[miam0502788391]

المشاركة الأصلية كتبت بواسطة waelsalah من على احد المواقع سعر الاسكترا الباور الاستيراد 250 ج بس معرفش فى منها جديد ولا لا هو الدركسيون معاك فيه مشكلة ؟ متابع معاك وربنا ييسرلك الامور يارب

الله يخليك يا استاذ وائل
شكرا على الاهتمام
الدركسيون يا سيدى كان بيلف شمال لوحده والعربية تحدف شمال لما تكبس بنزين وبعدين لما تخف رجلك من على البنزين يرجع يعدل تانى , طلع العيب من المثلث اللى ماسك المقص اليمين فى الشاسيه طلع فيه مسمار قلاووظ بايظ فعامل سنة بوش فى المقص , المهم الشغل اللى فى المثلث اتعمل
حاليا العربية لسه مش مظبوطة وتعوم على سرعات صغيرة وتحس ان العجل مره يقفل ومرة يفتح والعربية مرة تحدف يمين ومرة شمال , رحت اظبط زوايا الراجل بتاع الزوايا قاللى العيب ده من الاسكترا
ان شاء الله على يوم الخميس هروح للعفشجى ونفك الاسكترا ونظبطها او نغيرها