الادوات المستخدمة
1- سلك 1 مم بطول 5 م طبعا دة بزيادة
2- عدد 2 كتاوت relay سوف اضع رقمة
3- عدد 2 فوج شبورة
4- مفتاح شبورة من التوكيل بسعر 132 جنية طبعا الاصلى
5- منشار حدادى ب 1 جنية لفتح مكان الفوجات فى الاكصدام
فلنبداء
دة يا جماعة دايجرام الدائرة المطلوب تنفيذها
ماتتخضوش الموضوع سهل بس لازم كل شيى يتم على اساس علمى وبنظام
الموضوع الخاص بنا E08 و E09
طيب نبداء أزاى
اولا ناخد فكرة عن سيارتنا
السيارة جيتز كاملة بتكون مجهزة بالدائرة ولكنها مش كاملة
بمعنى
يلزم لعمل الفوج امران
1- وصلة من داخل السيارة حتى علبة الفيوزات
2-وصلة من علبة الفيوزات الى E08 - E09
الخبر الكويس ان السيارة بها الوصلة رقم 1 والموجودة على يسار السائق
حتلاقى جنب مكان الفلوس " العملات " طبة شيلها حتلاقى السيلك جاهز على تركيب المفتاح
دلوقتى اكيد حسيتم معايا بانجاز شيى وهو تركيب الزرار
نيجى بقى للخطوات المتخصصة شوية
نبص كويس قوى فى الدياجرام حنلاقى ان كل فوج طبعا لية موجب وطرف اخرسالب
الارضى سهل بس بردة مش حسيبكم غير ما اقولكم مكان التوصيل الارضى حسب المصنع
الطرف الموجب يا جماعة نبص كويس حنلاقية جاى من الفيشة المسماة EM11 الخرج رقم 12
طيب فيين بقى مكان الفيشة دة
الفيشة دة حتلاقوها موجودة فى علبة الفيوزات التى هى بداخل الكابينة