|
مرسيدس Mercedes مرسيدس بنز الجناح الاوربى للعملاق دايملر كرايسلر وتضم شركات مايباخ الفاخرة ومينى المدمجة من اشهر سياراتها B150 E-CLASS CLS CLK S-CLASS CL |
|
أدوات الموضوع |
#1
|
|||
|
|||
استفسار عن E200
بسم الله الرحمن الرحيم والصلاة والسلام على نبينا محمد وأله وصحبة أجمعين . ممكن الأجابة من أهل الخبرة والمشورة فى المرسيدس . عايز أركب مرسيدس مستعمل من بداية موديل 1996 الفئة E200 حتى الموديل 2004 أو 2005 ان كانت متماشية مع ظروفى المالية . ومعاية 250000 جنية ومش عايز أركب مرسيدس غير ال E ومن بداية موديل 1996 . ممكن أعرف اية الموديل المناسب مع المبلغ اللى معاية وفى نفس الوقت عايز أعرف تكاليف قطع الغيار بتاعت الموديل دة هل غالية ومقدرش عليها واللا فى الامكان الصرف عليها علما بأن دخلى الشهرى فى حدود ثلاثة ألاف جنية تقريبا . وعلى ضوء ما سبق ممكن أركب موديل 1996 مثلا ويكون معاية باقى من الفلوس عشان لو احتاجت السيارة شىء فى يوم من الأيام , أقدر عليها بدل ما أحط كل فلوسى فى السيارة وأقعد جنبها أغنى ظلموة ومقدرش أنسى انها مهما كانت هية برضة مستعمل وأكيد هتحتاج مصاريف . فى نفس الوقت أنا بحب المرسيدس ومش عايز أبعد عنها . هل ممكن أهل الخبرة يدلونى أعمل أية فى الموضوع دة ولكم جزيل الشكر
|
#2
|
||||
|
||||
رد: استفسار عن E200
السلام عليكم ورحمة الله
أنا كمان عايز أجيب عربيه E200 وسامع كلام كده بيقولو من 160 الف جنيه لحد 190 الف مش عارف صح ولا لاء !!! + بالنسبه للصيانه وقطع الغيار أنا أعرف أن لغاية مو 2000 تقريباً قطع الغيار متقاربه واللى بيكون أسعاره مرتفعه ده لانه موش بيتغير كل سنتين ولا حتى 5 سنين أنا معايا مرسيدس معدل مو 78 الحمدلله أول عمره ليها كانت فى 2003 وماشاء الله 10/10 |
#3
|
||||
|
||||
رد: استفسار عن E200
السلام عليكم ورحمة الله وبركاته لو انت غاوى المرسيدس فعلا يبقى مدورش على المصاريف بس انصحك اركب عربيه مظبوطه من الاول وهى هتريحك وهتخدمك وغير ذلك هتتعبك لان الالمانى لو مكنش ظابط بيكون مشاكله كتير اما اذا كانت عربيه تمام هتمتعك فى السفر لان الالمانى ملك الطريق وبالذات فى السفر الطويل تقبل تحياتى |
#4
|
|||
|
|||
رد: استفسار عن E200
السلام عليكم بص حبيبي لو انته حابب تجيب سيارة 210 اللي يسمونها عيون فانصحك بالموديل 240 اللي من خلاله هتحس انك راكب سيارة محترمة لكن من وجهة نظري ابعد عن 200 لانها مش مجدية زي 240 يعني هتحس انها ضعيفة نوعا ما خصوصا في الطلعة بتاعتها لكن اذا كانت قدراتك لا تسمح ب240 فعليك ب94 زلموكة 94 فانها افضل انواع الزلموكة اضافة الي انها اقوي من العيون 200 في وجهة نظري والله الموفق
مع خالص تحياتنا: المتحدة لخدمة سيارات ركوب مرسيدس بنز |
الكلمات الدليلية |
e200 |
أدوات الموضوع | |
|
|