كل سنة و أنتم طيبين .. هــابــى خــروووف
[ تجربتى مع تغيير زيت المحرك لأكسنت 2012 ]
بدأت بتغير الزيت فى التوكيل عند الـ 1000 كم
غيروه بزيت شيل 10,000 علبة لونها رمادى كده
و على 9,000 كم غيرت الزيت برة التوكيل بنفس
النوع بردو شيل 10,000 الى علبته رمادى
بعد حيرة طويلة بين شيل و موبييل بس قررت أحط شيل زى ما عمو غبور قال مع أنى حاسس أنها مجرد شراكة و عقد رعاية بين شركة هيونداى و شيل الأم .
و أخيـراً النهاردة عند الـ 13,000 كم قررت أغير لزيت 5,000 لأنى سمعت بيحافظ على المحرك أكتر و فعلا غيرت لزيت شيل الى علبته صفرة و اسمو
20W 50
بعدها اكتشفت خلال جولتى على المنتديات مش أى زيت يتحط و خلاص فى المكينة
و ان فى زيوت تخليقية و زيوت معدنية و فى شروط عشان أحول من نوع لنوع و لازم استخدم حاجة اسمها فلاش الأول و مفهمتش أى حاجة
فياريت لو حد عندو فكرة عن الموضوع يقلنا
مـا هـو الـزيـت الأفـضـل لـهـيـونداى أكـسـنـت RB الـمـعـدنـى أم الـتـخـلـيـقـى ؟
مـا هـو الـزيـت الأفـضـل لـهـيـونداى أكـسـنـت RB شــيــل أم مـوبـيـل ؟
مـا هـى ضـرورة اسـتـخـدام الـفـلاش عـنـد الـتـحـويـل ؟ّ!
فى انتظار ردودكم و تفاعلكم معنا
