رابطة ملاك ومحبى السفينه فيات 132

[shoman011]

المشاركة الأصلية كتبت بواسطة Hisham.Elgazzar الرد ده إستفزنى الصراحة علشاان كده كتبت باقى اللسته علشان ما أحرموش من حاجة تروح وتيجى بالسلامة يا ايمن انت وشومان معلش إعذرونى دى كانت فضفضة بس انا كنت كاتب شوية معلومات فى الجون لكن مع الأسف حد من المشرفين او حد تانى الله اعلم من الإدارة ولا واحد منفسن حزف المشاركة دى

رغم انك خلتنى قلقت من العربية بس الف شكر لكلامك وكفاية انك رديت على

المشاركة الأصلية كتبت بواسطة cars admire وعلى فكرة كمان انا عندى الشكمان مخروم من تحت فهل ده يأثر فى حاجة اى نعم يأثر هيسخن العربية ويخليها تستهلك بنزين زيادة !!ويضعف سحبها كمان!!

بس انا عندى العربية مبتسخنش زى ما قولتلك مبتوصلش لــ 90 اثناء النهار يعنى فى عز الحرارة زغم ان الشكمان فيه اكتر من خرم ومخلى صوت العربية عامل زى الجرار الزراعى ورغم كده والله بمشى بيها 140 مرتاح وبحس انا عايزة تسحب تانى

[I.fouad]

مقصدش اكيد استفزك يا هشام بس ده من تجربة ليا انا محبش حد يقع فيها
انا مركب موبينا الاكترونية لما بتقطع العربية متنفعش تاني لازم تغيرها فعملتها معايا مرة وكان يوم خنيق جدا لحد مجبت وحدة وغيرتها علي الطريق لان فكها وتركيبها سهل جدا
فما بالك لو انا علي طريق الصعيد ومعايا ناس وعملتها معايا
عموما انا زي مقلتلك يا هشام مقصدش استفزك والخوف كله علي الراجل المسافر

[I.fouad]

وخصوصا ان 132 مش حلوا في السفر

[shoman011]

المشاركة الأصلية كتبت بواسطة aimooo مع احترامي وتقديري لاستاذ هشام مش لازم الحاجات دي كلها انت كده قلقت الراجل يا اتش بص انا ان شاء الله مسافر الغردقه كمان كام يوم يعني 550 كيلو او ازيد ومش هاخد غير معايا غير جركن بنزين 15 لتر وجركن مياه والبوجيهات القديمه ومفتاح بوجيهات والكوندنسر القديم والابلاتين القديم واي حاجه انت بتغيرها عند الميكانيكي مترمهاش وخليها في العربيه استبن علشان لو حصل حاجه لقدر الله تغيرها بيها عقبال متوصل ان شاء الله واحتياطي خد معاك نمره لونش انقاذ من القاهره وونش انقاذ من سوهاج علشان لو عطلت منك قرب سوهاج لقدر الله تقدر تتصل بيه انا بعمل كده ومتقلقش ولو حصل حاجه كلمنا نفيدك ونقولك تتصرف ازاي

بجد الف شكر يا ايمن باشا انت كده والله طمنتنى على فكرة السفر دى بعد ما كنت قلقت فعلا بسبب كلام أستاذ هشام وكنت هسافر قطر بس بعد كلامك انا احتمال اسافر بيها بعد 3 ايام وهاخد معايا جركن بنزين 20 لتر وخجيب طقم بوجيهات جديد وبالنسبة للعدة انا دايما معايا شنطة عدة كاملة فى العربية
وفعلا الف شكر علشان انت فكرتنى بنمر سيارات الانقاذ دى
وادعولى اروح واجى بالسلامة
بس معلش بالنسبة لموضوع الشكمان انا روحت علشان اللحمه بس بتاع الشكمانات قالى انه لازم يتغير علشان ده مش مخروم ده متاكل من تحت وقالى انه هيكلف 275 جنية فقولت انه مش وقته وهو قالى انت ممكن تمشى بيها عدى مفيش حاجة هتحصل غير صوت العربية العالى وده انا اطبعت عليه يعنى عادى
فهل الكلام ده صح علشان هشام بيقول انه بيسخن العربية وبيسحب بنزين اكتر ياريت تفهمونى .

[محمدصلاح القاضى]

المشاركة الأصلية كتبت بواسطة shoman011 بجد الف شكر يا ايمن باشا انت كده والله طمنتنى على فكرة السفر دى بعد ما كنت قلقت فعلا بسبب كلام أستاذ هشام وكنت هسافر قطر بس بعد كلامك انا احتمال اسافر بيها بعد 3 ايام وهاخد معايا جركن بنزين 20 لتر وخجيب طقم بوجيهات جديد وبالنسبة للعدة انا دايما معايا شنطة عدة كاملة فى العربية وفعلا الف شكر علشان انت فكرتنى بنمر سيارات الانقاذ دى وادعولى اروح واجى بالسلامة بس معلش بالنسبة لموضوع الشكمان انا روحت علشان اللحمه بس بتاع الشكمانات قالى انه لازم يتغير علشان ده مش مخروم ده متاكل من تحت وقالى انه هيكلف 275 جنية فقولت انه مش وقته وهو قالى انت ممكن تمشى بيها عدى مفيش حاجة هتحصل غير صوت العربية العالى وده انا اطبعت عليه يعنى عادى فهل الكلام ده صح علشان هشام بيقول انه بيسخن العربية وبيسحب بنزين اكتر ياريت تفهمونى .

كله بتكلم عن الميكانيكا بس

ومحدش قال انه لازم يظبط هوا الكاوتش على 30 /32 كله كداا عشان الحر والمطبات

ومحدش قال انه لازم يبص على العفشه ويراجع على فرامله ومياة الريداتير بتاعته ويفول العربيه ويقيس الزيت قبل ما يدور الصبح ويخلى عينه على امبير الحراره وهو ماشى وبعدين يريح العربيه ويديها راحتها فى المشى يعنى 80/100 بالكتير عشان الحر والكاوتش والزيت والمياه ويتأكد من حريق عربيته قبل ما يمشى ويفك البوجيهات يبص على شكلها وينصفرها ويركبها تانى

ومفيش مانع انه يظبط كهربا تانى عشان العربيه متسخنش فى السريع

ويكشف على انوار العربيه عالى وواطى واشارات وكلاكسات واستوب لازم كل الحاجات دى واظن انها مش مكلفه ابدااا

وكلها راحه ليه بدل ما يعطل على الطريق ويقف يصلح فيها لا يريح دماغه ويتوكل على الله ويصلى ركعتين لله قبل ما يمشى مع دعاء السفر وان شاء الله يوصل بالسلامه
هو وايمن
وشومان يجيب من هناك سودانى عشان سودانى الصعيد جامد جداااا
وايمن يبقى يجيب مرجان وهو جاى من البحر

توصلوا بالسلامه ان شاء الله واطمنواا الوحش 132 بتاع شقى وشغل