#11
|
رد: انا اسف بس حسيت اني لازم انقل الموضوع ده
مهندس محمد غازى
ربنا يقومك بالسلامه وفداك العربيه و غيرها و غيرها ! شوف أنا ان شاء الله ح أستلم واحده الآسبوع القادم ! و لا تراجع ولا استسلام ! السياره تقريبا ماشيه فى العالم كله من حوالى سنه ! لو كان العيب ده موجود فيها أظن مش معقول تكون انت الوحيد اللى حصل له كده و كان زمان المصنع بتاع كيا قفل ! لآن الناس فى الخارج ما بتهرجش و مابتسكتش و بتاخد تعويضات بالملايين ! هوه قضاء و قدر و نصيب ! أعتقد ان اللى حصل ان المطب كان جامد جدآ واذا كانت العجله نزلت على الآخر فى المطب يعنى لازم المقصات خبطت فى الآرض والميزان و ممكن يا اتعوجوا يا انكسروا و ممكن خرطوم الفلرامل انقطع وبالتالى السياره ح تحدف جامد و لن تستجيب لا لفرامل و لا لرد الدركسيون خاصة وان سرعة 100 مش سهله برده ! قدر الله و ما شاء فعل ! و ح تخف و ح تركب عربيات تانى ( بس بلاش النيوسيراتو ) علشان أصبح بينك و بينها عداء ! و احقاقا للحق فى منتدى آخر 70% ناس قالوا فيه حدفه شمال و 30% تقريبآ قالوا ما فيش ! طب نصدق مين ؟؟ عايز أحكى قصه سريعه ! فيه واحد صاحبى الله يرحمه كان يقود سياره بيجو 79 من زمان و بجانبه أخوه الوحيد و انقلبت بهم السياره 10 قلبات و اتنطروا برده من الزجاج الآمامى ومات الآخ الذى لا يقود ( فى طريق القاهره الاسماعيليه ) واللى كان سايق بيحكى سبب الحادث انه رأى رجل واقف فى منتصف الطريق و بيضحك له و حاول يفاديه ! ييجى يمين ! يجيله يمين ! ييجى شمال ! يجيله شمال و لما قرب منه و ضرب فرامل ! اختفى الرجل وانقلبت السياره ! هذه قصه حقيقيه على لسانه ! و مات هو يعدها بكام سنه طبيعى على فراشه و عمره 26 سنه ! أظن المغزى واضح !!! Dr. Bolbolan
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#12
|
رد: انا اسف بس حسيت اني لازم انقل الموضوع ده
المهم حمد الله على سلامته وربنا يتم شفاءه على خير ويعوضه باحسن منها
__________________
اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله |
#13
|
||||
|
||||
رد: انا اسف بس حسيت اني لازم انقل الموضوع ده
شكرا شريف على نقل الموضوع
الله يعوض عليه و الحمد لله انه طلع منها ويكفينا و يكفيكوا شر الحوادث |
#14
|
|||
|
|||
رد: انا اسف بس حسيت اني لازم انقل الموضوع ده
الف سلامة عليك وربنا يعوض عليك
__________________
JUST SAY ONCE IN UR LIFE ( TO BE OR NOT TO BE ) THEN TRY TO ACHEIVE UR DREAMS OR UR GAOLS BEST REGARDS ELS3EDY |
#15
|
||||
|
||||
رد: انا اسف بس حسيت اني لازم انقل الموضوع ده
اولا شكرا للجميع علي الردود خصوصا استاذ حازم شاهين علي تحليله العلمي و المنطقي.
ثانيا دعواتكم معايا بشفاء صاحب العربية و تعويضة عن خسارتها. الراجل بصراحة و في مشاركات تانية بياكد انه مش قصده يخوف الناس و يكرهم في العربية لكن كل قصده انه يقدم النصح و بياكد ان الناس لازم تعرف قدرات العربية الحقيقية و تتعامل معاها علي هذا الاساس. كمان هو عايز كل الناس اللي عندها مشاكل في عربياتها انهم ميتهاونوش مع التوكيل بخصوصها و يصعدوا الامور لاعلي مستوي في سبيل حلها. برضة تم لفت النظر ان الايرباج فتحت مع انه مكانش رابط الحزام و ده عيب مش هين و مش معروف هل كل السيراتو كده و لا ده كانت حاله فردية او الموضوع ده تم بسبب قوة الحادثة. المهم و عشان نستفيد من الموضوع عايزين نتاكد من موضوع الحدفة اللي في السيراتو ده و هل هو شكوي عامة من ناس كتير و لا مجرد اشاعة خصوصا انه بيقال ان الخليجي لم يلاحظ فيه هذا العيب و هل ده يعني انه في اختلاف في العفشه بين الخليجي و المصري و هل الجنط ال 17 عامل اساسي في المشكله دي و لا لا لان ده تبقي مشكلة و ساعتها لازم يكون في وقفة ضد التوكيل و كل توكيلات مصر اللي مسترخصين ارواح البشر . يا ريت اللي عنده معلومات عن المواضيع ده مبيخلش علينا عشان الفائده تعم
__________________
Sharief Mansy
Farewell my Cayenne, you were the best car i ever had and driven التعديل الأخير تم بواسطة horas3000 ; 07-12-2009 الساعة 01:17 AM |
|
|