[أيمن الروبي]

1-هات قطنة وبلها تنر من عند اي حد بتاع بويات و لو في البيت عندك اسيتون لإزالة المانيكير وامسح مكان الحكة
2-اعمل 1/8 كيلو بوية عند حد بتاع بويات وبودانة امشي مكان الحكة وخلي بتاع البويات يضيف نقطة مصلب علي البوية عشان تنشف لما ترم الحكة
3-بعد يوم لمعها بحتة كمبوند بقطنة وبعديها علي طول لمعها بحتة بوليش واتفرج يا سلام
بس للعلم هيكون في اثر للحكة ويفضل انك ترش الباب بس عند صنايعي محترف
ليه؟ قولتلي ليه عشان الصنايعي المحترف بيعمل الآتي
1-بيمعجن علي اد الحكة بالظبط وبيبطن علي اد الحكة بالظبط وبيرش المط علي اد الحكة بالظبط لو ميتاليك وبعد كده بيرش الورنيش علي الباب كله بالتالي الباب مش عليه معجون ومعلهوش مط غير مكان الحكة وللعلم الباب بترش كله ورنيش عشان لو اترش جزء منه بيبان وبيعلم والورنيش شفاف وبالتالي الصنايعي المحترف محدش بعد كده يعرف ان الباب مرشوش لإن مفيش معجون يعتبر
اما الصنايعي الغشيم بيمعجن جزء كبير من الباب آل يعني بيكرمك وبعد كده لو الباب اتحك او اتخربش بيبان المعجون المحطوط فبيتعرف ان الباب مرشوش