المشاركة الأصلية كتبت بواسطة Ahmed Anwer
تقييم حلو يا ابيزا باشا
الثبات اتحسن كتير في موديلات 2010 لأنه يقال إنهم حلو مشكلة الباور الكهربا
هيا عموما الالنترا من أجيالها الأولي من اثبت العربيات ( الاسيوية طبعا )
بس الباور الكهربا في الموديلات الأولي منها كان ناعم بطريقة مخيفة
شريكي كان بيعوم علي 40 ،،، اكيد مش عيب في ثبات العربية
بس لأنه عنده أوكتافيا فمش واخد علي النعومة دي ،،، تقدر تقول محتاجة دقة توجيه مش أكتر عشان الباور كان ناعم بزيادة
الخامات الداخلية و دي اتعلمتها منك بلاستيك طري و دي طفرة في السيارات الكورية
فبتدي احساس حلو بالفخامة
يمكن كاسيت غبور و جهاز إنذاره و كمية الكماليات اللي شايلها هيا اللي تسوء الإحساس ده
ربنا يكرم هيونداي متقلشي في الجيل القادم
|
مشكور يا شيخ شيوخ المنتديات
فعلا يا باشا انا كنت سمعت عن المشكلة دي
بس فعلا العربية ثابته و ماسكه نفسها و حتي في السرعات العادية ما بين 40 و 80 كم/ساعة الباور فيها بيبقي اتقل من الباور بتاعها و هي في وضع الثبات او و هي ماشيه سلانسيه و دي ميزة كبيرة و خلتها اثبت و ماسكة نفسها علي الطريق جدا
لولا اضافات غبور السخيفة كانت العربية بقت احلي كتير لكن تعمل ايه بقي ! بس برضه حتي مع الديفوهات الخفيفة دي العربية حلوه برضه و ربنا يبارك لملاكها و يكفيهم شر جريها
و منور الموضوع يا باشا و يا رب دايما كده تقاريري تعجبك
