ارشيف الاستراحة 2011

اهلا بحضرتك يا بشمهندس والمنتدي نور بحضرتك وربنا يجمعنا في الخير دايما وان شاء الله نتعرف علي حضرتك قريب في المقابلة القادمة

[Limoway]

المشاركة الأصلية كتبت بواسطة خالدخليفة قانون النور الواطى ده موجود فى مصر وده لتحديد زوايا العربية نفسها مش افتكاسة ولاحاجة بس حضرتك تلاقيك مش عارف بس ولذلك تلاقى التريلات ماشية بالليل عليها انوار على كل جوانب العربية .........ده مش تزويق للعربية لكن ده قانون واما حكاية بالنهار دى فلكل بلد ظروفها والاخ / احمد شريف 1990 رد على الحكاية دى فى الرد بتاعه لما قال ان الشمس مش بتطلع عندهم كتير لكن احنا ولله الحمد الشمس كتيرة والحمد لله ومع ذلك رغم القانون والشمس القليلة عنده الا ان الافتكاسة المصرية اللى بتقول عليها ومش عاجباك هما منفذينها بس بطريقة فيها تكنولوجيا يعنى العربيات فيها حساسات للضوء وحسب شدة الضوء العربيات دى حساساتها بتشغل الاضاءة زى م شرحها الاخ احمد شريف 1990 لكننا هنا بنشغلها بطريقة بلدى شوية وعلى فكرة الكلام ده مع المدى الطويل بيريح البطارية ويطول عمرها الافتراضى لكن يبدو اننا اغنى من الاوروبيين فبنشغل النورعمال على بطال وهقول لك على حاجة انت وكتير من الصريين اكيد م يعرفوهاش وهى ان بعض اللوارى بيركب من ورا فى نص العربية تحت الصندوق لمبة قوية جدا طيب ليه اللمبة دى ؟؟؟؟ دى علشان اى حد جاى من وراه يقرفه يضربها فى وشه تقوم تخليه م يشوفش طيب ومن قدام ؟؟؟؟ فى منهم تلاقيه مركب كشافات قوية جدا فوق الكابينة وبعرض الكابينة ومنهم تلاقيه مركب كشافات قوية جدا فوق الفوانيس بسبب الانوار الخنيقة دى

أستاذ خالد

حضرتك شغال هجوم علي الكل.

أنا مش بهزر ولا حاجه زي ماقولت في ردك عليا.

رأيت بعيني سيارة أمريكية من نوع حديث (شيفرولية تريل بليزر لو تعرفها) والنور الواطي بتاعها منور إجباري.
السيارة كانت مستوردة وروحت بنفسي مع صاحبها توكيل شيفرولية السعودية علي إعتبار أنها بها خلل وتحتاج لإصلاح وإكتشفنا قصة المواصفات الأمريكية مع الأخذ في الإعتبار أن أمريكا بها مناطق مشمسة وحارة أكثر من مصر.

وأعيد وأكرر
إضائة النور الأمامي الواطي تقلل من نسبة حدوث الحوادث والكلام الي حضرتك إتفضلت وقلته إنها تقصر من عمر البطارية ليس له أي أساس من الصحة أو العلم أو النظريات الكهربائية وهو مجرد إعتقادات متوارثة لدي سائقي التاكسي والناس الي بتصدقهم.

أعود وأكرر المشكلة الموجودة بمصر هي عدم ضبط زاوية ميل الإضائة بشكل صحيح بعد أعمال السمكرة بالسيارات.
أنا طول عمري بمشي في شوارع ضلمة ومنورة بالنور الواطي وعمر ما حد إتضايق وإداني العالي أو ضرب كلكس.
لإن عربيتي لسه بضبط المصنع والحمد لله مع الأخذ في الإعتبار أن سيارتي من أقوي السيارات في قدرتها علي الإضائة ومركب عليها لمبات ذات قدرة عالية.

[خالداعزالناس]

الاضاءه والزينون ..... حاجه عاديه
لكن المشكله فى مصر ....... السلوك المشين من بعض السائقين
قله الوعى ...... سلوك سئ .... مفاهيم وافكار خاطئه عند معظم السائقين عامه ..

[Limoway]

المشاركة الأصلية كتبت بواسطة m_elmasoudy ماهو عشان كده الراجل عمل الموضوع ده والكلام كله بخصوص النور العالى ،، مش الواطى

مشكور علي الإيضاح يا باشا

أنا واخد بالي إن الراجل عامل الموضوع علشان النور العالي.

بس الملاحظ في مصر إن النور العلي بيكون بنسبة 80% هو الواطي ومتوجه لفوق بالغلط.

بتلاقي لمبة باصة في الأرض والتانية باصة في مرايتك.

مش كده ولا إيه؟؟

[ايمن عبدالحميد]

المواطن المصرى لة حقوق دستورية وقانونية لكن مشكلتة انة لا يعرف كيف يطالب بها قانوناً، واكبر دليل على ذلك التخابات ، احنا كلنا بنقولوا مفيش داعى نروح الانتخابات وبنكبر دماغنا ، وبتكون التيجة اعطاء الفرصة لضعاف النفوس فى التلاعب فى النتائج ووصول اشخاص لا يصلحون لتمثيل دوائرهم ويترتب على ذلك صدور قوانين تتعارض كثيرا مع مصالح الجماهير نتيجة عدم وجود من لدية خبرة كافية لمناقشة القوانين ، اذاً يا صديقى نحن الذين فرطنا فى حقوقنا وذلك بعدم استعمالها ،
وبالنسبة لكلامك عن وزارة الداخلية اسمح لى اقولك انك غلطان لأنة لولا الداخلية ورجالها ( مهما كان هناك من يسيىءالى الداخلية بتصرفاتة الغير لائقة) لولاها ما استطعت حضرتك تنام فى بيتك مطمئن ولا تمشى فى الشارع مطمئن ولا تترك اسرتك فى البيت وانت مطمئن ، فيجب دائما ان نعترف بالإيجابيات ولا مانع من انتقاد السلبيات.