إلى الاخوه الفيرناويه

[donhorus]

المشاركة الأصلية كتبت بواسطة tonsy1979 بالنسبة للانذار فى نوع حلو بشاشة ديجيتال اسمه SPY هتلاقيه يعمل فى حدود 275-300ج بالتركيب جيبه من عند ادريان وممكن برده تركب وحدتين رفع ازاز كهرباء جامدة وليها ميزة حلوة انها بترفع ازاز العربية مع غلق الانذار بتعمل 120ج الوحدتين بتركيبهم من عند ادريان برده بص ليه ادريان الصراحة عنده صنايعية شاطرين وفاهمين مش هيعكوا فى العربية ولو عايز تركب كسوة ركب الكسوة التلبيسة من غير خلع للكراسى عندهم برده بتعمل 250ج بتركيبها بس خد بالك ان تركيب الانذار بيخرج العربية من ضمان الكهرباء والصراحة الضمان مع غبور ملهوش لازمة زى قلته يعنى توكل على الله

ياباشا ربنا يكرمك بجد مش عارف اشكرك ازاى على المعلومات دى بس ليا استفسار معلش هاتعبك معايا لما تركيب الانذار بيخرجنى من الضمان طب ليه مابتنزلش بانذار اصلا وثانيا عنوان ادريان فين وثالثا ايه افضل نوع قفل الدريكسيون واجيبه منين
واخيرا الف الف الف الف شكر ياباشا

[M.TONSY]

المشاركة الأصلية كتبت بواسطة donhorus ياباشا ربنا يكرمك بجد مش عارف اشكرك ازاى على المعلومات دى بس ليا استفسار معلش هاتعبك معايا لما تركيب الانذار بيخرجنى من الضمان طب ليه مابتنزلش بانذار اصلا وثانيا عنوان ادريان فين وثالثا ايه افضل نوع قفل الدريكسيون واجيبه منين واخيرا الف الف الف الف شكر ياباشا

هى كانت لغاية 2011 زى اللى معايا كانت بتنزل بانذار ومش اى انذار ده انذار كورى محترم فيه مانع للسرقة فى حالة فتح العربية من غير مفتاحها والريموت فى المفتاح منه فيه يعنى
بس هتعمل ايه فى غبور ربنا يولع فيه عايز يوفر ويكسب اكتر
وبالنسبة لادريان عنوانه جنب مطبعة البنك المركزى بشارع الهرم فى الجيزة
وبالنسبة لقفل الدركسيون صدقنى ملوش اى 30 لازمة وعربيات كتير اتسرقت بيه لان كل الانواع الموجودة تعبانة واى واحد بيدق دقة صغيرة على الكالون بتاعه هتلاقيه فتح علطول بدون اى معناه
فى حاجة انا عاملها عندى ابقى ادخل الرابط ده وشوف
http://www.masrmotors.com/vb/showthread.php?t=80036

[SHABRO]

فصص بوية العربية حتة حتة , من اول القوايم لحد الكبوت والشنطة والتنك ويفضل تستلم العربية الصبح عشان تدقق فيها براحتك

[donhorus]

المشاركة الأصلية كتبت بواسطة SHABRO فصص بوية العربية حتة حتة , من اول القوايم لحد الكبوت والشنطة والتنك ويفضل تستلم العربية الصبح عشان تدقق فيها براحتك

تسلم ياباشا على ردك وانشاء الله هاعمل كده

[hanyemad488]

المشاركة الأصلية كتبت بواسطة tonsy1979 هى كانت لغاية 2011 زى اللى معايا كانت بتنزل بانذار ومش اى انذار ده انذار كورى محترم فيه مانع للسرقة فى حالة فتح العربية من غير مفتاحها والريموت فى المفتاح منه فيه يعنى بس هتعمل ايه فى غبور ربنا يولع فيه عايز يوفر ويكسب اكتر

انا اعرف ان الكامله بتنول بستنر و ريموت فى كل السنين و ما فيش منها بينزل بأتذار من المصنع

هما بطلو ينزلو السنتر و الريموت كمان فى 2012

و ياريت كمان اعرف هو نوع الكاوتشات ايه اللى بتنزل مع الفيرنا من المصنع