رد: عايزه اشترى النتر ا 2009
الصني - الالنترا - السيراتو ... كلهم كويسين و التفضيل حيكون راجع للرأي الشخصي
الصني بمواصفاتها وسعرها تتفوق على الالنترا و السيراتو ... لكن للأسف شكلها قديم وصالونها من ورا ضيق شويه للكبار ... وبالرغم اني مبحبش التقفيل المصري لكن الصني تقفيلها كويس بالنسبه للتجميع المحلي ....
السيراتو والالنترا نفس الموتور لكن الالنترا صالون اكبر واحلا واحدث و اشيك....
ومع ذلك افضل السيراتو علشان فيها ABS وتوكيلها الضغط عليه اخف من هيونداي ..
ولو اوتوماتيك تبقى اكيد السيراتو لانها ترونيك
ده رأيي الشخصي
ولو بحط نفسي مكان الناس الوضع حيختلف
لأن العبره بالمعايير الذاتيه لكل واحد .. يعني اللي الشكل و عمر الموديل يفرق معاه حينسى الصني
واللي تهمه اكتر المواصفات او انها ياباني حيفضل الصني
السيراتو و الالنترا قريبين من بعض ... تقريبا وجهين لنفس العمله .... وبالتالي المقارنه بينهم اصعب
احسن حاجه الواحد لما يلاقي عربيتين محيرينه و قريبين من بعض يشوفهم على الطبيعه و اللي يستريح لها يتوكل على الله فيها
بخصوص الصيانه .. اعتقد ان الوكيل ملزم يعمل صيانه لأي عربيه بغض النظر عن كونها متباعه عن طريقه او استيراد ... لكن اللي بيفرق الضمان ... و بعد الضمان بقى كله سواسيه ..
ضمان الوكيل اكيد راحه بال ... لكن الواحد بيدفع تمن راحه باله مواصفات اقل ...
بعد لما الضمان يخلص الواحد يفكر .. لو كنت اشتريت الخليجي مش كان زماني معايا فتحه سقف مثلا و لا ايرباج ... لكنه اشترى راحه باله سنتين تلاته
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 08-03-2009 الساعة 05:45 PM
|