رد: الحقونى ياجماعه عربيتى الانترا 2008 بتبطل منى
الى كل الاخوه الاعضاء انا هقولكو على الحاجات اللى عملتها عند المهندس هانى مركز سبيد سيرفيس عشان انا اعرفه اساسا من ايام ما كان شغال فى غبور فرع قليوب و لما فتح المركز بتاعه بينى و بينكو كنت خايف اروحلو اصل انا محسوك حبتين فى عربيتى و مبحبش اى حد يلعب فيها بس الايام اثبتت انه فعلا شاطر اوى على فكره دى مش دعايه و لا حاجه عشان هوا فاتح المركز بتاعه من 2010 و انا لسه يادوب ابتديت اتعامل معاه من كام شهر على العموم عشان مطولش عليكو انا كان عندى مشكلة الطقه فى الدركسيون و التوكيل غيرلى القطمه كلها بسبب الموضوع ده بس طبعا كانت لسه فى الضمان فمدفعتش حاجه هيا تمنها 16000 جنيه ايوه 16000 جنيه مش 1600 جنيه عموما بعد ما التوكيل غيرلى القطمه الطقه مارحتش و كنت مضايق جدا و كل شويه حد يفتيلى فى حاجه شكل فقررت اروح للمهندس هانى الشهر اللى فات فراح قاللى دا كبالن قلتلو اكيد قاللى عيب و لو مطلعتش هيا متدفعش حاجه فسالته بكام قاللى فى التوكيل ب 6000 جنيه جوز الكبالن كامل بس احنا محتاجين الراس بس فقاللى اجبهم من نافع اللى فى شارع دمشق يابانى نوع NKN ب 750 جنيه و فعلا ركبهم و راحت الطقه خالص و فى نفس اليوم قلتلو على موضوع تاخير الدواره ده فجبتلو بوجيهات و حلهولى على طول زى مقلتلكو فى الموضوع انه غير ال O-RING بتاع فلتر البنزين و نضف حساس الايدل و البوابه و فعلا العربيه مبقتش تاخر و كشف على كل اجزاء العربيه و ربطلى العفشه و قاللى هحتاج تيل ورا و قدام بس كمان كام الف كدا عشان التيل لسه فيه شويه ووراهونى و فى يوم تانى غيرلى سير المجموعه و امبارح غيرلى حساس الكرنك زى مقولتلكو نيجى بقه للى دفعته الفتره اللى فاتت
1- كبالن-----750 جنيه
2- بوجيهات---75 جنيه
3- مساحات جديده RUBBER----60 جنيه عشان اللى كانو فى العربيه تعبو خالص
4- منظف رشاشات -----35 جنيه
5- سير المجموعه-------190 جنيه
6- حساس كرنك---------190 جنيه
بالنسبه للمصنعيات فهى رخيصه جدا
عنوان المهندس هانى مركز سبيد سيرفس هو 10 شارع 10 خلف حديقة بدر جسر السويس و تليفونه 01060900088 بس المشكله انه اغلب الوقت موبايله خارج نطاق الخدمه عشان جوه المركز مفيش شبكه و يا ريت اللى عايز يروح يتصل بيه الاول عشان يحددله معاد عشان هوا عنده ضغط كبير و يقوله انه من طرفى ا/ فيكتور اللى معاه الالنترا الدهبى عشان يعمل معاه واجب و بالتوفيق للجميع
|