتير لكن ما تنفعش معانا لازم تكون جاز علشان البنزين مش متوفر هى هى نفس العلب بالظبط من حيث المبدأ والتعديلات فى الموديلات سواء فى الشكل او المضمون لكن التعلب بتشيل ناس لكن دى بتحمل حاجات |
#13
|
|||
|
|||
رد: off Road Cars
بالنسبة للتحمل فهو جبل ممكن تركب بيها الريح بس الطرمبة بتاعة الجاز دى مشكلة فى اى عربية جاز
بصراحة محدش بيعمل صيانة دورية عندنا لكن طبيعى عربيات بمواصفات كبيرة لازم تكون حاجتها غالية الى حد ما يعنى ما تنفعش مع اى حد لازم واحد يكون قادرها الاعطال على حسب الاستهلاك اكتر حاجة عندنا بتستهلك الكاوتش ولو حاجة فى العفشة بس الفتيس ما اظنش انة يركب على حاجة تانية لأن التعلب او الشاص فتيسهم اصغر فعلا موتور الكوستر هو هو موتور التعلب واحنا لما بنجيب قطع غيا من بعض المحلات اللى ما بتعرفش فى الموديلات بتاعتنا بنقول لهم موتور كوستر زى الفلاتر والسيور والحاجات دى والله بالنسبة للاستهلاك ممكن تفرق بحاجات كتير يعنى الشيروكى عمرها ما هتحمل 20جركن جاز و5جراكن مية و10 كراتين مية معدنية واكل ومستلزمات مبيت ل5 افراد وتمشى بسرعة 120 بس الاستهلاك مالوش معايير معينة عندنا يعنى لو عديت سرعة 100كم/س اى عربية هتستهلك وقود اكتر كذلك الهوا فى وشك ولا معاك كذلك الحمولة والسواق من اهم العوامل العفشة وقطع الغيار متوفرة بس غالية شوية مشاكل اللاند كروزر انها غالية فى مصر مش اى حد يقدر على مصاريفها بيتعبونا جدا فى الترخيص دا على اساس اننا منطقة حدودية سخن فى الاسئلة براحتك يا فندم انا موجود معاك ان شاء الله |
#14
|
||||
|
||||
رد: off Road Cars
انا ركبت التعلب .. كانت مع زميلنا مينا هنا فى المنتدى بس باعها لظروف سفره ... عربية مش عريضة.. بوزها ملموم .. طويلة شوية .. الكرسى عالى و سهلة القيادة عجبنى فيها جدا فكرة وجود 2 تانك جاز منفصلين ويتم التحكم فيها عن طريق جزرة كهربا من الحاجات الكويسة فيها .. كل اجزاء الموتور ميكانيكية .. اعتقد حاجة واحدة بس كهربائية و من الممكن عمل كوبرى عليها و العربية تشتغل عادى ... مش متذكر الجزء ده اسمه ايه !!! المشكلة كانت فى سعر العربية ... زميلنا مينا باعها ب 125 الف جنيه و كانت عاملة 700 الف كم !!!! موتورها لوحده كان ب 35 الف جنيه بيعجبنى جدا لوكات العجل ( ده فى كل موديلات التويوتا الى شفتها ).... ممكن تتفك و نطلع برة .. و تشتغل فى السرة او البلى براحتك ايه مدى اعتمادية طرمبة الجاز ؟؟ يعنى ممكن تبوظ مرة واحدة و بدون مقدمات ؟ الكوارين بينزل فيها لوك للكارونة و لا لأ ؟! ثباتها فى الملفات و على الرملة عامل ايه ؟؟
__________________
|
#15
|
||||
|
||||
رد: off Road Cars
مفيش كلام ان العربية لما بتكون محملة بتستهلك بنزين اكتر ... و الارقام الى ذكرتها عن الشيروكى و البليزر و العربيات فاضية
لو حضرتك فاكر بعض اسعار قطع الغيار اكون شاكر لحضرتك ... على سبيل المثال .... تيل الفرامل .. فلتر الجاز و فلتر الزيت طقم السيور طرمبة الجاز ( انا عارف انها غالية اوى ) طقم الرشاشات مساعدين موتور ال فى اكس سير الكاتينة بتاعه كاوتش و لا جنزير ؟
__________________
|
|
|