يوم لا ينسى ابداً لكيا سيراتو مهزلة بكل المقاييس !!!!!

[حازم عامر]

المشاركة الأصلية كتبت بواسطة midoelmodamer ياباشا انا مقارنتش سيراتو بكورولا خالص اكيييد ولا ينفع انى اقارن زى ما قلت دى فئة سعرية غير دى انا كل اللى قلته فى ردودى ترتيب العربيات بالنسبة لرايى الشخصى وحط تحت كلمة رايى الشخصى دى 3 مليون خط انا بالنسبالى انا ركوبة التويوتا احسن بكتير جداً من اى عربية تانية عربية اقتصادية واعتمادية وركوبة ناعمة لشوارع مصر متحسش بالطريق وصوت موتورها ينسى كتير من المشاكل وان هم اول ما اكتشفوا العيب اعترفوا بيه وسحبوا عربيات دى يزود ثقتى فيهم اكتر انما اركب المانى صحيح هركب عربية ممتازة بس هبقى ماشى خايف عليها وكمان محتاج بنزينة وراها وقطع غيار نار انا بالنسبالى انا ابقى راكب عربية ناعمة ومتكلفنيش وكمان منتشرة يعنى متبقاش حاجة غالية وفخمة قدام الناس حد يبص عليها ربنا يكفينا شر العين يا رب يبقى انا اشتريت كل حاجة وده برده فى رايى انا الشخصى انا مقلتش طلع عليه انا قلت فعلاً انه دخل فيه بالاكصدام من تحت والاكصدام اتقطم لو حضرتك قريت الموضوع !! لكن لمجرد خبطة فى الاكصدام كل ده يحصل ده اللى انا بتكلم فيه فى العربيات الالمانى اسمع انه لازم الحادثة توصل لتلت الكبوت يتدمر تقريباً علشان الايرباج يفتح !! وبالرغم انى مسجل من قبل ما سيراتو تنتشر يعنى التوكيل كان عارف انها هتنتشر وبعتنى من بدرى اوى ما شاء الله ناس عندها بعد نظر :D !! ياباشا انا عارف ان اللى حصل مع صاحبى ده موقف غريب ويضايق اى حد وصعب ان حد يتوقع ان العربية تتبهدل كده بس انا بعتذر لاى حد مالك العربية لو اثرت على حبه لعربيته بكلامى بس ده مش غرضى انا غرضى انى احذر الناس وربنا يسترها معانا فى طرقنا يارب

لا طبعا الاير باج بتفتح اول ما الاكصدام يتخبط لان حساس الايرباج ورا الاكصدام والكبوت مالوش دعوة الا في بعض السيارات الغالية بيبقى فيه تلات درجات للايرباج

[aly zafer]

المشاركة الأصلية كتبت بواسطة ابو الشوق كاديلك انا حاسس ان الكلام في الموضوع مش بحيادية ، يعني الناس اللي منحازة للتيوتا وبتقول التويوتا افضل من الالماني هههههههه مع كامل احترامي ليهم بس هو حضراتكم نسيتوا فضيحة شركة تويوتا في موديلات 2008 وانها خسرت 2مليار دولوار في استرداد السيارات اللي كان فيها عيب في الفرامل في اكتر من 13 موديل غير انها خسرت اسمها في السوق عالميا ، شركة تويوتا شركة محترمة بس من اول موديل 2008 كان عندها مشاكل في الصناعة خلونا نتناقش بحيادية وعلي فكرة انا لا بحب الكيا ولا بحب التويوتا القاعدة ان العربيات الاماني افضل عربيات يليها الياباني يليها الكوري ، بس طبعا كل قاعدة ليها استثنائات يعني في موديلات كوري افضل بمراحل من بعض الموديلات الالماني ، و طبعا في عربيات الماني كان فيها عيوب صناعة زي الفتيس الDSG بتاع الجيتا المهم بدون الدخول في تفاصيل ، مينفعش تيجي تقولي مرسيدس او جيتا افضل من كيا سيراتوا لازم تراعي فرق السعر بين العربيتين وده طبعا بينعكس علي الامكانيات والتجهيزات في كل عربية لكن ممكن تقارن هيونداي جينسس ب مرسيدس C ديه تكون مقارنة عادلة نيجي للكيا سيراتوا موضوع الكلام ، السيراتوا كانت نازلة باوبشن وتجهيزات مش موجود غير في العربيات الغالية جدا اللي مش اي حد يقدر يشتريها وده اداها ميزة بالنسبة للعربيات اللي في نفس الفئة السعرية بتاعتها وهي الهيونداي النترا بخصوص التيوتا الكرولا الجديدة شوف سعرها كام اعلي بمراحل من السيراتوا يبقي عايز تقارنها يبقي تقارنها مع هوندا سيفك وطبعا هوندا تكسب وكل واحد يقول علي عربية حلوة او وحشة يا ريت يكون بيقارنها بالعربيات اللي في نفس سعرها مش عربيات باضعاف تمنها والناس اللي بتقول السيراتوا عربية وحشة و و و ... ارجع لسنتين وشوف السيراتو كان سعرها كام وشوف الاختيارات المعروضة في السوق كانت ايه ، وحددلي اختيار افضل منها ، وطبعا كان مفيش منافس قوي ليها حاجة كمان العربية ديه نجحت علي مستوي العالم كله مش في مصر بس تقبلوا مروري وياريت يا جماعة محدش يزعل من كلامي بس انا كان لازم اقول رأيي تحياتي

ازاى الافضل بعد الالمانى يجى اليابانى ثم الكورى !!!!!!!!!!!!!!!!!!!!!!!!! !!! طيب فين الانجليزى مثل بينتلى واستون مارتن ولاند روفر وفين الاميريكى مثل دودج وفورد وشيفورلية وغيرهم حاجة غريبة الصراحة(ولو طبقنا رأيك القائل بمقارنة الفئات ببعض فلى سؤال هل تويوتا اوريون او افالون افضل من الbmw 535i???????!!

[حازم عامر]

المشاركة الأصلية كتبت بواسطة aly zafer ازاى الافضل بعد الالمانى يجى اليابانى ثم الكورى !!!!!!!!!!!!!!!!!!!!!!!!! !!! طيب فين الانجليزى مثل بينتلى واستون مارتن ولاند روفر وفين الاميريكى مثل دودج وفورد وشيفورلية وغيرهم حاجة غريبة الصراحة(ولو طبقنا رأيك القائل بمقارنة الفئات ببعض فلى سؤال هل تويوتا اوريون او افالون افضل من الbmw 535i???????!!

معلش بنتلي ايه واستون مارتن ايه انت بتتكلم في ايه شوف دول تمنهم كام الاول دول تمنهم ينفع يبقى ميزانية مدينة كاملة . احنا بنتكلم على القيمة مقابل السعر ساعتها فعلا الامريكي ييجي في الاول وبعدين الياباني وبعدين الكوري وفي الاخر الالماني ... من الاخر الالماني دي عربية الناس اللي الفلوس عندها ملهقاش قيمة لانه تمن السيارات الالماني مبالغ فيه يعني انا النهاردة راكب الكيا كادينزا 2012 عربية خرافة وارخص من المرسيدس الفئة سي 180 سعة 1600 ييجي بعشرين الف ريال . حقيقي مش مممكن
ثانيا يعني معقول تبقى العربية الجولف بتمن نيسان ماكسيما واسيب الماكسيما واشتري جولف برضه مش ممكن
ولا اشتري عربية باسات تعبانة واسيب الفورد كابريس بنفس السعر . ازااااااااااااااااااي؟؟؟؟ ؟

[Marlborooo]

المشاركة الأصلية كتبت بواسطة aly zafer ازاى الافضل بعد الالمانى يجى اليابانى ثم الكورى !!!!!!!!!!!!!!!!!!!!!!!!! !!! طيب فين الانجليزى مثل بينتلى واستون مارتن ولاند روفر وفين الاميريكى مثل دودج وفورد وشيفورلية وغيرهم حاجة غريبة الصراحة(ولو طبقنا رأيك القائل بمقارنة الفئات ببعض فلى سؤال هل تويوتا اوريون او افالون افضل من الbmw 535i???????!!

حضرتك انا بتكلم في السوق المصري اسأل اي حد في الشارع البي ام افضل ولا الهوندا ولا الهيونداي ، وشوف الرد بتاع الناس

حضرتك انا بتكلم علي السوق المصري ، وطبعا الامريكاني عربيات ممتازة بس مش في مصر بس هتلاقي المثيلات بتاعتها في العربيات الالماني زي الاودي وغيرهم ....

وطبعا في الاول ولا في الاخر الموضوع اذواق
تحياتي ليك

[ahmed el gendy]

يا جدعان انا حاسس ان الموضوع وصل لمقارنه عربيات غريبه عمرنا ما هنركبها ف مصر يا جماعه لازم تفهموا اننا شعب غلبااااااااااااااااان طافح الكوته ونص المصريين تحت خط الفقر والربع راكب عربيات عمرها اكتر من 20 سنه والباقي راكب لانوس وفيرنا وحبه كده راكبين عربيات غاليه وانتم جايين تستهبلوا( اسف ف الكلمه) وتقولوا استون مارتن وبينتلي

يا جماعه احنا شعب لا بنفكر ف اوبشن ولا شكل احنا بنفكر لما بنجيب عربيه ف حاجتين اتنين اولا قطع الغيار ثانيا لما اتنزق ف قرشين الاقي الف من يشتري وبسعر كويس دول اهم حاجتين فعشان كده الناس اللي يعتبروا من الطبقه الوسطي لما يحب يجيب عربيه حلوه بيجيب عربيه زي الكورولا قطع غيارها تعتبر معقوله مش غاليه جدااا وسعر اعاده بيع كويس لكن تيجي تقولي فورد وبي ام وبنتلي واستون مارتن معلش ف الكلمه العربيات دي ما بيجبهاش ف مصر(زيروو) وخد بالك من كلمه زيرو دي غير الناس اللي سارقين البلد وما يهمهوش الفلوس ايه يعني لما يجيب عربيه ب 200 الف يركبها سنتين تلاته ويبيعها بعد كده ب 70 الف ما و بابي ومامي هيجيبوا له غيرها واحسن منها كمان

يا ريت يا جماعه نتكلم بعقل ونسيبنا من الطيش شويه احنا بنتكلم عن السوق المصري وايه اللي يناسب المواطن اللي حاله علي قده او حتي ميسور الحال ومبنتكلمش عن ابن رجل الاعمال فلان الفلاني اللي ابوه عنده 15 مليار ف سويسرا

ولازم نعرف اننا شعب غلبان وزي ما بيقولي اللي ممعهوش ما يلزمهوش كلامكم بصراحه بيحسسني بواحد عاوز يتجوز نانسي عجرم بس هل هو هيقدر يعيش نانسي عجرم زي ما هي المفروض تعيش العربيات اللي بتتكلموا عليها دي عامله زي نانسي عجرم عاوزه تدلع مش عاوزه تطنش علي بال ما المرتب يجي اخر الشهر

يا ريت ما حدش يزعل من كلامي وخصوصا اخواتنا ملاك الفورد والالماني بس انا باتكلم عن الغالبيه من الناس اللي بيجيبوا العربيات دي ويبيعوها بعد سنتين تلاته برخص التراب