استفسار عن سخونة السيارة
انا عندي استفسار صغير بخصوص سيارة فيرنا موديل 2006 - 1500 سي سي العربية معايا من سنة 2010 ومن اول ما اشتريت السيارة عمر ما مؤشر الحرارة ما بيعدي الربع عمره ما عدى علامة النص ابدا المهم كنت في سفر الى مرسى مطروح ولاحظت وانا رايح عندما كنت بزود السرعة عن 120 كم /ساعة الحرارة تزيد ويعدي المؤشر علامة النص وعندما اقلل السرعة لاحظت ان الحرارة تقل المهم متكررش الموضوع ده معايا حتى وصلت لمطروح بس وانا راجع من مطروح للقاهرة كنت قارص في السرعة جامد لاحظت نفس الملحوظة فركنت العربية وقلت اطمأن على الميه لاحظت ان الميه بتغلي في الاربة ومردتيش افتح الردياتير الا لما العربية تبرد تماما وفعلا لقيت العربية كانت ناقصة ميه في الردياتير وكمان طبعا بعد موضوع الغليان للميه في الاربة ده اتبخرت الميه تماما فاشتريت ميه خضراء ومليت الردياتير والاربة وتعمدت الا ازيد السرعة عن 100 او 110 حتى باقي المسافة للقاهرة يعنى استمريت على السرعة ده مسافة 120كم تقريبا ولما رجعت اكشف على الردياتير والاربة الصنايعي قالي ان مواسير الردياتير مسدودة وده يعتبر عيب في الفيرنا بوجه عام وبيسخن العربية على السرعة اذا زادت عن 120 كم / ساعة ونصحني بتغيير الردياتير حتى اتلافى هذا العيب اذا كنت بسافر بالعربية كتير ولاحظت طبعا برضه اثناء غسيله للاربة ان الميه نازلة منها مصدية تماما فهل كلام الصنايعي ده مضبوط ولا ايه وبماذا تنصحوني جزاكم الله خيرا
التعديل الأخير تم بواسطة hamadaginoo ; 07-07-2013 الساعة 11:04 AM
|