أول مشكلة مع الهيونداى لافيتا

[tham1010]

دة أكيد اللى هعمله. أعتقد أن الأمر الأهم فى الموضوع أن يكون طول السير واحد. وعن طريق عد سنون السير نقدر نحدد أه اللى ينفع له. يمكن المهندس دة مش عارف لانه مش أشتغل فى اللافيتا قبل كدة وبنى نظريته على إختلاف سعة المحرك وعدد الصبابات. على العموم أنا هسأل وهقول لكم على اللى حصل أن الحقيقة هذا موضوع هام.

أنا حتى سألت هنا فى المنوفية ومش لقيت سير اصلى كورى زى بتاع التوكيل فى بديل عنه سير ألمانى أسمة كونتيننتل. البائع بيشكر فيه وبيقول ان جودته مش تقل عن الأصل مع أن ثمنه نصف الأصلى..... أكيد هركب سير زى دة ومش هلتزم بحكاية الكورى الأصلى دى أصل أنا من النوع اللى يدوبك يعمل 20 كيلوا كل أسبوع مثلا دة لو خرجت أصلا بالعربية. يعنى أستهلاكى يعتبر محدود جدا ومش بتاع سرعات وجرى يعنى اخرى 60 كيلوا. فأتعتقد أن السير الألمانى هيمشى معايا. أيه رأيكم؟؟

برضوا لو حد عندة نصيحة يتفضل، لانى محتج أى نصيحة

[احمد على 1999]

طبعا الالمانى كويس جدا

[حسام البورسعيدى]

انزل الحرفيين واسأل على سير عربيتك جديد .. باذن الله هتلاقيه ..

غالبا بتاع قطع الغيار هيبقى عارف السيور المتوافقة مع كذا عربية وهيقولك ..

عربيتك مش نادرة يعنى علشان تقلق كده يا باشا ..

ممكن حضرتك بس تصورلنا الموتور بتاعك ممكن يطلع نفس موتور عربية تانية هيونداى ...

وتحت امرك يا غالى ...

[darsh1511]

ياجماعة محدش يقلق من موضوع السير انا لسة جايب لافيتا و المكانيكى الى كان معايا اكدلى ان المتور زى الفيرنا وبعدين انا المتور بتاعى 16 صباب مش 12 ودة صورة المتور بتاعى اصورة مش عايزة تترفع مش عارف لية

[tham1010]

أنا متأكد يا درش أن المهندس دة مش فاهم اوى اللافيتا ومحبش يدخل نفسة فى متاهات.. انا هسعى فى الموضوع دة لحد ما احله لانى متأكد أن اى تاجر فى بورسعيد قبل ما يستورد عربية علشان يبعها هو بيكون متأكد إن لها قطع غيار علشان يكون فى إقبال على العربية لان الناس بتقول لبعضها. فلو واحد قال" اللافيتا مش لها غيار او إنها صعبة يبقى محدش هيشتريها" الامر محتاج دراسة من كل ملاك الهيونداى اللافيتا واللى يوصل لحاجة يبلغ اخواته.,...