#6
|
||||
|
||||
رد: لحد دلوقتى مش عارف احفظ ابعاد العربيه
شكرا يا جماعه على الردود
وهيا المشكله انى مش بسوق كتير وانا فعلا محتاج اى مكان فاضى اروح اظبط الحته دى ومستنى اقرب فرصه الاقى مكان كويس عشان اظبط الحته دى انا مثلا لما بنزل بالعربيه فى الشوارع الواسعه بكون مرتاح جدا لكن لما اضطر ادخل شارع جانبى او ضيق بجد بكون متضايق جدا |
#7
|
||||
|
||||
رد: لحد دلوقتى مش عارف احفظ ابعاد العربيه
بالنسبه للعربيه انا طبعا مقدرش اتكلم على اسم زى اسم مرسيدس و طبعا العربيه دى اثبتت نفسها ولسه لحد دلوقتى عليها طلب بس المشكله نى طالب و بحس انها مش ماشيه مع سنى ابد على فكره انا مش من الشباب اللى غاوى فرك و تخميس وبتاع لا الحمد لله انا عاقل فى سواقتى جدا لكن العربيه دى لناس فوق الاربعين وانت طالع مش تمشى مع شاب عندى 21 سنه و هيا اساسا كانت بتاعت والدى و انا لما بكون عندى مشوار محتاج فيه عربيه باخدها لانه حاليا مش بيستخدمها كتير كنت عندى طلب من حضرتك كنت عايز اعرف سعرها دلوقتى كام ؟؟؟؟ هيا موديل 79 وفبريكه على فكره وحالتها كويسه جدا ياترى سعرها وصل كام دلوقتى ؟؟؟؟؟ |
#8
|
رد: لحد دلوقتى مش عارف احفظ ابعاد العربيه
الموضوع تعود في الاول و الاخر زي ما الاخوه قالوا
لكن انت عندك ميزه ان اطراف العربيه كلها باينه عندك من مقعد السائق بعكس معظم العربيات الجديده بتركب مش بتشوف اي حاجه من بره نهائي!!! اتمرن كويس و لو داخل شارع حاول توسع لنفسك بقدر الامكان و انت داخل حتلاقي الدنيا مضبوطه و خد بالك من مرايات دايما علشان تعرف بينك و بين العربيه اللي جنبك اد ايه تقريبا
__________________
حـازم خـضـر
|
#9
|
||||
|
||||
رد: لحد دلوقتى مش عارف احفظ ابعاد العربيه
السلام عليكم و رحمة الله و بركاته أنا اللى أعرفه أن العربية دى لو موديل 1979 بتعمل حوالى 40000 جنيه لو كانت نظيفة و أساسياتها سليمة و مش محتاجة مصاريف , بس أنا شايف أنك خسارة تبيعها لأنك مهما جبت بعد كده , مش هتقدر تعوضها و أنا رأيى أنها أحسن من ال 40000 جنيه اللى هتجيبهم لأنك من الصعب تلاقى حاجة زيها أو حتى نصها ب 40000 جنيه ولا حتى ب 80000 جنيه . أنا رأيى أنك تركبها و الحاجة اللى ناقصاها تعملها و خلاص , يعنى لو هى مانوال , ممكن تغيرها المكنة بالفتيس بالتكييف حتة واحدة و تجيب بتاع زلمكة فوق ال 1990 و ساعتها هتلاقى نفسك راكب عربية مفيش أختها و لو مش مصدقنى اسأل أى صنايعى . و بكرة , لما تخلص كليتك و ربنا يكرمك و تتخرج و تشتغل , ممكن تبقى تجيب لنفسك برضه مرسيدس بس حاجة أحدث , لكن بنصيحة كل اللى كانوا راكبين المرسيدس دى , اوعى تنزل من الألمانى و تحط رجلك فى اى حاجة تانية الا ألمانى و يفضل المرسيدس برضه . MERCEDES S600
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#10
|
||||
|
||||
رد: لحد دلوقتى مش عارف احفظ ابعاد العربيه
فعلا و مع كل عربية هتغيرها هتاخد شوية وقت على بال ما تحفظها و تاخد و تدى معها
__________________
م / محمد قاسم معا لمقاطعة المنتجات الروسية والصينية نصرة لاخواننا في سوريا
|
|
|