|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#1131
04-06-2012, 11:15 PM
|
|||
|
|||
رد: رابطه ( قول معاك كام و انا اقولك تجيب ايه بفلوسك )
الف شكر على المجهود الهايل يا استاذ يحي و اهنئك على روحك و عطائك النقى الصافى لوجه الله تعالى واللهم اجعل هذا المجهود فى ميزان حسناتك يوم لقائه بإذن الله - اما عن استفسارى هو غريب و متشعب و هيتعبك شوية بس انا عارف انك صبور و روحك سمحة - انا كنت محتار فى شراء عدة انواع من السيارات و علما بأنى مسافر بره مصر و ابحث عن سيارة للشراء فى مصر - فكرت فى وقت ما فى السيارة النيسان الاكس تريل 2012 و شفتها فعلا عند السبع فى مدينة نصر بس ناس كتير خوفونى منها و مش عارف صناعة مصرية و ناس تقول العفشة سيئة و قطع الغيار و التوكيل و الصيانة سيئة و السحب ضعيف - المهم فكرت بعد كده فى الباسات 2008 و الناس برده خوفونى منها و قالوا كلام كتير على الفتيس و الصيانة و قطع الغيار و بعض عيوب المكيف - المهم فكرت فى البيجو بانوراما 5008 لقيتها غالية اوى و محدش جربها لسه و موضوعها مبهم و مش واضح - فكرت فى السيارة اول فئة من بى ام دبليو 2012 و لقيت انها صغيرة و هابطة على الارض و ملقيتش حد يشجعنى - فكرت بعد كده فى مرسيدس 200 عيون نظيفة موديل 2001 او 2002 و الناس قالت لى اشترى زيرو احسن من الفخم القديم و عايز رأيك فى الحكاية دى - و بعدين فكرت في الدايهاتسو جراند تريوس قالوا دى سلحفاة و بطيئة فى السفر و مش دى اللى ترضيك على اساس انى راكب امريكى بره مصر - و بعدين فكرت فى الكيا كارينز هاى لاين 2012 و ده لما لقيت الناس فى مصر كلهم معاهم السيارة دى و مالية القاهرة و لما ركبتها لقيت انها واسعة و عالية و لكن فيه ناس قالوا فيها عيوب فى طلعة السيارة و متديش عزمها اللى بعد المائة و حجمها كبير على الموتور 1600 - من الاخر - انا لغاية دلوقتى مش عارف اخذ قرار - و ياريت يا استاذ يحي تفيدنى فى سيارة تتناسب مع مصر و فى نفس الوقت سيارة شيك تتناسب مع الوضع الاجتماعي و تكون متوفرة فى قطع الغيار - انا طبعا عارف ان مش كل حاجة هلاقيها فى سيارة واحدة ولكن انا كنت عايز الفخامة و البرستيج و الجودة و قلة العيوب بقدر الامكان و توفر قطع الغيار و الصيانة - نسيت اقولك انى فكرت فترة فى الاسكودا اوكتافيا 2012 و برده لسه لم اخذ قرار - المهم انا طولت عليك سامحنى و انا منتظر ردك و الف شكر
|
|
#1132
05-06-2012, 12:30 AM
|
||||
|
||||
رد: رابطه ( قول معاك كام و انا اقولك تجيب ايه بفلوسك )
اولا الف مليون شكر على كلام حضرتك الطيب بص حضرتك دلوقتى انت قولتلى موديلات كتيره اوى و انا فهمت التفاصيل بس عاوز منك بس حاجه قولى اقصى سعر ممك توصل ليه و انا هقولك على احسن الموديلات المتاحه بالسعر ده و فى نفس الوقت مناسبه للطرق المصريه علشان اقد افيدك اكتر و انا مستنى رد سعادتك تحياتى
|
|
#1133
05-06-2012, 02:51 PM
|
|||
|
|||
|
رد: رابطه ( قول معاك كام و انا اقولك تجيب ايه بفلوسك )
السلام عليكم ورحمة الله
حضرتك انا معايا من 40 ال 45 ألف عاوز عربية واسعة وتكييف كويس وباور وتكون قطع غيارها متوفره وتمنها معقول ياريت حضرتك ترشحلي كام عربية وبالترتيب من وجهة نظر سيادتك وانا كنت بفكر في الدايو أو اوبل كورسا 1600 معلش تقلت على حضرتك وشكــــــــــــــــــــــ ـــــــــــــــــــــــــ ـــــــــــــــــــــــــ را جزيلا...............
|
|
#1134
05-06-2012, 03:07 PM
|
||||
|
||||
رد: رابطه ( قول معاك كام و انا اقولك تجيب ايه بفلوسك )
اوك تمام عندك :
اسبيرانزا a516 موديل 2007 - 2008 عندك دايو لانوس 2 موديل 2001 - 2004 عندك رينو كليو 2007 - 2008 عندك فيات سينا موديل 2008 عندك فيات بيترا 2004 اوتوماتيك او مانوال عندك كيا ريو 2003 عندك هيونداى فيرنا 2007 عندك هيونداى اكسنت 2007 الشكل القديم ------------------------------- شوف حضرتك الموديلات دى كويسه و لا لا و اى استفسار انا تحت امر سعادتك  :Bra vo:
|
|
|
|
