#6
|
|
رد: سيارات حديثة..مفاهيم قديمة..قدرات محدودة
ممكن نكون اتطورنا اوي و بقت العربيات اللي بنشوفها دلوقتي سهل صيانتها و توافرت قطع غيارها و عربيات التشعينات بقت قديمه و قطع غيارها بقت قليله ساعتها بس حنقول ان عربيات الافينات افضل
__________________
حـازم خـضـر
|
#7
|
||||
|
||||
رد: سيارات حديثة..مفاهيم قديمة..قدرات محدودة
لا نحتاج لتغيير مفاهيمنا, ببساطة احنا عايزين عربيات توازن بين الاداء و الراحة و الاعتمادية, و ديه موجودة فى عربيات كتير.
الأمريكان كانوا بيتكلموا عن مشاكل مرسيدس فى الفترة ما بين 90-2005 التى تسببت بها التكنولوجيا العالية الموجودة بها, و التى ادت الى هبوط حاد فى اعتمادية مرسيدس, لكن سرعان ما تداركت مرسيدس الأخطاء, و نجحت فى تطوير نظام تكنولوجي اعتمادي. السيارات ذات التكنولوجى العالية مطلوبة جدا, لكن اذا كانت هذه التكنولوجيا سوف تعود بالنفع على أداء السيارة و المحرك و الأمان, اما اذا كانت هذه التكنولوجيا هى عبارة عن كماليات, فلا معنى لها. و التكنولوجيا ليها ثمن, ديه معادلة ابدية ميزات اكتر=اعطال اكتر. لو الميزات ديه تشمل تحسين الأداء يبقى موافق انى اتحمل الأعطال, غير كده لأ. مع ملحوظة مهمة جدا, أن السيارات لم تتطور الا بشكل طفيف منذ الستينات و حتى الان, يعنى سيارة مثل ال128 تعتبر أعلى تكنولوجيا من سيارات كتير موجودة الأن, و فيه سيارات لا تحتوى على اى تكنولوجيا و لكن شكلها يوحى بالحداثة, مثل السيارات الأسيوية.
و هحكيلك حكاية زمان كان هنرى فورد بينتج سيارة اسمها موديل تى, كانت رخيصة جدا, كانت السيارة الشعبية فى امريكا. فضل ينتجها 20 سنة لحد ما قدمت و التكنولوجيا بتاعتها قدمت, و رفض فورد انو يطورها (انو يضيفلها مارش مثل سيارات جنرال موتورز الحديثة) لأنه كان عايزها تفضل سيارة رخيصة. و كانت النتيجة انو الناس ابتعدت عن شرائها رغم انها كانت ارخص بكتير من السيارات الأخرى. الناس فى كل مكان ممكن تدفع زيادة لو ده هينعكس على فائدة مباشرة لهم فى المنتج, و الغالى تمنه فيه. العربية الرخيصة المتواضعة غير مطلوبة.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
#8
|
||||
|
||||
رد: سيارات حديثة..مفاهيم قديمة..قدرات محدودة
و كمان المصرى بيعتبر السيارة مخزن للثروة يعنى نفسة يركب عربية و يستهلكها كذا سنة و لو اتزنق و حب يبيعها عايزها تجيبله اللى دفعه و ياريت لو قدر يكسب كمان ( و ده مش موجود فى أى حته تانية )
و لا لازم نبقى أسرى مراكز الصيانة الخاصة بالتوكيلات و مفيش أمل ؟ أنا مش عايز اروح أصلح العربية يقوم الصنايعى فاصلى تالت أربع حاساسات كمبيوتر و يقولى ملهاش لازمة و بتعمل مشاكل (علشان هو مش عارف يتعامل معاها) مهو لو كانت كده مكانوش حطوها فى العربية مش كده و لا إيه ؟؟ |
#9
|
|||
|
|||
رد: سيارات حديثة..مفاهيم قديمة..قدرات محدودة
أنا أعتقد ان الكلام ده كله كويس
عربيات زمان نزلت عشان تعيش العمر كله و ان عربيات النهارده ليها عمر محدود و دي سياسه اقتصاديه في كل حاجه مش العربيات بس التكنولوجيا اختلفت كتير و تقدمت كتير و لكن الميكانيكيه لسه تقريبا زي ما هما و دي مشكله المفروض العربيه تتغير كل كام سنه بس ده صعب انه يحصل هنا لان اللي بيحكمك في الأول و الاخر هو الماده أكيد يعني الواحد لو يقد يغير العربيه كل سنه هيغيرها مش هيقول لأ عان كده أعتقد الموضوع محتاج دراسه كبيره عشان دوله ناميه زي مصر و الله أعلم |
#10
|
||||
|
||||
رد: سيارات حديثة..مفاهيم قديمة..قدرات محدودة
موضوع أكثر من رائع و أتفق مع معظم الأراء
تعليقى الوحيد على نقطة الفنيين المؤهلين...... فى العقد الأخير أبتدى ينتشر مفهوم تانى لمراكز الصيانة التى أصبح يديرها مهندسين.....و كلامى ليس على مراكز خدمة تابعة للوكيل....و من ضمن ما أذكر من تلك المراكز 1- مركز أمير و جوزيف لخدمة سيارات ستروين و بروتون مؤخراً....و بيديره أنتين مهندسين و أستطاعو من بضعة سنين أن يحصلوا على لقب مركز خدمة معتمد لسيتروين و مؤخراً لبروتون أيضاً 2- مركز خدمة كار بويز و أيضاً يديره أتنين مهندسين على درجة عالية من الوعى و الفهم...........و أنا على علاقة بهم من أكتر من 7 سنين و كثيراً ما أرى عندهم سيارات حديثة مثل ألفا روميو و بيجو و رينو و سيات و العديد من الأنواع. ده بالأضافة الى بعض الفنيين اللى كانو يعملو فى الأصل فى التوكيلات المختلفة و أستقلو بفتح ورش لهم..............معظمهم تجد عنده أجهزة كشف الأعطال للأنواع اللى بيشتغلو فيها. مع أعترافى أن أعدادهم لا تصل الى 1\10 من أعداد الميكانيكية المعتادين على أفضل تقدير. الموضوع بس عاوز اللى يعرف يوصل للى بيدور عليه.
__________________
|
|
|