سلام عليكم
انا زهقت من التدوير على عربية مستعملة وفى الاخر قولت اجيب زيرو بالتقسيط واقسط عن طريق بنك ناصر فكانت عجبانى اتوس برايم عشان صغيرة واستهلاكها للبنزين قليل وشكلها حريمى سالت فى ناشيونال موتورز بس مرحتش سالته على الفيس بوك عن الاتوس والسابا قالى السابا مش متوفرة دلوقت ممكن الفرنا والاي تن ودى اسعارهم 64 و 68 فانا شايفة فرق السعر مفيش بين الاى تن مع انها عربية مينى وبين الفرنا اللى كبيرة فايه رايكم ايه احسن الاى تن ولا الاتوس وليه والفرنا هل كويسة ولا لا واستهلاك البنزين فيها معقول ولا لا وسمعت كمان عن البيكانتو انها شبه الاى تن انا مشاويرى مش كتير وجو البلد ومفيش غير انا وابنى ممكن اوصل بابا وماما مثلا او حد من اخواتى ايه المناسب ليا فيهم ويا ريت حد يقولى القسط هيكون كام وايه الاجراءات لو عن طريق بنك ناصر انا مدرسة ومرتبى مش كبير وكل اللى معايا اول عن اخر 30000 ومش هيبقى معايا ولا مليم تانى مستنى ردودك اللى هحدد بيها اجيب ايه