السلام عليكــم ورحمـة الله وبركاتــة ،،
إكتشاف فى غاية الأهمية لكل مالك للتيجو
المساعد الخلفى الأصلى بتاع العربية
به مشكلتين واضحين
مش إنه ناشف فقط
ولكن قلب المساعد بيخبط فى قاع المساعد
مع تحميل العربية وأخذ أى مطب
__________________
دورت على مساعد يكون نفس الأبعاد
لكن يكون طرى عن بتاع التيجو
و ركبت مساعد إسكودا
العربية بقت إحساس تانى خالص
ناعمة جداّ وممتازة
والتعديل إللى تم :
كان إستبدال الجلب السفلية بالقديمة
لكن إستمرت مشكلة التخبيط مع
الحمولة
لأنه نفس طول مساعد العربية الأساسى
_________________
وعليه كانت الفكرة بتقصير مشوار المساعد
عشان القلب ما يخبطش فى أخر المساعد
وتم عمل ذلك فى مخرطة
_____________________
والحمد لله كانت التجربة ناجحة جداّ
والعربية بقت ماشاء الله
والله أكبر
منتهى النعومة وتاخد المطبات بسلاسة
ومافيش الخبط بتاع المساعد
__________________
ملحوظة
هذة تجربتى الشخصية
حبيت أنقلها لمن يهمه الأمر
أو حس بالمشكلة دى
وغير مسئول عن أى عضو يقوم بعمل هذا التعديل
وأى سؤال تحت أمركم