|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#11
|
||||
|
||||
رد: مفيش دبرياج خالص
يا جماعه الوضع كما هو مفيش جديد وانا اتخنقت
الميكانيكى اللى بتعامل معاه كل ما اكلمه يرد عليا اخوه ويقولى انه مسافر والله اعلم بقى هوه مسافر ولا محبوس ولا ايه واخوه بيشتغل معاه وتقريبا هوه اللى منفذ اغلب الشغل اللى فى العربيه بس كل شويه يدينى ميعاد ويخلف بيه وانا الصراحه معنديش استعداد اخلى ميكانيكى تانى يشتغل فيها انا غلبت وتعبت مع الصنايعيه ومصدقت لقيت ده وهوه كان عامل شغل كتير فيها والسنه اللى فاتت مغير طقم دبرياج كامل اسطوانه وديسك وماستر فوق وماستر تحت يعنى عارف شغله ومش هيضحك عليا ويقولى عاوزين نغير كذا وشغل بعض الصنايعيه ده انا لاحظت فى الدواسه اللى بتتحط تحت دواسات البنزين والفرامل والدبرياج فى زي ما يكون زيت مدلوق ناحيه الدبرياج طب هل لو زودت زيت وخلاص ممكن الدنيا تتظبط ؟ هوه الوضع دلوقتى ان الدبرياج خفيف جدا مش ماسك نفسه وطبعا مش بيدى اى استجابه فى الفتيس ! على فكره انا معنديش مشكله اسيب العربيه واقفه شهر حتى عادى انا اصلا مش بخرج بيها كتير وهيا واقفه دلوقتى بقالها 8 ايام انا كل اللى خايف منه ان البطاريه تنام من قله المشى ! مفيش حد عنده حل ؟
__________________
|
#12
|
|||
|
|||
رد: مفيش دبرياج خالص
يا باشا دا فى الغالب زيت الباكم هرب و العربية عبت هوا مكانه فالازم الميكانيكى يملا العلبة بتاعت الزيت و ياخدلك الهوا اللى فى الدايرة فاماينفعشى تعمله لوحدك,,,,,, انا حصلت عندى من شهرين
|
#13
|
||||
|
||||
رد: مفيش دبرياج خالص
السلام عليكم
ده زيت من ماستر الدبرياج لو زودت زيت هتحتاج تأخذ هواء من الدايره لكي يعمل الدبرياج وهترجع تاني تبوظ لأنك لم تحل المشكله اشتري ماستر دبرياج وخلي الميكانيكي يغيره والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#14
|
||||
|
||||
رد: مفيش دبرياج خالص
هوه الولد اخوه الميكانيكى جالى النهارده وكان جايب معاه العده وجايب ماستر دبرياج احتياطى واول ما فتح العربيه قالى ده الماستر اللى فوق ضارب من غير حتى ما يدور وفك الماستر القديم وركب واحد جديد وبعدين المشكله متحلتش برده الدبرياج زى ما هوه قعد يقولى كارك وينزل تحت العربيه مش عارف بيعمل ايه وعاوضع ده كتير وفى الاخر مفيش فايده وقالى باشا انا هحتاج افك الفتيس عشان فى زيت دبرياج بيتسرب مش عارف منين وفعلا هوه كل ما ينزل تحت يطلع ايده مليانه زيت ويزود فى الماستر كل شويه وكان شاكك فى ماسورتين او انبوبتين بيبقول طالعين من الفتيس تقريبا وجاب سيرة الماستر اللى تحت قالى ممكن يكون بايظ بس ده طبعا قبل ما يقولى هحتاج افك الفتيس المهم انا فى اللحظه دى قولت فى عقلى طيب بما اننا ركبنا الماستر الجديد والمشكله زى ما هيا يبقى دى مش مشكله ماستر ! قولتله الكلام ده قالى لا ياباشا الماستر القديم كان ضارب وبايظ وبتاع وانا الصراحه مش فاهم ازاى اعرف انه بايظ الاتنين شبه بعض بالظبط الفرق الوحيد ان القديم لونه اسود والجديد المونيوم قولتله انت متأكد ان القديم بايظ واعرف ازاى انه بايظ جابه وورانه حته مصديه كده وقالى اهوه بايظ انا طبعا قولتله انا هاخد القديم وصورته وهنزل الصوره لحضرتكم ياريت لو حد عنده فكره من خلال الصور الماستر ده سليم ولا بايظ يقولى مع العلم انه قالى الماستر الجديد عامل 350 جنيه دى صور الماستر القديم : http://im40.gulfup.com/ZQjHl.jpg http://im40.gulfup.com/ftF3O.jpg http://im40.gulfup.com/sIu3t.jpg http://im40.gulfup.com/q0Jg9.jpg المفروض انه هيجي بكره ياخد العربيه زق لحد الورشه ويفك الفتيس ياترى كده احنا ماشين على خطى سليم ولا ايه ؟
__________________
التعديل الأخير تم بواسطة ahmedraafat00 ; 26-03-2013 الساعة 01:18 AM |
#15
|
||||
|
||||
رد: مفيش دبرياج خالص
الحقيقة انا مش قادر احدد من الصور
بس اوعي تفك الفتيس ياتستني اخوة يا اما تشوف واحد زو ثقة وعلي فكرة انا مرة كنت بتعامل مع واحد ومكنتش عاوز اخيرة وكل الكلام الحلو دة ولما جربت واحد تاني حسيت بفرق المعاملة ونظافة المكان ماطرطبتش بواحد واتعامل مع واحد تاني
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
|
|