|
موضوعات متميزة لا يسمح للأعضاء بنشر موضوعات بهذا القسم |
|
أدوات الموضوع |
#1
|
|||
|
|||
للبيع عدد 25 عربيه فيراري ... 2 بورش .. 3 لامبو ..
للبيع عدد 25 عربيه فيراري ... 2 بورش .. 3 لامبو ... فابريكه بالكتالوج و الضمان
جميع السيارات زيرو ما لم يذكر غير ذلك استخدام ديبلوماسي راقي طبعا المفروض الموضوع ده كان يتعمل في قسم الاعلانات .. لكن لان في شويه عربيات مميزه ... (على اساس ان ال 25 حته فيراري دول عربيات عاديه منتشره وبنشوفها كل يوم) فكان لازم العربيات دي يتعمل لها اعلان مخصوص خصوصا ان فيه عربيات مجبناش اسمها لان كتير مننا عمره ما سمع عنها اساسا حد عمره سمع عن بي ام دبليو نازكا !!! كونسبت من تصميم جيوجيتو جيارو اتعمل منها 3 بس سنه 1993 بموتور 12 سلندر من بي ام دبليو البينا طب على الاقل عارفين بي ام و يمكن سمعنا عن المصمم جيو جيارو لكن دي تطلع ايه ايوه ... دي باينها ديابلو .. بس متعدله شويه ... لا مش ديابلو سيزتا !!! مين سيزتا دي يا عم ... موديل صيني ده وهبشوا تصميم الديابلو زي ما بيعملو دايما سيزتا دي نسخه من 7 نسخ على مستوى العالم .. وفي ناس بتقول 8 .. الظاهر مبيعرفوش يعدوا على صوابعهم بس الاكيد ان النسخه دي الوحيده باللون الازرق وانتجت سنه 94 ... اللذيذ بقى انها لسه زيرو ... مرفوعه 16 سنه !! سبب التشابه مع الديابلو ان لامبورجيني وقتها كانت مملوكه لكرايسلر ... وجانديني قدم تصميم معجبش الملاك الجدد فعدلوه و بقت ديابلو .. فقرر انه يقدم تصميمه الاصلي تحت اسم .... سي زتا وايه كمان في شويه عربيات عاديه يعني ... يعني حته جاجوار xj 220 ودي نسخه من 281 نسخه .. يعني عربيه مرطرطه ومرميه في كل حته بس هي ميزتها انها فابريكه ... دي حته مرخصتش مع انها من سنه 93 وفي حتتين بورش 911 موديل 93 ودول نسختين من 80 وحده على مستوى العالم لانهم Porsche 911 Turbo S Leichtbau (964 والاتنين برضو زيرو وبضمان الوكيل لان ضمان بورش كيلومترات بس بدون حد اقصى للسنين ... لقطه بصراحه وبعدين عندنا 3 حتت لامبو .. واحده ديابلو و اتنين كاونتاش بس خلو بالكم انها ماشيه 5500 كم ... يعني لازم يتكشف عليها كويس ويستحسن تاخد معاك ميكانيكي معرفه امين او سمكري علشان تتأكد انها مش راشه او ملعوب في العداد عموما في 2 كاونتاش ... واحده سودا وواحده حمرا .. و الاتنين زيرو وبكده مش فاضل الا 25 عربيه فيراري العادي بقى انزو F 40 F 50 تيستا روسا 430 Spyder 599 GTB Fiorano وفي شويه عربيات فيراري مرميه في الجراج علشان مطولش عليكم للجادين فقط .. السعر نهائي لمزيد من المعلومات http://ferraricollectionforsale.com/cars.html#others وتبعا ل اوتو بلوج فشويه التحف دي من مجموعه سلطان بروناي ... اصل مفيش حد في الدنيا عنده المجموعه دي غيره ودول الحبه اللي قرر يعرضهم للبيع ... يعني جزء من مجموعته ... الظاهر كبر وقرر يتخلص من العربيات السبور ويخليه في العربيات الصالون بس .... خصوصا ان عنده عربيات كتيييير اوي لدرجه انه مش لاحق يسوقهم !!!!
__________________
من تواضع لله رفعه The ultimate car would be designed by Italians engineered by Germans built by Japanese &
|
#2
|
||||
|
||||
رد: للبيع عدد 25 عربيه فيراري ... 2 بورش .. 3 لامبو ..
ده ايه العربيات دى كلها يا استاذ سامح هل ده مزاد طب هو ممكن يدين العربيه دى
ول الماتركس احسن هههههههههههههههههههههههه شكرا ليك
__________________
كريم على
|
#3
|
|||
|
|||
رد: للبيع عدد 25 عربيه فيراري ... 2 بورش .. 3 لامبو ..
شكرا على الموضوع الجميل..
بس انا ملاحظ ان الأسعار مبالغ فيها جدا..ده بيبيعها بسعرأعلى من الزيرو على أساس انها استعمال سلطان بروناى! أكتر واحده عجبتني BMW NAZCA بس سعرها يجيب بوجاتي فيرون زيرو!!ده مش أسعار واحد عايز يبيع ياجماعه |
#4
|
|||
|
|||
رد: للبيع عدد 25 عربيه فيراري ... 2 بورش .. 3 لامبو ..
بص يا كريم .. احنا نجيب 2 سبويلر بتاع البورش نحطهم على كبوت الماتريكس وندخلهم بضهرهم ضمن العربيات المعروضه ونسميهم matexa prototype 16v - special order ونقول عليهم اسرع عربيه في العالم (مارشيدير ) ونعرضم بمليون بس .. واكيد الناس حتشتري اي حاجه من ريحه السلطان خصوصا ان مفيش منهم غير 2 بس في العالم ... وناخد الفلوس نجيب براحتنا بقى اللي يعجبنا
__________________
من تواضع لله رفعه The ultimate car would be designed by Italians engineered by Germans built by Japanese &
|
#5
|
|||
|
|||
رد: للبيع عدد 25 عربيه فيراري ... 2 بورش .. 3 لامبو ..
منور يا فارس باشا هو السعر بالدولار النيوزيلندي ... معرفش ليه .. بس هو كده انا دورت عليه لقيته تقريبا يعمل 0.5 يورو او 0.75 دولار امريكي ... قال يعني فرقت كتير ... بس هي عموما العربيات دي زي التحف ... يعني دايما سعرها يزيد ميقلش ... ده غير انها استعمال سلطان ... قصدي مش استعمال .. هو اشتراهم اه .. لكن مساقهمش عموما ساعه الجد الفلوس تتكلم وممكن يرضى ينزل شويه لو شاف الكاشات تقل بس جيبك و انت رايح .. والعربيه زي الفل .. مش خساره فيها باكوين زياده طالما الحاله نضيفه
__________________
من تواضع لله رفعه The ultimate car would be designed by Italians engineered by Germans built by Japanese &
|
أدوات الموضوع | |
|
|