رد: تكييف الفيرنا بيعمل شبورة ع الزجاج ولالا ؟
ما أعتقدش إن البخار بيتكون من الداخل
البخار المفروض يتكون من الخارج فقط لكذا سبب...
أولا... تكثيف المياه بيحصل لما يكون فيه هوا فيه رطوبة ويلاقي سطح بارد (بفرق درجة حرارة كبير نسبيا)، هي دي الحالة الوحيدة اللي بيحصل فيها تكثيف للرطوبة.
ثانيا... طبيعة التكييف إنه بيسحب الرطوبة الزايدة في الغرفة المكيفة (أو صالون العربية) ، ودي طبيعة أي تكييف في الدنيا على فكرة بسبب اللي قلته فوق.
ثالثا... إزاي يحصل تكييف من جوه إذا كان الهوا جوا العربية أبرد من الزجاج؟؟؟
اللي بيحصل إن الهوا بيسقع الزجاج جدا ... والهوا الخارجي برا العربية بيبقى مرطب وسخن... فطبيعي جدا إنه يكثف رطوبته على الزجاج من الخارج.
رابعا... ضبط وضعية زرار خلط الهوا على إعادة التدوير بتبقى سبب رئيسي في تقليل الرطوبة الداخلية حتى مع وجود نفس للجالسين جوه العربية.. ببساطة الرطوبة الزايدة بتتكثف على ثلاجة الفريون وتخرج من خرطوم الفايظ.... أمال المية اللي بتنزل تحت العربية من التكييف دي سببها إيه؟؟؟؟
...
|