07-05-2014, 03:40 AM
|
|
التخصص العملى: مدير خوادم وخبير تجارة الكترونية
هواياتي: القراءة والرسم والتقنيات الحديثة وكل ما يتعلق بالانترنت
|
|
تاريخ التسجيل: Aug 2011
الموقع: مصر
المشاركات: 123
|
|
رد: معروض عليا ال 127 دي ب 8000
المشاركة الأصلية كتبت بواسطة the masked
تفتكر ممكن الاقي حاجة بالمبلغ اللي معايا لو قلنا ان اخري 15
|
المشدود صح فى هذة العربية يتراوح ما بين 15 الى 20
فى هذة الفئة السعرية بتكون العربية ممتازة جدا
وطالما ان معاك صديق لية خبرة وفاهم فيها مفيش مشكلة ممكن تشد عربية عادى وتبدل انت وهو فى المتابعة
لكن موضوع تواريخ الحاجة وكدة مش بالدرجة اللى انت متخيلها اوى لان فى حاجات بتعمر اكثر من عمرها الافتراضى ببركة من عند ربك وفى حاجات بتبوظ بسرعة جدا
يعنى موضوع التواريخ فى هذة العربية بالذات يمكن يكون فى حاجات اساسية فقط وباقى القطع ليس لة مقياس كبير
على كل القرار قرارك انت وحدك
ولكن انا لسة عند رأيى لو مكانك عمرى ما هشد عربية اشترى مشدود وخلاص
اقولك شئ تانى بخصوص رفضى للشد غير موضوع التعب والصنايعية
لانك ممكن تفتح فى شد عربية متعرفش تقفلها هههههههه
حسابات الصنايعية تجمعها والقطع تعطيك مبلغ معين وتسأل اصحابك اهل الخبرة و و و . . . وتعمل حسابك على اكبر مبلغ اتفق علية الجميع لشد العربية وتتفاجئ بعد كدة انها ممكن تفتح معاك بشكل لا تتخيلة ويتخطى امكانياتك ولا تعرف تقفلها بسهولة
وخدها قاعدة المسمار اللى بيتفك من عربية عمرها 30 سنة مش بيركب تانى مكانة لانة بيتفك اصلا بايظ
انا والله مش عايز احبطك من موضوع الشد
لكن تجربتى كانت قاسية جدا جدا فى هذا الموضوع لانى روحت اشد العربية من سنتين وكنت عامل حسابى على 7 الاف لشدها وكنت متخيل ان السبعة خلاص هيخلوها عروسة عربيات 127
لكنها عدت السبعة وفتحت فتحة سودا
حاجات كتير كانت شغالة ومش عامل حسابى على تغييرها اصلا لانها شغالة ، لكن لما تتفك تحلف ما هى شغالة تانى ولا راكبة !
هتعملها اية مضطر تغيرها وهكذا وهكذا
لما حسيت ان العربية اصبحت كابوس وعايز اقفل بوئها بالعافية
شوف
خلاصة الكلام
لو انت مرتاح جدا انك تشد العربية و واثق فى صديقك
احسب الحسابات واعطية المبلغ وخلية يشد هو بمعرفتة وانت مجرد متابع
بحيث يكون فى الزام بالمبلغ المحدد والمدفوع للشد
علشان ميطلبش منك حاجة فى حاجة ومبلغ فى مبلغ
وربنا يوفقك
|