عملتها النيو أكسنت ... ارجو الافادة ضروري

[حمدى مخترع مانيوال بدون د]

المشاركة الأصلية كتبت بواسطة amr elsisi 1 مش مشكلة دبرياج خالص مش انت بتقول بطلت العربية وحاولت تغير وبرضو مفيش

ماهى كانت الاستوانة قفشة فالدسك اكمنها كانت مفرومة وكان الدرك ما بيفصل بدوسة الدبرياج انت لو حملت العربية على غيار او مور وغيرت من غير دبرياج هتاخد واحد والتانى لاء ومع السخونة بتاعت التفليت مش هتاخد اى غيار بسهولة

[mr_astra]

الاعراض مشكلة اسطوانة دبرياج
السعر المطلوب للتغيير طبعا مبالغ فية

سبب المشكلة من الاساس اعتقد عدم ظبط مشوار بدال الدبرياج واعتقد انة كان محمل على الاسطوانة
وعشان العربية جديدة حضرتك ما حستش بكدة

موضوع انها كانت مبطلة وبرضة مش عاوزة تاخد اى غيار ارجحة انها كانت واخدة غيارين وفكت

راى المتواضع
انك تغير اسطوانة فقط لان باقى المجموعة على الارجح سلام مفهمش حاجة

[spear7]

المشاركة الأصلية كتبت بواسطة حمدى مخترع مانيوال بدون د حمدالاه عالسلامة من الواضح ان طريقت سواقتك هيا السبب والا ما كنش الحج والدك خد منك العربية انت بتمشى وبتامرك فاكتر من غيار وبتناور بتوع المكروباص الى بتبطشهم بيها وكويس انها مشيت معاك 2500 ك تقبل مرورى اما الفلوس تستاهل مش عندك ضمان ما دورتش عليه ليه اوع تزعل منى :014FDA ~117:

و الله انا باتريق لأني باحافظ عليها جدا ... انا عاوز اقولك انا حاططها في جراج ... ولو اتخربشت بس حاجة رفيعة قد كدة بابقى هاتجنن ... ثانيا انا مؤمن ان الغيار ما دام واخد حقه .. و مفيش حرق على الموتور يبقى الميكانيكا في السليم ... و مفيش رعونة في السواقة خالص عندي بالعكس انا الشخص اللي بيكون واخد الحارة الشمال و مش بيسيبها ... بس على الطريق السريع النيو أكسنت عربية أعلى من الياباني ... بتجيب عزم و تسارع رهيب على معدل دورات قليل جدا ... و النقلة عندي على 2500 ~ 3000 دورة يعني لا اجهاد على الموتور و لا ضغط على مجموعة الدبرياج ... و كامل ايماني بمقولة " احترم الآلة تحترمك ... هينها تهين اللي جابوك " ... الوالد اساسا بيقولي احيانا شد شوية كدة مش هنوصل كدة لما بالاقي طريق فاضي و مش باكون عاوز اجري ... السواقة فن و متعة مفيش كلام ... و ابطش بسائقي الميكروباص بأني بافضل خانقهم و ماشي بهدوووووووووووووووء

و انا الله يشرفني مرورك يا كبير و كفاية انك تكرمت بالرد عليا ... و العربية في الضمان و لما سألتهم قالوا لي ان الدبرياج وحدة استهلاكية مش مدرجة في الضمان

[spear7]

المشاركة الأصلية كتبت بواسطة mr_astra الاعراض مشكلة اسطوانة دبرياج السعر المطلوب للتغيير طبعا مبالغ فية سبب المشكلة من الاساس اعتقد عدم ظبط مشوار بدال الدبرياج واعتقد انة كان محمل على الاسطوانة وعشان العربية جديدة حضرتك ما حستش بكدة موضوع انها كانت مبطلة وبرضة مش عاوزة تاخد اى غيار ارجحة انها كانت واخدة غيارين وفكت راى المتواضع انك تغير اسطوانة فقط لان باقى المجموعة على الارجح سلام مفهمش حاجة

و يمين الله انا باقول انها الاسطوانة بس عشان حرقت عليها و عارف دة رغم اني على يقين ان البدال هو اللي كان عاوز يتظبط لأن الماسترات كانوا زي الفل و بينقلوا الحركة عادي من البدال ... بس الحركة عالأول كانت بتبدأ على العالي .. انا لما كنت ارفع رجلي 1سم بس كانت العربية تبدأ الحركة ..

* انا كنت شاكك انها بلية لأنها حصلت معايا قبل كدة في الفيرنا بس كنت جوة القاهرة و قضيت في السريع و محدش خد لا حس و لا خبر وكنت مطلع عين الفيرنا مشحططها ... جري العبيد و نط مطبات و فرامل قافشة و لا عمرها اشتكت و لا قالت اسطوانة ... انما دي كنت باعاملها زي البرنسيسة بس غدرت بيا ... مانطتش بيها غير مطب واحد صغير بدون قصد على الزراعي بالليل ... حتى فانوسها لما اتكسر الباغة بتاعته غيرته و جبت لها الاصلي ب 700 جنيه ... انما التانية هوا فانوس من ابو 30 جنيه و فيوزين 20 امبير لزوم المشاكل او اعدي على مصنع البلاستيك في غمرة اصب باغة و الزق يا عم

* انا حسيت بالعربية طوالي فرق السما و الارض بعد المشكلة فرق انك راكب عربية سلسة جدا و اتحولت فجأة لدكر بط بلدي

* لو واخدة غيارين اعتقد ان المشكلة كان ظهرت في الفتيس

* انا اتفق معاك في رأيك السليم 100 % لأني على يقين ان مجموعة الدبرياج سليمة بس انا اديتهم الجرين لايت انهم يغيروا خلاص ... و مش هاسيب لهم مجموعة الدبرياج نهائي حتى الاسطوانة المحروقة هاخدها حتى لو هالعب بيها طبق طاير في البيت

[spider_amrdiab]

العربية اللى معاك Accent Rb و لا نيو اكسنت
وازااى موديل 2011 و عامله 2500 كيلو بس؟؟؟