نجاح هيونداى النترا2012..وفى نفس الوقت الواحد يضحك بجد

[ابوشروق]

المشاركة الأصلية كتبت بواسطة dr.wael7yran من متابعة السوق اللي في الكام سنة اللي فاتوا العربية ام ميت الف جنيه هي الاكثر انتشارا بدءا من اللانسر البومة و بعدين جت السيراتو و اتعملت الالنترا للرد على السيراتو كل العربيات دي بقت زي ال 128 كده و ده يا باشا له سبب مهم جدا... ان العربيات اللي ارخص من كده .. تعبانة ملة انت بتشتريها علشان معندكش حل تاني غيرها يعني ناس كان نفسها تجيب سيارات الشعب دي بس موش قادرة عليها,,, فمعظم الناس بتدوس على نفسها و تقسط على مبدأ احنا هنركب عربية كام مرة في حياتنا يعني و النتيجة زي ما العربيات دي ماشية كتير في الشارع زي ما المحروق منها كتير برضه انا كنت من كام يوم في معرض عامله بنك جامد...للعربيات المسحوبة اللي اصحابها موش قادرين على اقساطها... و فوجئت الصراحة بالكمية و الموديلات ... و صعب على الناس دي قوي و حزنهم و كسرة قلبهم واخدت درس مهم اوي ان كل برغوت و على اد دمه و تحياتي لابو نورا اللي كل ما ادخل المنتدى اعجب بدماغه و منطقه اكتر و شكرا ليك على موضوعك الجميل

معجب برائيك جدا
وكل سنه وانت طيب

[aymanshebl]

المشاركة الأصلية كتبت بواسطة citroeen انا بشكر اخواتى الى مشتركين فى الموضوع وبشكرك يا ابو نورا ياكبيير المنتتدى على كلامك الجامد و كلام الاعضاء الجامد ...انا زى مابقولك يا ابو نورا لازم ثورة تانية خالص مخصوصة للعربييات لازم الجمارك تتظبط و لازم التوكيلات بنت الحرمية دى تظبط كفاية ظلم و كفاية قرف بقى وخالى الناس تشترى فى الى هى نفسها في كفاية حرمان للناس وقريب اوى هنعمل ثورة على الموضوع دة بس نسيب البلد تظبط حالها الاول وبعد كدة يبقى نظبط الموضوع دة انا عارف ان العربييات برة باسعار تانية خالص غير مصر بس خلينا فى الالنترا الجديدة انا عايز اقولك لو حسبت بالقسط مثلا ..الناس فكرة ان اى حد بالقسط ..القسط دة ياجدعان لازم يكون مرتبك الشهرى فوق ال6000 جنية عشان تجيب عربيية فوق ال120 الف جنية دة لو هتدفع مقدم 40 او 50 او 60 الف جنية مثلا يعنى دافع دم قلبك غير الاقساط و بقيت عشتك يعنى حوار القسط يعنى الى بيقسط دة لازم يكون مرتاح فى حياتة هل كل الناس الى ركبة الالنترا او بقيت العربييات الجديدة مرتبها فوق 5000 او 6000 جنية يبقى عملنا ثورة لية ؟!!!!!! نيجى بقى للودائع ومعرفش اية كل الناس معاها فلوس فى البنك فوق 200 وال300 الف جنية !!!؟ الناس الغلابة فين طيب !!!!!!!!!!؟؟؟؟ دة السيراتو مالية البلد والالنترا الى اغلى منها جاية فى السكة اهو دة يبقى اسمـــة ايــــة بقى ؟؟!!!! فى حاجة احنا مش عرفنها فى كوسة بقى من المعارض معارف فى فعلا فلوس من تحت للتحت والناس دى بتتدعى الفقر و خلاص و لا اية بظيط يعنى احنا يطلع عنينا فى المنتتدى ونقول العربيية غالية ونشتم فى التوكيلات ويطلع عنينا فى الكلام وبعد نقول نقاطع العربيية عشان سعرها عالى نلاقى بعد شهر العربيية محققة نجاحات فوق التوقعات دة يبقى اسمة اية !!!!!!!!! يمكن احنا عيشين لسة فى زمن التسعينات و التمانيات فى الاسعار القديمة و ال100 الف جنية بقين 50 الف جنية دلوقتى معنى والله احنا لسة شباب هههههههه لسة معجيزناش والله والله الموضوع دة محتاج ثورة على الجمارك وبالذذات العربييات عشان ميبقاش فى فرق مابيين الناس وكلة يعيش وكلة يجيب الى هو عايزة موضوع الغالى تمنة فى الكلام دة فى الماركات الى غير هيونداى المفروض بس سياسة الشراء فى مصر حاجة غريبة غير العالم اصلا

واضح جدا انك متيم و معجب جدا و عاشق ولهان بالعربية ديه و نفسك الاسعار ترخص علشان تشتريها ؟؟؟!!!

[dr.wael7yran]

المشاركة الأصلية كتبت بواسطة ابوشروق معجب برائيك جدا وكل سنه وانت طيب

و انت طيب يا باشا
و شكرا لذوقك

[Torn@doo]

فعلا العربية انتشرت وبطريقة ملحوظة ف الشارع المصرى
بس هل غبور لية نسبة ف النجاح دة ولا هى الماركة وثقة المصريين فيها اللى خلتها تنتشر
؟؟؟؟؟؟؟؟؟؟
تانى حاجة // مش معنى ان العربية انتشرت يبقى نقول فين الغلابة مهو الغلبان اصلا مش هيفكر يجيب عربية
ولو فكر هيروح يجيب 128 تمشية ويصرف عليها نص مكرتبة عند الميكانيكى
نسبة الاغنياء ف مصر مش قليلة فلازم نشوف كدة
واللى يعيش ياما يشوف
تحياااتى ليكوا جميعا

[A7MED NASSER]

و انا عن نفسي مع الرأي السابق . مش معني ان فيه قلائل مقاطعنها . ان مفيش حد هيشتريها
و فعلا احنا اللي نستاهل كل ده علشان احنا مصريين