#1
|
||||
|
||||
تقرير عن فورد فوكس 2007
الاول احب احيى اعضاء المنتدى الجميل دة واقدملكو تقرير عن الفورد فوكس 2007 خصوصا ان مافيش تقرير عنها فى المنتدى ودى فكرة ابو الشوق وانا ماقدرش اقولو لا طبعا
العربية بدون فتحة سقف فول اوبشن تكييف وباور وسنتر لوك والزجاج كهرباء و abs و 6 ايرباج ودة اللى مخوفنى من ساعتها خايف لتضرب فى وشى مرة واحدة انا بفكر اخرمها ولا حاجة والمرايات كهربا والتارة مالتى فانكشن للتحكم بالراديو والفتيس ستبترونيك وفوانيس شابورة واللون فيرانى العربية سحبها رائع وبسمع ان ثباتها رائع جدا على السرعات العالية الصراحة انا ماجربتش لسة والكاوتش جنوط بس مش عارف مقاس كام الصراحة وسماعات العربية صوتها اكتر من رائع والعربية من جوة واسعة ومريحة وعفشتها ممتازة وفيها خاصية للتحكم فى ضوء فوانيس الشبورة والعربية زى مانتو شايفين كعادة العربيات المصرية علامتها مسروقة للاسف والعربية عيبها الوحيد اللى بيجننى انو كل دقيقة يعمل صفارة جامدة عشان مش حاطط الحزام والصراحة دة بينرفزنى جدا بكون عاوز اكسر العربية على اللى جايبنها بس فية خاصية محترمة جدا واعتقد انها موجودة فى كل العربيات الجديدة ان الكومبيوتر بتاعها بيقولك الاعطال اللى فيها لو فية حاجة فى الموتور بينورلك علامة الموتور ويكتبلك على الشاشة ايرور رقم كذا كدة يعنى ولو الزيت قل ينورلك علامة الزيت ويديك صفارة ينبهك اهو عشان الواحد ياخد بالو من العربية وكعادة العربيات المصرية برضو زى مانتو شايفين العربية فيها بعض الخرابيش اللى هرشها قريب انشاء الله بس انا سمعت انى اروح لمحل كماليات العربيات وبيدينى اسبراى كدة حسب لون العربية وبعملها بقطنة وخلاص الكلام دة مظبوط ولا اى كلام ؟ وانا لسة هغيرها الزيت انشاء الله بسمع ان فية محل اسمو بترومين فى طلخا بعد طريق مدرسة احمد حسن الزيات وان موبيل وان احسن زيت للعربية والصراحة انا ماروحتش التوكيل لغاية دلوقت بس اللى اعرفو ان فية توكيلين واحد فى اسكندرية والتانى فى 6 اكتوبر وان توكيل 6 اكتوبر احسن فى المعاملة بكتير ومن ناحية قطع الغيار واحد معرفة قالى ان فية واحد شغال فى الفورد فى شارع الحسنية وقطع الغيار اللى عندو اقل من بتاع التوكيل وبيقولى ان قطع الغيار الفورد مش بتضرب يعنى اللى بتيجى بتيجى استيراد من بورسعيد اصلية وطبعا التوكيل هو اللى بيغلى منو لله ولو حد عاوز يستفسر عن اى حاجة يقول وانا فى الخدمة واسيبكو بقى مع الصور |
#2
|
|||
|
|||
رد: تقرير عن فورد فوكس 2007
مبروك عليك وربنا يحميها من الحسد انشاء اللة والعربية جميلة وكفاية انك راكب فورد
|
#3
|
رد: تقرير عن فورد فوكس 2007
تقرير رائع والف مبروك وربنا يديك خيرها ويكفيك شرها
__________________
اليجانس لفرش السيارات
Elegance car lounge خامات عالية الجودة وجميع الالوان بارخص سعر فى مصر وبضمان عامين صفحتنا على فيسبوك Facebook page مواعيد العمل من ١٢ظهرا حتى ١٢ص كل ايام الاسبوع ماعدا الاحد للاستعلام 01061203070 |
#4
|
||||
|
||||
رد: تقرير عن فورد فوكس 2007
الكاوتش 205 -55- 16
والف مبروك عليك الفورد رائعة ربنا يكفيك شرها
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#5
|
||||
|
||||
رد: تقرير عن فورد فوكس 2007
متشكر يا استاذ / عصام , ريان , محمدى
على الردود الجميلة وربنا يكفينا شر الطريق بجد عشان الحوادث كترت اوى الايام دى |
أدوات الموضوع | |
|
|