#81
|
|||
|
|||
رد: ما هي عيوب ومميزات ماتركس 2010
هيه عمله كام المستعمل والجديد
|
#82
|
||||
|
||||
رد: ما هي عيوب ومميزات ماتركس 2010
بالنسبة للجديد دا اخر سعر ليها من موقع كونتكت
هيونداى - ميتركس ميتركس 1.6 F/O M/T 2010 93000 ميتركس 1.6 F/O A/T 2010 99900 و طبعا بالنسبة لموديل 2011 انا شاريها موديل 2010 فى شهر 6 كانت بالسعر القديم مانيوال 88000 جم و الاتوماتيك كانت 94000 جم
__________________
اللهم احفظ مصرنا الحبيبه من الفتن ماظهر منها وما بطن اللهم ولِي علينا خيارنا ولا تولِي علينا شرارنا اللهم احفظ شعبها من كل سوءٍ وشر يا رب العالمين اللهم يسر أمرنا وفرج كربنا وأرزقنا نعمة الامن والامان والاستقرار
اللهم أكتب لمصر وأهلها الخير حيث كان وكيف كان اللهم اجعل مصر سخاء رخاء وسائر بلاد المسلمين اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه |
#83
|
||||
|
||||
هيونداى ماتريكس ..هل فعلا سيارة تستحق الاحترام ؟
السلام عليكم و رحمة الله
انا النهاردة بانقل وجهة نظر مختلفة شوية عن الماتريكس و الكلام اللى بيتقال عنها و خلينا نتخطى المقدمات الطويلة و ندخل فى الموضوع على طول . بداية انا اسمى احمد شريف وواحد من ملاك الماتريكس احب اعرفكم بالعربية الماركة:هيونداى الموديل :ماتريكس سنة الصنع :2006 بلد الصنع : كوريا الجنوبية عدد الكيلومترات المقطوعة :84500 تقريبا نوع ناقل الحركة :مانيوال اللون اسود (اللى فى التوقيع ) ............... الكلام اللى جاى ده منقول عن تجربة شخصية نبدأ التقييم العام للسيارة جيد جدا وده لانى شايف الموتور بتاعها مع الفتيس المانيوال ممتااااااز و اكرر المانيوال عشان ركبت الاتنين المتور طبعا غنى عن التعريف بس لمعلومات عنه دى نبذة مختصرة عنه هو من فئة مواتير DOHC اللى راكب فى الفيرنا و الجيتز و الانترا 2006 و سعتة اللترية 1.6 لتر و بيعطى قوة اقصاها 106 حصان عند 5700 RPM و عزم دوران 135 N/M عند 4200 RPM و بيطلع من 0-100 كم/س -مع المانيوال -10.7ث ( قياس شخصى) وده اقل زمن جبته من غير ما اوصل للريد زون على الار بى ام الشكل الخارجى -معروف -و من وجهة نظرى مقبول الا انه من تصميم الايطالى بينى فيرينا و مع ذلك اجده مقبول و لكنه عملى جدا المقصورة ..الوسع الداخلى مع ارتفاع السقف بيديك احساس ان انت قاعد فى بيتك و من غير مبالغة اوسع عربية مينى فان ركبتها و ما يعيبها ممكن خامات الصنع اقل من المتوسط و مستوى العزل يكاد يكون رديئا و خاصة من ناحية الموتور -تحس ان الموتور قاعد جنبك ع الكرسى -على الرغم ان صوته هادئ جدا ولكن كما اسلفنا (العزل) العزل الحرارى جيد و ده كويس فى مصلحة التكييف المتوسط الكفاءة عالى الملائمة استهلاك الوقود من 7-8 لتر فى ال100 كم وده بطريقة سواقتى الثبات *على الرغم من عفشة العربية الناشفة الغير مريحة الا ان الثبات كويس لحد 140 او اقل بس المهم تبقى حاسس بالعربية وهى ماشية لانها ما بتنقلش الثبات اللى ع الطريق الامان * خليها على الله و مع ان واحد صاحبى مر بتجربة ملائمة تماما لاختبارات الامان (حادثة ) الاصطدام كان على سرعة 60 كم/س -بعد ما هدئ السرعة من 100 -طلع سليم و المقصورة ما فيهاش قايم اتعوج كل الضرر كان في الموتور و كبوت و من غير ايرباج ولكن انا لم اشهد اختبار امان واحد لها مع ان الظروف فى صالحهم الفرامل ميزتها عن الفيرنا لانها قوية و تقدر على الموتور و الوزن بتاع العربية وهى ديسكات قدام و طبلة ورا العيب اللى انا شايفة ان شنطتها صغيرة بس ممكن طى الكنبة الخلفية للحصول على مساحة تخزين كبيييييييييييرة العداد اللى فى النص ده انا مش شايفه عيب فيها و دى وجه نظر و للعلم انا معظم سواقتى ع السريع ولازم اراقب العداد عشان الرادار بس يعنى هو مش بعيد اوى هو بس تلوح رقبتك 5 درجات بس او ممكن بالنظر و كمان كتابته واضحة و نوره قوى و فيه لمض تانية دى لازم اتابعها و بتقدر تلفت نظرى زى البنزين و الباب المفتوح و الشنطة لو مفتوحة و النور العالى و لمبة الاعطال و لو اوتوماتيك بيوضح الغيار اللى انت عليه ارجو ما كنتش طولت ولو حد عايز يسال انا موجود و شكرا |
#84
|
||||
|
||||
رد: هيونداى ماتريكس ..هل فعلا سيارة تستحق الاحترام ؟
تقرير جميل و تسلم ايدك بس انا كنت عايز اعرف مصاريفها عاملة معاك اية الصيانة و اللذي منه و انت قلت انك سوقت الاوتو بتاعها ممكن اعرف اية عيوبه ؟
|
#85
|
||||
|
||||
رد: هيونداى ماتريكس ..هل فعلا سيارة تستحق الاحترام ؟
نيجي للمصاريف جوة التوكيل مش غالية اوى زى الالمانى و رخيصة اوى و انما متوسطة برة التوكيل و طبعا لان موتورها موتور الفيرنا صيانته سهلة جدا و قطع الغيار عند البقال اما عن الفتيس الاوتو مش مقتنع بيه لانه مش بيدى للعربية التسارع اللازم و بالتالى مش هتحس بقوة الموتور و انا شخصيا استحرم ادفع فلوس فى عربية ما تكونش موتورها قوى و مش حاسس بيه اما من ناحيه اعطاله تقريبا مافيش مرة واحد اشتكى من عطل فيه و آلية عمله ممتازة بس محتاج حبة تطوير |
|
|